الصراحه راحه...وانت ...!!

كان هناك مواطنين واحد امريكى والاخر مصرى
وكان الامريكى يتباهى بانهم يتميزون بالنصيب الاعلى من الديموقراطيه والحريه..
و ليثبت ذلك للمصرى ..ذهب الى البيت الابيض و نادى الرئيس الامريكى...و عندما خرج له قال:بوش..انت رئيس فاشل



قال له المصرى:و ماذا فى هذا ؟فانا استطيع ان افعل المثل و بالفعل توجه المصرى نحو حتفه...ااا نحو القصر الرئاسى و نادى على رئيسنا مبارك"بارك الله له" وعندما خرج له
"قال يعنى خرج" قال بملء فيه:بوش رئيس فاشل...........



لسه عندك شك ان احنا بنتمتع باكبر قدر من الحريه؟؟؟

أحنا فى بلد ديمقراطى
والديمقراطيه يعنى ان من حق الشعب يقول رايه
ومن الحكومه انها ترميه فى السجن ديقراطيه بقه

هو ده الكلام

من النهارده مفيش ديمقراطيه انا الديمقراطيه
على رائ احمد السقا
مشكور انسه على موضوعك

يا جماعة احنا بلدنا ديمقراطى
من حق كل واحد يتسجن برأيه قصدى يبدى برأيه
وبنتسرق قصدى بنقبض مرتبات جامدة
وبنحارب الاسلام قصدى الارهاب
والناس مبسوطة والرغيف كبير والمواصلات فاضية
وابقى قابلنى

اميرة الاحزان
ابو مصعب
مشكورين على المساهمه يا جماعه

وأنا ممكن اشارك ولا لسه زعلانه ... خلاص بقى مايبقاش قلبك زى الحكومه المصريه ... لا خلاص الا انتى بتزعلى من الهزار

لا خلاص
صافى يا لبن.......
بس هو انت كده شاركت؟
عايزه اعرف رايك..ومن غير هزار

الصراحه الديمقراطيه موجودة بس البسوا نضارة بس
الديمقراطيه
ما تفرقش شى عن الملوخيه لكن الفرق ان الديمقراطيه بتاكل الا قدامها والملوخيه بتتاكل

عندك حق ياحيدر والله.. والموضوع ده لذيذ والله ياmissونرجو المزيد..

اية يا ابو تريكة ملكش دعوة بالا لبسين نظارات مين الا بيقول مفيش ديمقراطية علي فكرة البلد كلها ديمقراطية علي رائ وزير الدخلية من حق كل مواطن شريف يعبر عن راية ومن حق قانون الطوارء والمقصود المعتقلات انها تعبر عن رايها شيفين الديمقراطية وبعدين لو اتمسكت هتقولهم الوزير قال من حق كل مواطن يعبر عن راية هيقولك انا قلت مواطن شريف مواطن شريف يعني محبوس محبوس

مشكورين على التفاعل
و ماحدش يجيب سيرة الحبس
مفهوم يا كيمو؟

لية دة حتي السجن للجدعان