كيف تكون ناجح فى حياتك 2

السلام عليكم ورحمة الله وبركاتة

ازيكم يا شباب عاملين اية
هاه حلمتم

طيب نيجى للخطوة التانية

وهى (( الخيال ))

هايسالنى منكم واحد يعنى هى هاتفرق حلم عن خيال

هاجاوب و اقوله ايوة تفرق طبعا طبعا

زى ما قولت كلنا بنحلم لكن اضافة الخيال ده تميز (( ازاى ))

اقولك ازاى

كلنا بنشوف لوحات لفنانين صح

طيب لو جبينا اتنين فنانين كمثال يعنى و الاتنين بيرسمو لوحة عن الغروب

واحد بيرسم الموقع وهو قاعد على البحر فى لحظه غروب و بيرسم

و التانى قاعد فى بيتة بلليل و بيتخيل لحظه الغروب

لو جينا قارينا الاتنين

الاول رسم لوحة فوق الوصف جميلة اوى وكل اللى يش وفها هايقول فعلا جميلة بس لو وقف قدام منظر الغروب الطبيعى هايقول بردو الطبيعه تفرق لانه ببساطة الرسام الاولانى شف المنظر رسمة زى ما هو شايف مش ضاف علية فن او شئ جديد نقل المنظر من ذورة متحركة لصورة ثابتة

التانى رسم اللوحة روعة روعة روعة و اللى هايشوف منظر الغروب الطبيعى بردو هايشترى اللوحة دى لان الرسام رسم بخياله ضاف جديد يعنى تخيل الشمس لحظه الغروب وتخيل ان فى عصفورين طايرين فوق وسحابة جنب الشمس و اتنين قاعدين على الشط ومركب بشراع فوق المية فعلا استخدم الخيال

ده خلى الصورة اللى رسمها تبقى متميزة لانه ضاف الخيال بس بحدود الصورة يعنى مش رسم شئ فوق الخيال يعنى مش رسم مثلا اى شئ خارج يعنى نادرا لما بتبقى فى عصفورتين طايرين فى لحظه الغروب نادرا لما بتلاقى سحابة نادرا لما بتلاقى اتنين بس على الشط ده رسم بخيال وضاف جديد بس فى حدود المعقول

طيب وده لازمتة اية مع الحلم

احلم وتخيل وخليك متميز الخيال فى حلمك هايخليك متميز لان لكل شخص خيالة الخاص وكل شخص هايضيف شئ فى خيالة بيتمناه غير التانى وده اللى هايخلى حلمك متميز عن غيرك

معايا يبقى انت دلوقتى هاتعمل اية ؟

الحلم اللى حلمتة ده ضيف لية لمسة خيال ابداعية من وحى خيالك هاتلاقى حلمك متميز اوى عن حلم غيرك هايخليك انت نفسك مبسوط انك حلمت الحلم ده وتخيلتة بالمنظر ده

تمام هاه اقتنعت ان الحلم غير الخيال

يبقى ضيف لمسة خيال على حلمك

فى منكم دلوقتى هايسالنى اية لازمة ده بالنجاح ؟؟

هاقولك عشان تبقى ناجح لازم تكون متميز مش بتقلد ولان طبيعة شعبنا التقليد لازم انت تتميز ازاى يعنى

هاقولك بمثال وليكن مثلا مثلا مشروع السنترال

اول ما اتعمل مشروع السنترال ده كان تميز من شخص حلم بانه يفتح مكان يكون مخصص للاتصال بدل ما كان زمان التليفون عند البقال و فى القهوه لا ده هايتميز بمحل خاص وفتح المحل فعلا

انما التانى لاقى محل سنترال مفتوح و بيكسب فراح مقلدة اه كسب بس مش نفس المكسب عارفين لية لانة الاول بردو ناجح لان مشروعة نجح وفعلا بقى فى ناس بتقلدة يعنى هوه الاصل

وحاليا السنترال فى كل شارع لا و ساعات بتلاقى سنترال فاتح جنبة سنترال


طيب احنا وصلنا لاية

اقولك ممكن تلاقى اتنين او تلاتة متفقين فى حلم واحد بيحلموة سوا زى الاصدقاء او الحبيب و الحبيبة انما من الصعب اوى و النادر اوى انك تلاقى الاتنين عندهم نفس لمسة الخيال لان ده شئ ميزك بية ربنا عن غيرك

يبقى تميز بلمسة خيال انت بس اللى شايفها و نفسك تعشها

ودى تانى خطوه للنجاح

و انتظرو الموضوع القادم باذن الله

بقلم
الطائر الحزين