يابشر احنا بشر

مشكلتنا يا بنى البشر ان كل منا ينظر لنفسة دائما و كانه الملاك المنزل على الارض
شايف نفسه بيعمل كل شئ صح ولانة ملاك مش من حقة انه يقول هو عمل اية
لا من حق الناس انها تحس و تشكرة كده لوحدها ولكن الحقيقة ان من يرى هذا فى نفسة هوه خاطئ خاطئ خاطئ و 100000000000 خاطئ لاننا كلنا بشر يا بشر
كل واحد شايف نفسة كويس و بيعمل خير و شايف نفسة صح حتى لو الناس قالت لية العكس بيفضل متمسك باعتقادة لا و بيتمسك بية اكتر و اكتر كل ما تفوت الايام و تفوت

يا بشر يا بنى ادم يا اهل الارض كلنا خطائون وكلنا بداخلنا الخير و الشر و الحب و الخداع و الظلم و الحق كلنا بداخلنا هذه المشاعر المتناقضة حتى لو رفضت انت ان تصدق هذا
عارفين لو كانت الناس كلها جواها شعور واحد سواء بالخير او بالشر احساس واحد مش متناقض كانت الدنيا دى باقت قسمين اتنين مش ليهم تالت ابدا ولا هايكون ليهم تالت وكان هايبقى لكل فرد ملاك واحد بس بيكتب لية سواء الخير بس او الشر بس مش ملكين وكانت الدنيا باقت شئ تانى الحلوين مع بعض و الوحشين مع بعض نص الارض فيها حروب و النص التانى عايش فى حب و سعاده
فوقو يا بشر فانتم بشر
من حقى كبشرى انى اسمع اعتذار من شخص اخطأ ومن حقك على كبشرى ان تسمع اعتذارى ومن حقى ان اواجاهك عندما ارى انك قد فعلت شئ خطأ و من حقك ان تواجهنى عندما افعل شئ خطأ ومن حقنا نحن الاثنان كبشر ان نبرر موقفنا ثم نقتنع بايهما اصح رأى ام رائيك

لية احنا مش شايفين الدنيا كده او معظمنا شايفها كده وكلنا شايفين اننا واقفين على شفا الحفرة اللى هاتخلينا وحشين اوى وهانبقى اوحش ناس فى الدنيا غلط يا جماعة مافيش ابدا كده كلنا جوانا ارادة و تحدى و عزيمة و قوة وهبها لينا ربنا سبحانة و تعالى نقاوم بيها الشر لما نفكر فية و نقرر نقف مع الصح ونتحدى بية الشر

كل اللى بيربط كل العلاقات فى الدنيا دى هى حبل صغير غير مرئى بس حبل مهما كان متين ومهما كان قوى بيتقطع لو الطرفين شدو الحبل والا مش كنا شفنا اقوى العلاقات تهدم كعلاقة اب مع ابنة سمعنا كثيرا عن ابناء قتلو ابائهم و عن سيدات قتلو ازواجهم و اشقاء و اصدقاء
يبقى ازاى الحبل مش هايتقطع ابدا مهما كان قوى

تنازل عن كبريائك يا ابن ادم و عن عندك و ارخى الحبل لاخيك عندما تشعر انه بحاجه الى هذه الارخائة وصدقنى لن تكون مهزوما ضعيفا بل ستكون اقوى الاقوياء لانك انتصرت على نفسك و انتصرت على الشر الموجود بينكم و انتصرت على اقوى عدو لدود لك وهو الشيطان
فوق يابن ادم فكلنا من التراب وكلنا الى التراب سنعود
فوق يا ابن ادم فانت ابن ادم بشر تخطئ وتنسى وتعطى و تاخذ و تنصر وتظلم وتحزن و تفرح