يلا كل واحد يقول حلم حياته..

انا بقول ان كل واحد يقول حلم حياته لان الغرض من هذه الفكره هي ان كل واحد فينا له هدف وحلم يسعي دائما الي تحقيقه.وانك لما تقول حلمك بالطبع كده انا بفكرك بيه بكده يزيد عندك الحماس لتحقيق هذا الحلم..واكيد كل واحد فينا له حلم نفسه يحققه .. قول حلمك واسعي الي تحقيقه اومال احنا عايشين ليه..

ارجو ان تكون الفكره خفيفه علي قلوبكم..

انا حلم حياتى انى اجيب عربيه عاديه ودى مش غاليه دى 84 الف بس
ادعيلى ياجماعه وحلم حياتى كمان انى اشوف اخويا متجوز واشوفه وهو عريس

84 بس لا كده سهله شهر كده بس وتجبيها..

يارب بس ازاى

ربنا معاكي بقا انا لو كان معايا 84 الف بصراحه مكنتش برده هجبهالك..بهزر

ههههههههههههههههههههه اه مانا واخده بالى
مقبوله

طاب ايه الوشوش ألي انتي حطاها بعد الرد دي.. للدرجه دي مفيش تفاؤل خالص..

ابو تريكه...
موضوع هايل
انا حلم حياتى ..هو فى الواقع مش واحد بس دول كتييير

بحلم ييجى اليوم اللى اصحى فيه من النوم الاقى البلد و الناس و العرب والمسلمين كلهم مع بعض
واقفين مع بعض و بيحبو بعض
نفسى اشوف فى الاخبار المذيعه بتعتذر عن عدم وجود اى اخبار عن الحروب....لانها ببساطه مش موجوده خلاص

نفسى كلمة العرب و رايهم الناس تاخده و تعمل بيه فى كل حته فى العالم
نفسى امشى فى كل الدنيا وانا لابسه حجابى و معتزه بيه لانه دلاله على ديانتى...
نفسى نفوق و نلحق نصلح قبل مانندم

نفسى احب واتحب و يبقى عندى عيال ... بس مش كتير...عشان اعرف اربيهم صح
و اخيرا...نفسى الاقى نفسى

ابو تريكه...
الف شكر على الموضوع الجميل والفكره الاجمل

احلي احلام والله.. ووالله علي احساسك العالي..

الله على ذوقك انت يا ابو تريكه
باقة ورد معطره بالشكر ليك

حلمى انى اشوف كل انسان سعيد وبيحب حياته ويحب غيره ويتمناله الخير

وان شاء الله يا اميرة تجيبى العربية بس تعملى حسابك اني استعملها معاكى

وان شاء الله يا miss
تحققى احلامك وحلم كل الناس

اوك من عنيا
بس هخليكى تدفعى حق البنزين بقه
لانى بخليه

موضوعك جميل جدا وده المتوقع منك
انا بقي حلم حياتي ان الناس تبطل كدب وكل واحد يقول اللي في قلبه من غير مجاملات وتظاهر
والانسان يكون مواجه نفسه دايما بحقيقته
الحياه هيبقي شكلها جميل اوي لو عملنا كده

حلم حياتى انى اسافر وارتبط بانسانة اكون بحبها بجد مش جواز صالونات
واتمنى ان حال البلد دى يتصلح وانا كل واحد يقول اللى فى قلبة ومش يخاف من حد
واتمنى ان الناس تعرف ربنا وتصلى وتراعى ضميرها
بجد دى امنية حياتى علشان احنا مسلمين مش بالبطاقة بس

الله ينور يا فن فن
حلم حياتى
انتى اخلى الناس اللى حوليا سعداء
وانى افرح باختى
وانى ابقى اخد منها العربيه لفه

ماشي يارونالدو بس ماتنسانيش انا معاك في العربيه احجزلي الكرسي ألي جانبك..

شكرا ياعاشقه وسوف وردك نور موضوعي.. ويارب تتحقق كل احلامك..

شكرا يا ( just 4 u ) علي مرورك الجميل ده.

فن فن حبيب قلبي شرفت موضوعي ويارب احلامك تتحقق..

ايه ده انا مش هخلى حد ياخده كل واحد يحلم بعربيه لنفسه انا ماليش دعوه

هيا بقت كده.. طاب البنزين علينا طيب .. موافقه

هفكر وابقى اقولك
بس محتاجه وقت ده قرار صعيب

لا هو قرار صعيب .. هو مين صعيب ده..

صعيب = صعب والاتنين زاى مانت عارف اخوات

صعيب وصعب اخوات من أب وأم تانين..

هههههههههههههههه صح

نفسى فى موبايل بكاميرا

ان شاء الله هتجيب موبايل بكاميرا وتصورني بقا عليه اوعا تنساني..

اولا اسافر اى بلد اوروبى

ان شاء الله يالحب الضائع هتروح اي بلد اوروبي..

وانا حلم حياتى انى ابقى رجل اعمال

وارتبط بانسة تكون بتحبنى ومش زواج عادى

ونفسى الاقى الناس مالية المساجد وعارفة ربنا (( وانا اولكم يارب يهدينى ))

ونفسى الف العالم بالنش فى البحر ويكون بتاعى وطبعا مش هادى لحد لفة

وكفاية كده

ان شاء الله ياطائر هتتحقق كل احلامك.. بس انا عايز لفه بالنش بقه..

ان اصدقائى يخلصولى زى ما انا بخلص لهم وانى احب حب بجد..

انا يتيفا اتمني لك ان تحب بجد ..
اما عن الاخلاص فالانسان الذي تخلص له اكيد طبعا لازم يخلص لك..

ممكن انا اقول حلم حياتي..
انا نفسي ابقا بني ادم بجد..