مصر بخير يارجاله

موضوع: مصر بخير يارجاله الأحد مايو 18, 2008 6:00 pm

مصر بخير يارجاله

صدق اللي قال أن مصر بلد العجائب , صحيح عندنا أبو الهول والأهرام , وشارع الهرم , وكباريهات شارع الهرم , ورقاصات شارع الهرم , ورقصني يا جدع , وأنا جدعّ ممزوجة برائحة منقوع البراطيش المصري , وعندنا ناس بتصلي في الجوامع والكنائس والمعابد , كمان عندنا شرم الشيخ ومارينا وبرتو سخنة أكبر مدينة سياحية علي جبال مصرية , وأم كلثوم والشيخ الشعراوي , وعبدو الحليم , وعمرو خالد وعمرو دياب .. كلها رموز مصرية عملاقة معروفة داخل مصر وخارجها .. آه .. الناس مخنوقة لكن مبسوطة وآثار الانبساط ملموسة ومحسوسة وموجودة في الشارع , أكيد قابلت باشمهندذ من إياهم فاشخ بقه وبعد ضحكة هبلة وقصيرة يقولك : مصر بخير وكله تمام وتحت السيطرة " والحقيقة ان مصر فعلا

بخييييييييير!

*******

الحكومة , والصحف القومية , والرئيس شخصياً , وبالمناسبة ( كل سنة وهو ريس قد الدنيا ) , والإعلام المصري ممثلا في البيّت بيتك وبعض البرامج التلفزيونية الاخري المعتمدة علي البلوظة كغذاء رئيسي لها , وحفنة من الشيوخ والقساوسة , وشعبة من التباعين والمهللين والهتافين المنافقين المشعوذين الملاعين , وعدد اتنين او تلاتة من رجال الأعمال أعداء الدين أصحاب الليموزين , وبعض السياسيين المحنكين المخضرمين .. الـ ..... (!!)

كل هؤلاء .. عزيزي القارئ , يؤكدون لك ولي وللشعب المصري وللدنيا كلها أن مصر بخيييييييييييييييير!
بينما انت وانا وعشرات الملايين مثلنا نعد شوية عيال لاسعة ؟
نعم يا عزيزي القارئ أنت لاسع !!
أرجوك .. لا تنفعل !
أنت بلا شك إنسان لاسع ولا تفهم كيف تجري الأمور حولك !!
أنت لاسع لأن مصر بخيييييييييييير بينما أنت أطرش وأعمي لأنك لا تري ولا تسمع عن هذا الخيييييييييييييييير!
أنت لاسع يا عزيزي .. وأرجوك مرة اخري لا تنفعل ان قلت لك أنك أحمق ؟
أحمق لأنك بكل بساطة وسذاجة تركت كل هذا الخيييييييييييييير وذهبت تقاتل مع المقاتلين علي رغيف عيش ؟
أفلا تعقلون ؟

ثم ما لك أنت ومال السياسة ؟
إييييييييش فهمك انت في السياسة ؟

حضرتك واحد متربي أحسن تربية ومتعلم في أحسن المدارس وأفضل الجامعات العالمية التي تضاهي وربما تفوق جامعة مثل هارفارد أو كامبريدج أو حتي اوكسفورد (!!)
ألم تسمع عن جامعة مصرية عالمية تدعي جامعة عين شمس ؟
ألم تري بأم عينك التكنولوجيا الحديثة هناك !

وبعد هذا كله تأتي بكل غطرسة وتتحدث في السياسة ؟
تقول أن مصر منيلة بستين نيلة ؟
أنت يا عزيزي لا تفهم في السياسة !
لأنك منحرف .. نعم منحرف .. انحرفت عن التطور الطبيعي لخييييييييييييير بلدك وذهبت تبحث كالمجنون علي رغيف عيش!

ألم تسمع عن العيش الفينو ؟ أو قلي انك لا تعرف الكورواسون والباتية في البريك !
لماذا تترك كل ما لذ وما طاب من خيرات ربنا وتقاتل في سبيل رغيف عيش مقفع ؟

أوبعد هذا تقول لي سياسة ؟

ألم يأتيك خبر فتاة

ألم تسمع انهم بالامس - وبالامس تحديدا - افرجوا عن الشباب المعتقلين الملسوعين
في اضراب 6 و 7 ابريل العظيم ؟

ألم تراهم بعينك وهم يشكرون في الحكومة وفي الريس وان السجون ليست بسجون
وانها جنة من جنان ربنا !

وطبعا كلكم عارفين كويس ان مصر بخييييييييييير

وبالمناسبة السعيدة دي بنهدي الريس اغنية المودمازيل نانسي

يلاا كلنا مع بعض!

لو سالتك انت مصري تقولي اييييييييييييييييه
قولي مصري بن مصري وكل مصري الله عليه [img:5b5d]http://www.shbablive.com/forums/style_emoticons/3d_smiles/36_1_21[1].gif[/img:5b5d]

هههههههههههههههههه جميل جدا يا رونالدوا والله مشتاقين لمواضيعك الجميلة

هههههههههههههههههههههههههههههه

لا فعلا والله يا رونالدو

مصر بخير

وفعلا وجهة نظر كان لازم ناخد بالنا منها من زمان

جميل يا رونالدو الموضوع ده وكالعادة متميز

نورت بيتك مرة تانية

مصر بخير يارجاله 89f12f4876

وده فى رائى حال مصر

رونالدو
موضوع جميل بس ايه الجديد
ماهو هو دة الحال زى ما احنا عرفناة وعارفينه وهنعرفه
يارب فى يوم من الايام
نبقى احسن.

Admin عدد الرسائل : 84 تاريخ التسجيل : 25/02/2008

كل سنة وانتم طيبين وكل مصر بخير وسلام وهنا
ورز ومكرونة ولحمة وفراخ ومننساش عيش وطحينة هههههههههههههههههههههههه

شكرا يا رونالدو
قلبت المواجع
Sad