اختطاف من وسط الاتوبيس!!!!!!!!!

القصه دى انا ماشفتهاش بس سمعتها من مصادر قريبه منى .وللاسف هى حصلت اكتر من مره فى مرات مختلفه... بس مع ذلك انا مش قادره اصدقها ..المهم هاقولكم عليها جايز يكون لكم راى تانى...



الى بتحكيها واحده ..طالبه عاديه كانت لراجعه من المدرسه بتاعتها فى يوم عادى و روتينى جدا.و كانت واقفه فى الاتوبيس يعنى ده معناه ان الاتوبيس مليان بنات و شباب و رجاله كبار...المهم فجاه طلعت بنت الاتوبيس و هى بتجرى من حاجه و بعدين طلع وراها شباب ماسكين سيوف و هددوها و خدوها رغم صرخات استنجادها امام جميع الركاب...!!!!!

ده حقيقى؟و بيحصل فين؟؟فى بلد عربى ...و اسلامى؟؟؟؟؟طيب ازاى؟ و ليه؟
ولو احنا وصلنا للمرحله دى يبقى فاضل ايه؟؟انهم يدخلو يجيبو البنت من بيتها؟؟


حتى لو فرضنا ان البنت تعرف الشباب دول لاى سبب فماتنسوش انها استنجدت و طلبت ان حد يساعدها؟؟؟
انا اعرف ان كان سبب غزوه من الغزوات كان امراه مسلمه تاذت.غزوه كامله للزود عن امراه واحده.......دلوقتى الاختطاف بيحصل عينى عينك ادام الناس؟؟؟
هو فى ايه؟؟؟

انا مش مصدق
بس لو حصل قدامى طبعا هدافع عن البنت
عشان بعد كده امشى معاها بهزر طبعا
هدافع عنها لو عرفت اخلصها منهم هكسب احترام كل الناس
ولو لا قدر الله مت هبقى موت شهيد واضمن الجنه اللهم اوعدنا

المبدعة المتميز صاحبة القلم الشامخ (( miss_independent))

فعلا الموضوع مش يتصدق ولولا انه حصل معايا شخصيا مش كنت هاصدقة
وكثير منكم يعلم القصة التى حدثت معى
انى كنت فى القطار و على المحطه نزلت و لاقيت بنات بتجرى و بتستنجد بيا عشان مجموعة شباب معاهم سلاح ابيض عايزين ياخدوهم بالعافية و فعلا قررت اتصدى للموقف على اساس ان الموقف ذاتة هايجيب ناس ياما معايا وهما كانو 3 شباب بس بالفعل مش فى حد اتكلم ولا حد قال بتعملو اية ولا حتى حد سال فى اية

و الله لو بعث احد الصحابة الان لبكي بدلا من الدموع دماء على حال مجتمعنا و حال شباب المسلمين
هل وصلت بينا فعلا اننا مش نتصدى لاى حاجه
ياجماعة ده لما ربنا سبحانة و تعالى بعت الملايكة عشان يقضو على مدينة و الملايكة قالت ان بها عبدا صالح قال سبحانه و تعالى ابدأو بيه لانه يرى الفحشاء و لا يرضها

رونالدو الموضوع مش احترام الناس بس الموضوع احترام نفسك تخيل انت لو كنت فى مكان مقطوع و حصلت الحكاية دى كنت هاتسيبها طيب و منظرك انت كان هايبقى قدام نفسك اية لو كنت سمعت تانى يوم ان البنت اتقلت ولا حصل ليها حاجه كنت هاتسامح نفسك

بجد الموضوع ده كبير جدا ومش يكفية ولا 100 صفحة كلام

موضوع فوق المتميز يا مستقلة بجد
فلا تحرمينا من تميزك و ابداعك

آسف أنستى المستقله
لا أستطيع تخيل القصه

أو أن عقلى رفض تصورها

حيث أنك قلتى بلد عربى و اسلامى

لو قلتى فى شرق آسيا ممكن أصدق لكن بلد عربى اسلامى

آآآآآآآآآآآآسف .... رغم الذل اللى المسلمين فيه انما دا مش ممكن يحصل على الأقل فى وسط الأتوبيس


.... أنا مش بكدبك لا والله أنا مصدقك بس مش قادر أتصور القصه فى بلد عربى إسلامى

شكرا رونالدو لمرورك
ووجهة نظرك رائعه فى انك تساعد البنت عشان تمشى معاها و بعدين هى هاتلاقى زيك فين؟؟
الله لو شبابنا كلهم زيك"بهزر انا كمان طبعا"


اما بالنسبه لطائرنا الهمام ....فانا كالعاده مقدره جدا تفهمك للموضوع
و رايك مهم جدا فماتحرمناش منه

ًWhite knight
انا برده فاهماك لانى انا شخصيا لسه مش مستوعبه الموضوع بس صدقنى للاسف الشديد ده بجد بيحصل...و اعتقد ان كلما فهمنا ان المشكله موجوده هانقدر نلاقيلها حل.
فياريت لو قدرت تستوعب الموضوع تقولى بقى عملت كده ازاى؟؟؟ lol
شكرا ليكم جميعا على تفاعلكم الرائع

طيب خلاص هتخيل انه حصل

اهه حصل (فى خيالى)

فين الناس ؟ ...

الصحابة حركوا جيوش علشان فى مسلمه أهينة

يبقى نرجع للأساس .... الناس مش عندها وازع دينى ... بقينا زى أمريكا ..... الأب فى جزيره وبيتفرج على التلفيزيون ... وأم فى جزيره وبتتكلم فى التليفون .... والأولاد فى جزيره واحد بيضرب أخوه والتانى بيلهب بلاى استيشن

دلوقتى لو رحت أى حته فى الأرياف ... هتلاقى كل الناس بتبصلى .. أيوه شكلى غريب ولو سألت عن فلان ... أى حد راجل كبير أو عيل صغير بنت أو شاب هيقولك علطول يمين فى شمال هتلاقى بيته ....

دلوقتى تروح مثلاً فى الهانوفيل ( لأن دا حصل معايا) سألت عن شخص الناس كلها مش عارفاه وبعدين بعد ما زهقت وقعدت ساعه لقيته جار واحد من اللى سألتهم .. كان عارفعه شكلاً بس

السؤال دلوقتى ازاى نرجع نخاف على بعض .... ؟

أنا مش عارف .... حد يرد عليا .... حد عنده اقتراح .... ؟

الفارس

السؤال دلوقتى ازاى نرجع نخاف على بعض .... ؟ أنا مش عارف .... حد يرد عليا .... حد عنده اقتراح ....

اننا نزود المحبة و الود بينا و بين و بعض و نسال على سابع جار زى ما الرسول قال لينا و نقول السلام عليكم اللى باقت نادرا ما بسمعها بجد و نود بعض على قد ما نقدر و لما نغيب فى يوم نسال على بعض من هنا المحبة و الخوف على هاترجع تانى لاننا لو عملنا كده هانبقى عيلة واحدة

كلامك جميل يا طائر .... يلا نبدأ

حد تانى عنده أى اقتراحات ؟؟؟؟؟

اه.... انا شايفه ان الناس اما تكون زعلانه من بعض تقول و تعاتب و تعرف ايه السبب ورا الحاجه اللى خلته يزعلها
بدل مابنشيل و بنخزن و المشكله بتكبر لان كل واحد مستكتر يروح يعاتب التانى

بصراحة الموضوع دة محصلش قدامى قبل كدة
بس اكيد لو حصل اكيد انا كنت هدافع عنها
حتى لو مش مع بنت لو اى راجل او شاب مدام استنجد لازم ادافع عنة
اما ان احنا نرجع نخاف على بعضنا تانى فلازم ان احنا نتمسك بدينا اكتر
هى دى الحاجة الوحيدة اللى تخلى الناس قلوبهم على بعض
ومحدش هيخاف وقتها ان حاجة ذى دى تحصل

الاخوه الاعزاء تحيات مصرى مهاجر من زمان بصراحه مش قادر اصدق اى حاجه من اللى بقراه من الجرائد اليوميه 00 المهم اللى شايفه ان الناس من كتر المشاكل تعدت مرحله الالم ودخلت مرحله التبلد والامبالاه وبالتالى أقدر اصدق جدا حاجه زى دى 000

محمد

اشك انهم مسلمين ممكن يكونوا حاجه تانيه غير الاسلام وكمان ممكن يكونوا عارفين البنت دى
وكمان دى من علامات الساعه والله ربنا يرحمنا وربنا مع البنات دى

محب
شكرا على ردك
خليفه و
اميرة الاحزان ...مشكورين يا جماعه على المساهمه الايجابيه دى

(( احنا بتوع الاتوبيس)) >>> انا شفت الفيلم ده قبل كده .... انا اسف للرد بس انتى عاوزه توصلى لايه من القصه دى ؟.. واشمعنى البنت دى بالتحديد اللى حيطلعولها بالسيوف عشان يخدوها .. وبالسيوف!! اكيد دول شباب من قريش... ومادام بتقولى ان الاتوبيس كان مليان بنات ...اكيد البنت دى كانت بايعالهم موبايل 3310صينى مستعمل وبايظ ..فاطلعوا ياخدوا الفلوس منها ..... وهما ماينفعش يخطفوا راجل؟ ولا هو الخطف بس للبنات


لو سمحتى يا ( mis _independent ) تقولى كلام يكون ( balanced ) شويه فى الافكار عشان على الاقل يتصدق ..... شكرا .. وحتى لو ده مش حقيقه ..انا مش ممكن اضيع وقت فى انى اتخيل حاجه زى دى ..طيب ماتخيل انى بقيت صاحب الاتوبيس مثلا .. ويبقى على الاقل ابقى استفدت بحاجه من القصه دى ... وبرده حدفع البنت التذكره الاول وادفع العيال بتوع ال (( سيوف )) وبعدين يخطفوها براحتهم ..ده اكل عيش... دى نقره ودى نقره

بص ....انا ممكن ماعلقش على ردك ولا على اسلوبه لان حتى لو اسلوبك بالتردى ده
فده اكيد يرجعلك انت

لكن اما ييجى واحد زيك و يقولى ....
ur words need to be balanced&i bet u dont even know wat balance means
this i will never allow

اه نسيت....انا بكلم مين
اللى اقصده ان اى تعدى فى الكلام لاى سبب كان ...مش هاسمح بيه
و لحد ما تعرف تتكلم ازاى .....ماتردش على مواضيعى

كلمه للاداره:
ياريت نحط شروط للناس اللى المفروض تنضم فى المنتدى ولطريقة النقاش و الرد
مش اى حد كده ييجى يقول كلمتين مش عارف معناهم ايه

لالالالالالالالالا
ده جيمى يعنى ماحدش بيزعل منه هزار يعنى
وبعدين الكلام ما يبقاش كده
وأنا أسف ليكى بالنيابه عنه لو كان زعلك

اوك انا مش حرد عليكى فى اى مواضيع تانى ومش حخش معاكى فى مهاطرات مش حتودى ولا تجيب ..لانى زى ماقلتلك مابحبش الهيافه فى اى حاجه حتى لو كانت فى رد زى بتاعك .. اه بالمناسبه انا بتكلم انجليزى قبل انتى ماتخديه فى سنه اولى ابتدائى ...

وعلى فكره الرد بتاعى مافيهوش حاجه تجرحك ... وانا بقى لاحقول للاداره ولا حعمل حاجه لان كل اللى فى المنتدى عارفنى وعارف شخصيتى كويس يا ...... وبرده حقولك ياريت تحطى مواضيع هادفه يعنى ليها معنى هه ..عشان على الاقل نقرا العنوان مش لازم نقرا الموضوع هههههههههه

اه بالمناسبه ... انا اعرف المنتدى قبل ماسيادتك تعرفيه .... مش انتى اللى حتقوللى للاداره اى حد كده ييجى يقول كلمتين مش عارف معناهم ايه ....انا عارف انا بقول ايه.... وكلمه زياده فى الموضوع ده اقسم بالله ماحيبقى مجرد نقاش وانا عارف انا بقول ايه...الكلام ده للاداره برده

رونالدو....
متشكره جدا على تدخلك
و لكن ماعتقدش انه يعرفنى عشان يهزر معايا
وانا معاك فى ان الكلام مايبقاش كده فعلا..
انا وجه اعتراضى مش على انتقاده يا محمد ..انا بعترض على الاسلوب نفسه
شايف الكلام؟؟هيافه...مهاطرات"و هو اللى كاتبها كده"
و على العموم يا سيدى كلامك على راسى
و بجد شكرا مره تانيه

مش حينفع كده والله ... احنا داخلين المنتدى عشان نتعارك مع بعض ؟... عموما يا ستى انا بجد اسف .. بس برده انتى استفذتينى بردك .... للمره التانيه انا اسف وممكن نبدا صفحه جديده مع بعض وياستى انا مش حزعل من اى رد حترديه وانا مش حرد اى رد فى هزار فى مواضيعك ومواضيعك كلها بجد كويسه ..انا اللى هايف اعمل ايه بحب الهزار.... وللمره الالف بجد انا اسف

لا شكر على واجب يا أنسه
انتى مش عارف اقولك ايه
وجيمى حبيب قلبى
رجاء خاص ماتبطلش هزار انت عامل روح نحفه فى المنتدى
انا بدخل أدور عليك فى المنتدى
أيوة كده أحنا صحاب ومهما يحصل هنفضل صحاب بكل معانى الكلمه

ماتحرمش منك ياغالى ..يابو رد عالى.. ياللى حالك زى حالى ... وقول للمستقله ماتزعلش منى ...ده الانسان فانى .. وعجبى

ههههههههههههههه
يا ابنى حرام عليك كده
بتموتنى من الضحك

يا the islamic Condor

هيه اظن بتتكلم على البنت وده زاى ما قوتلك قبل كده ده لبنات الى فى المنتدى مش لاى حد وحضرتك ياريت تشوف ردك الاول لانى البنات حساسه اوى وهيه الى يخليها تكتب فى موضوع لبنات يبقى هيه انسانه عندها احساس وممكن انك تشوف انى كلامك مش يجرح بس هيه بتزعل او بتحس انى ردك مش حلو علي موضوع ليها اخد منها وقت ومجهود فهمانى طبعا

اميرة الاحزان
عاجزه عن الشكر

حبيبتى مفيش حاجه ولا يهمك بس انتى بنت وانا بنت وانا بحب مواضعيك كلها ومش بتعدى كده وده راى كل اعضاء المنتدى ومش تحرمنا من مواضيعك المتميزه دايما

يااارب يخليكى يا رافعه معنوياتى يا قمر انتى

The islamic condor

حصل خير ... اعتذارك مقبول


و مستنيه ردودك على كل مواضيعى

Hiiiiiiiii Guys this MIDOS from Graphix section


IF U NEED A SIGNATURE JUST LEAVE ME A DETAILED REQUEST IN MY TOPIC IN GRAPHIX SECTION

ايه ده يا ميدو.............؟
هو انت جاى تنزل اعلان فى صفحتى كده....
طب حتى كنت شارك ..يعنى احس على الاقل انك قرات

سؤال بسيط:اشمعنى الموضوع ده...دونا عن مواضيع المنتدى كله؟
ده استنصاد....ولا تفرقه عنصريه؟؟

او يمكن بيستغل شهرتك

انا بطلب تدخلك الوفرى
اهو.......رد مش فى مكانه
ولا انت مش شايف غير موضوعى انا اللى مش فى مكانه؟؟




ولا اقولك..الطيب احسن...يعنى "على الاقل لحد ماخد منه التوقيع"ولا انت شايف ايه؟

انا شايف اننا نستنى لما ناخد منه التوقيع فأحنا نكبر الـ G دلوقتى وبعد نروش الـ D ونعترض

تمام كده

تمام كده وبما انه طلع جميل
احنا نروش الـD وبلاش نعترض ولا انتى شايفه ايه

تحياتى لكم شباب على الاسلوب الراقى فى مناقشة المواضيع
واتمنى انك تكونوا عند هذا المستوى المشرف فى التعامل مع الحوار وايدلاء الاراىء والراىء الاخر.

اما موضوع الاتوبيس هذا والله هذة الايام انا شخصيا لا استبعد اى شىء من هذا فى ظل هذا التفكك الاسرى والانحلال الاخلاقى .
والله خير حافظ.


تحياتى لكم admin
المدير العام لمنتديات مصرى

sir,Mr Adminstrator

مشكور على المرور...خاصة ان دى اول مشاركه ليك معايا
و تكسب معانا جنيه دهب
________________________
وماشى كلامك يا رونالدو....
نروش الD

ههههههههههههههههههه وانا كمان عاوزه اكسب

على فكرة انا بمصدق عشان حصل بس فى صيدليه ومووجده عندنا ويتهئلى كلوة سمع عنها
فعشان كد ممكن اصدق اى شى فى الزمن ده

اكيد...
مشكور نور الاسلام على المشاركه