مصلحنى أمصلحك

الرشوة الداء الملعون لمجتمعنا المعاصر

المشكلة كبيرة لاتنجز اي مصلحة الا بعد الوينجز زي مابيقولوا (( أغمز تنجز)) وكمان (( أبجني تجدني))
أو بمعني أصح ((سياسة الدرج المفتوح)) جميع الاعمال في مصر لاتتم الا بعد دفع المعلوم وصباح الخير

المشكلة الاكبر أن الموظف صاحب الدرج المفتوح رؤساءه عارفين وبيقسموا معاه ؟ ياتري نعمل أيه من أجل القضاء علي هذا الداء الملعون ؟ وياتري لوعايز تعمل مصلحة ليك والموظف عطلك عشان مدفعتش المعلوم هتدفع عشان تنجز ولا مش هتونجز ؟


--------------------

شارك برأيك لاتتردد منتظرين مشاركتك في قضايا ومشكلات من واقع الحياة

رونالدو

الموضوع ده فعلا من اخطر الماضيع اللى بتواجهنا حاليا فى الحياه العامة
ومش عارفين نلاقى ليها حل
لو قررت ان مش تدفع مش هاتخلص و لو دفعت يا سلام
تبقى صاحبى و حبيبى و كفاءة و تخلص ورقك فى الاول
مع ان اسلامنا مشدد على الموضوع ده
(( الراشى و المرتشى فى النار ))
ودى حاجه احنا كلنا عارفنها

طيب و الحلول
مش عارف بس فى اكتر من حل
1- اننا كلنا نبطل العادة دى (( وده شئ مستحيل حاليا ))
2- ان الرؤساء يشددو فى الموضوع ده (( طيب و هايكلو منين هما هايقولو كده ))

فعلا موضوع بجد هايل رونالدو
و يارب حد يقول لينا احنا ممكن نعمل اية

فارجو ان لا تحرمنا من جديدك و من تميزك يا مان

اللى اعرفه ان الراشى والمرتشى فى النار
بس السؤال؟
تقدر تنجز اى حاجه دلوقت(اكرر)دلوقت
من غير ما الدرج يبقى مفتوح والنفحة بتاعتك تتحط فيه؟

انا شايفه ان احنا نعمل جمعيه وانا اقبضها الاول


يعنى من الاخر صعب جدا جدا جدا جدا جدا جدا جدا
يا خساره ماعنديش وقت كنت مليت الصفحه
المهم جدا جدا ان المشكله دى تخلص
بس برده مش مستحيل
عشان تعرفو بس انى متفاءله
بس للامانه انا هادفع

الصراحة انا ببقى مضطر ادفع لان لو مدفعتش يبقى اعتبر ان الحاجة اللى بعملها وقفت خلاص
يعنى مرة انا كنت بعمل فيش يعنى اخرة علشان يطلع يومين
لا علشان مدفعتش الموظف وقفها لا وخلانى اعمل واحد تانى (قال اية الاولانى ضاع )
يعنى من الاخر هتدفع هتدفع

والله دا شيئ مؤلم ان حيتنا تبقى متوقفه على شيئ حرام لازم نعمله علشان نمشى حياتنا

استنونى فى المشاركه اللى جايه وأنا هجيبلكم كلام أهل العلم كله فى الموضوع ده

مشكور يا حبيبى رونالدو

مميز كالعاده

حبيب قلبى الفارس
انا منتظر ردك على أحر من الجمر
لانى رفضت أعمل كده مره وندمت الصراحه
يارب أطلع صح

رائع يا محمد واستمر

موضوعك جامد جدا بس ده مش في المصالح بس ده وصل للكليات دلوقتي اللي عاوز يجيب تقدير يغمز وكله بحسابه وانت وجيبك بقي مش انت ودماغك ولا مجهودك بس المشكله السوده اللي كله بيتساوي في الاخر يعني اللي يزاكر زي اللي يدفع وممكن يكون اللي دفع اعلي من اللي زاكر عاوزين حبه رحمه او حبه فلوس علشان نعرف نغمز ونعيش احنا كمان

يامراحب بس ياترى مين فيكو حيقدر ميدفعش المعلوم علشان ميخلصش مصلحتو

كلنا أن شاء الله عشان الراشى والمرتشى فى النار
نعرف دينا ونتعامل على اساسه
حالنا هتيغير كتير أن شاء الله

اللهم ما امين واللة يفتح عليك

(رونالدو) موضوع اكثر من رائع بس انت عارف انت بتناقش قضية انت نفسك بتشارك فيها هو دة اساس الموضوع


لو انت عاوز تقضى على هذة العادة السيئة ابدأ بنفسك انا مش قصدى انك مرتشى والاعوذ باللة
بس راشى

يعنى هى البلد اساسا ماشية على كدة
ابسط مثال انت لو عاوز تخلص ورق من عند القسم القسم بتاعنا اللى فى كفر الدوار ولقيت عندة زحمة بتعمل اية اكيد بطلع جنية ولا 2 جنية ولا 5 جنية علشان تمشى نفسك

انا وانت وغيرنا بنعمل كدة بس انت عارف ادينا دفعنا فلوس (رشوة يعنى) علشان نمشى بسرعة بس برضة فى ناس كتيرة اوى مدفعتش حاجة (رشوة يعنى) وخلصت ورقها برضة ومشت زينا

اكيد دلوقتى بقة عرفت ازاى نتخلص من هذة العادة السيئة

بس بجد يا (رونالدو) تم التعديل من قبل الاداره مواضيعك كلها جامدة اوى