كرسى الاعترااف

سوبر يا سوبر

الموضوع ده خطييييييييييييييييييييييير و اخدت انت السبق انك حطيتة لانى كنت لسة هاحطه النهارده
سبقتنى يا مان

طيب نبدا الموضوع بترشيح من الاعضاء للاعضاء اللى عايزينهم يقعدو على كرسى الاعتراف
وكل عضو يرشح عضوة غيرة و نشوف مين هايبقى صاحب اعلى ترشيح و يقعد على الكرسى

ارشح
سوبر مان

موضوع جميل يا مان
ومستنيين اعترافاتك للطير

متشكر للطائر الحزين
كانك انت اللى كتبته واحد والله
اما عن الترشيح ارشح
محب الحياة

كده الاصوات
سوبر 1
محب 1

مين هايرشح تانى

انا برشح احمد صفار بس كهربوة علشان يعترف بكل حاجة

انا برشح محب الحياه

أنا أرشح الطائر الحزين

كده الأصوات

2 الطائر
1 سوبر
2 محب

اللى يوصل عدد ترشيحاتة 5 يقعد على الكرسى

وربنا يكون فى عونة باذن الله

لانة هايطحن بصراحة ( اسال مجرب انا عارف الناس دى كويس )

ممنوع التصويت مرتين

اسئله محمد حيدر ياجماعه

انا بقول نبدأ بالطائر الحزين

خلاص طلما انتم مصممين اوى كده

انا موافق انى ابقى اول واحد اقعد على الكرسى

منتظر اسئلتكم

ومستعد للرد باذن الله

الطائر الحزين من فضلك الاجابة بكل صراحة.
سؤالى: الحب كلمة جميله بالذات بالنسبه لانسان شاعرى زيك!
بتمثلك ايه؟
وياترى حبيت كام مرة؟
وياترى فى قصه تحكيها لنا؟
وفى حاجه فى قلبك دلوقت؟

مش قولت ليكو هاتبهدل
كانى قاعد على كرسى الحلاق بالظبط

حاضر يا ابوحميد انا هارد وبكل صراحة

الحب بالنسبة ليا هو كل حاجه فى حياتى ما اقدرش اعيش من غيرة زية زى الهوا و المية بس مش لازم الحب يكون لبنوتة يعنى ممكن احب صديق ممكن احب اخ او اخت اهلى كده
والحب بيمثلى جزء كبير فى حياتى ويمكن يكون هوه الدافع لانى اعيش واكمل حياتى

حبيت كام مره ؟؟؟ سؤال جامد ولانى حلفت اليمين هاقول بصراحة

3مرات فى حياتى مرة وانا صغنون كده لسة كده مش عارف يعنى اية حب اساسا
ومرة من حوالى 4 سنين واستمرت القصة والحب ما بينا لمدة 3 سنين تقريبا وافترقنا
ومرة فى وقتنا الحالى بس
قصة عن الحب بردو
دى قصة من تاليفى هاكتبها باختصار شديد واسمها (( الطائر الحزين))

كان فى مرة اتنين جران وكانو بيحبو بعض جدا من وهما اطفال وكانو دايما سوا و فى يوم عيد ميلاد الولد جابنت البنت لية هدية قفص عصافير فية عصفورة و عصفور ولان كان عيد ميلاديهم يعتبر فى نفس الاسبوع كان الولد جايب بردو نفس الهدية للبنت وكانت مفاجأة وهما بيقدمو الهدايا لبعض انها تكون نفس الهدية وكبر الاتنين ودخلو الكلية وبردو سوا و اتقدم للبنت ابن خالها وتمت الموافقة علية ولما رفضت وتمسكت بالرفض ضربها اهلها و دخلت المستشفى وراح الواد يبص عليها فى واهلها شافوه ومنعوها من الخروج ومن ان انها تروح الكلية او حتى تبص بس من اى شباك وتم تحديد ميعاد عقدالقران و الدخلة ويوم الدخلة نظر الشاب الى قفص العصافير الذى كان ونسية الوحيد وذكراه فوجد ان العصفور قد مات وكانة مات ليعلن حزنة عليه و فى الجانب الاخر نظرت البنت الى قفص العصافير فوجدت ان العصفورة قد ماتت وكانها تعلن حزنها عليها وعشان العصفوران طائران حزينان وحيدان .......

فى ايةفى قلبى دلوقتى

قلبى مظلم الان كظلمة الليل وقد خلت سمائة من القمر فاصبح الليل شديد الظلام الا من نجمه بعيدة تبعث بنور الامل هذه النجمة البعيدة هى الحب فهل ستقترب منى يوما ويصبح نورها كالشمس ام ستظل بعيدة كما هى ام ستبتعد عنى وتختفى هذا السؤال ستجيب عنه الايام ؟؟؟؟

سوبر
بجد هيه اسلئة حلوة اوى اوى وانامبسوط منك اوى اوى وباقولك مش تسال تانى

ماشى يا طائر
يا جماعة الفرصة بتيجى للواحد مرة واحدة فى حياته
واهى جت
قطعوة اسئله!!!!

هههههههههههههههههههه
و انا منتظر

ومستعد لاى سؤال باذن الله

باقى من الزمن 3 ايام و اقوم من على الكرسى

و اقعد حد مكانى

ياتلحق بقى يا متلحقش

؟؟؟؟؟؟؟؟؟؟؟؟؟؟؟؟؟؟؟؟؟

الاجابة الصحيحة
تونس

سؤال : اية الحاجة الا جيت تحققها وفشلت فيها؟

قابل يا معلم
جاوب بصراحـــــــــــــــــــــــــــــــــــــة

هههههههههههههههه
ماشى ماشى انت فرحان
هاختارك بعدى يا سوبر

كيمو بجد سؤال جامد ؟

بصراحة انا كان نفسى اسافر برة مصر و انا صغير يعنى وانا عندى 16سنة كده لان هى دى الفترة اللى بتكون اقوى فترة للشباب عشان الشغل و النجاح وكده وفشلت فى انى اسافر بس طبعا مش بايدى
وكان نفسى ادخل كلية حاسبات ومعلومات وفشلت طبعا عشان مش كنت بذاكر

مين أعز أصدقائك وبالترتيب من واحد لعشره وما تقوليش كلكم واحد وكده
1 كذا
2 كذا
وعلى كده وما تحطش اتنين فى معزه واحده
فكر وعيش يا معلم

الله ينور علي سؤالك يا رونالدو انت كدة بتضرب تحت الحزام

ليه بس الاحراااااااااااااااااج
مش قلتلك قاااااابل

هههههههههههههههههههههههه
يادزم

معليشى ماقدرتش اقاوم...
انت منين عارف اذا كنت حبيت قبل كده و ان ده ماكانش مجرد اعجاب؟؟
و نفس الحكايه بالنسبه لدلوقتى...؟
يعنى بمعنى اخر.....متاكد انك فعلا حبيت؟او بتحب؟
يلا شد حيلك

ايه هو فين الرد
لالالالالالالا شكله هيعمل بيهرب ما أخر يوم ليه بكره
لازم يرد

ايه اللى نفسك تحققه ..بمعنى اخر احلامك ... بس فى 1 2 3 4 يعنى قوللى حاجه حاجه

لو مجاوبتش على الاسئلة يضاف عقابا ليك يومين زيادة
دة فى خلال اليوم27/3/2008

ماشى و انا موافق
وبمد فترة جلوسى على الكرسى الغريب ده لحد يوم الاثنين القادم

وماشى يا بشر هاوريكم بس لما تقعدو على الكرسى

بالنسبة لسؤال رونالدو

اصحابى مش هاينفع ادرجهم واحطهم فى ارقام لانها بتفرق معايا يعنى فى شخص بثق فية وفى شخص بحبه لله فى لله و فى شخص بعزة معزة خاصة كده يعنى ....

وانتم والله كلكم مكانة واحدة بالنسبة ليا وسيبك من الترتيب

miss_independent كتب:

معليشى ماقدرتش اقاوم...
انت منين عارف اذا كنت حبيت قبل كده و ان ده ماكانش مجرد اعجاب؟؟
و نفس الحكايه بالنسبه لدلوقتى...؟
يعنى بمعنى اخر.....متاكد انك فعلا حبيت؟او بتحب؟
يلا شد حيلك

سؤال المستقلة جامد اوى

الاعجاب سهل اوى يتميز عن الحب يعنى مثلا الانسان اللى بتكونى معجبة بية مش هاتقلقى علية نفس القلق لما يكون حبيب ومش هايوحشك زى الحبيب ومش هايبقى فى بالك بنفس المعنى زى الحبيب ده شئ وده شئ مختلف تماما رغم ان فيهم اوجه كتير من الشبة

طبعا متاكد جدا انى حبيبت وبحب

the islamic Condor كتب:

ايه اللى نفسك تحققه ..بمعنى اخر احلامك ... بس فى 1 2 3 4 يعنى قوللى حاجه حاجه

ياواد يا جامد اية السؤال الجامد ده
ومن نحية احلامى فا انا بحلم بحاجات كتير اوى اوى لو فضلت اكتب عنها هاكتب للصبح

* بحلم اكون راضى عن نفسى ويكون ربنا راضى عنى
* بحلم اكون انسان ناجح فى حياتة سواء عملية او اسرية
* نفسى نفضل اصدقاء للابد
* نفسى ابنى اسرة اساسها الحب
* نفسى الف العالم

ههههههههههه بتهرب

هل تعيش قصه حب في الوقت الحالي؟

الطائر الحزين...
شكرا على الرد

بما انك متقطع كده هحاول انا كمان اقطع ماهي مجتش عليا يعني لو جاتلك فرصه طلقه ناريه تضرب بيها حد ومش هتتحاسب عليه ولا في الاخره ولا من الحكومه ولا ضميرك هيوجعك ولا كل الكلام اللي انت ممكن ترد بيه تقتل مين ؟؟؟؟؟؟؟؟؟؟؟؟؟؟وليه ؟؟؟؟؟؟؟؟؟؟؟؟؟؟؟ ومين اكتر حد اخد منك حاجه غاليه عندك ومكنتش عاوز تديهالو ؟؟؟؟ انا اسفه في الاخر لو كلامي ضايقك ولو مش عاوز ترد عادي

أبو تريكه كتب:

هل تعيش قصه حب في الوقت الحالي؟

ابو تريكة
سبق وان قمت بالرد على شبية لهذا السؤال ولكن سوف اجيب سؤالك

نعم فى الوقت الحالى اعيش قصة حب واتمنى ان تنجح

عاشقة وسوف كتب:

بما انك متقطع كده هحاول انا كمان اقطع ماهي مجتش عليا يعني لو جاتلك فرصه طلقه ناريه تضرب بيها حد ومش هتتحاسب عليه ولا في الاخره ولا من الحكومه ولا ضميرك هيوجعك ولا كل الكلام اللي انت ممكن ترد بيه تقتل مين ؟؟؟؟؟؟؟؟؟؟؟؟؟؟وليه ؟؟؟؟؟؟؟؟؟؟؟؟؟؟؟ ومين اكتر حد اخد منك حاجه غاليه عندك ومكنتش عاوز تديهالو ؟؟؟؟ انا اسفه في الاخر لو كلامي ضايقك ولو مش عاوز ترد عادي

طيب شيفانى متقطع ساعدينى مش تيجى تقطعى معاهم ولا انتى ما صدقتى ولا اية

على العموم يا بنوتة
هاضرب مين بالنار لغبطينى مسيرك هاتقعى وهاسالك ماشى ماشى

بصى هاضربك انتى بالنار
ولية
عشان تحرمى تسالينى سؤال صعب تانى
بس مش تخافى هاضربك بالراحة وانتى اعملى نفسك بتموتى
(( كده وكده يعنى ومش تقولى لحد ))

معلش يا طئر انا مضطر اسالك نت وليمة لينا وانا لازم يبقالي نصيب منها
اية الحاجة الا عملتها وندمت عليها؟ واية الحاجة الا لو الزمن رجع بيك تحب تعملها ؟

كيمو كتب:

معلش يا طئر انا مضطر اسالك نت وليمة لينا وانا لازم يبقالي نصيب منها
اية الحاجة الا عملتها وندمت عليها؟ واية الحاجة الا لو الزمن رجع بيك تحب تعملها ؟

ارحمونى يا شباب

الرحمة (( الغيث الغيث ))

مافيش حد ينوب عنى

الحاجه اللى عملتها وندمت عليها ؟؟؟
انى اديت لانسان قدر مش قدرة و عاملتة على هذا الاساس وطلع فى الاخر كله فشنك

الحاجه اللى لو الزمن رجع بيا اعملها ؟؟

انى استغل كل الفرص اللى فاتتنى فى حياتى مهما كانت بسيطة او صغيرة

بس خلاص كفايه
الطائر جاوب على اسئله وهرب من اسئله
وكله عدى وفات
الاسبوع خلص !!!!!!
تختار مين يقعد بعدك يا طائر
مين مين مين ؟؟؟؟؟؟؟؟؟؟؟؟

يلا بقي اختار لنا حد تاني علشان نقطعه

كان نفسى اسئل بس جت متاخر وعلى فكرة نفسى اتحط على كرسى الاعتراف ده

طيب اختار حد

اختار ميييين ....
اختار مييين ......

أختار سوبر مان

اوك يبقى سوبر مان
واول سؤال لسوبر لانه سوبر ايه الى يخليك تكون مش قادر تتمسك من مشاعرك وتزعل الى قدامك ؟؟؟

وبعض اسئلة لسوبر ؟؟ اشرب يا معلم

اية هوه اكبر طموحك ؟

شايف نفسك ازاى فى المستقبل ؟

بما انك يا سوبر اكبر واحد فينا فى الشلة عايزينك تقول لينا كل واحد انت شايفة ازاى فى المستقبل و لية ؟

مين اقرب الناس ليك ومين اللى لما بتكون زعلان اوى ومضايق اوى بتكلمة ومين اللى لما بتكون فرحان اوى بتكلمة ؟؟

واسيبك بقى ترد على ما افكر فى اسئلة تانية

ههههههههههههههههههه ربنا معه

اميرة الاحزان كتب:

اوك يبقى سوبر مان
واول سؤال لسوبر لانه سوبر ايه الى يخليك تكون مش قادر تتمسك من مشاعرك وتزعل الى قدامك ؟؟؟

اميرة سؤالك جميل انا للاسف الشديد عصبى فاكتر حاجة تخلينى افقد اعصابى هى البرود او ان حد يدينى قدر غير قدرى او ان يضغط على اعصابى.

الطائر الحزين كتب:

وبعض اسئلة لسوبر ؟؟ اشرب يا معلم

اية هوه اكبر طموحك ؟

شايف نفسك ازاى فى المستقبل ؟

بما انك يا سوبر اكبر واحد فينا فى الشلة عايزينك تقول لينا كل واحد انت شايفة ازاى فى المستقبل و لية ؟

مين اقرب الناس ليك ومين اللى لما بتكون زعلان اوى ومضايق اوى بتكلمة ومين اللى لما بتكون فرحان اوى بتكلمة ؟؟

واسيبك بقى ترد على ما افكر فى اسئلة تانية

فرحان طبعا مـــــــــــــــــــــــــــــــــــاشى
الاجابات بترتيب الاسئلة:
_اكبر طموحاتى يا سيدى هى انى ابقى شخص منتج للمجتمع على قد ما اقدر ويمكن ربنا ساعدنى فى كدة من خلال شغلى اللى فى حسنات كتير الحمد لله.
_شايف نفسى فى المستقبل(ربنا يستر )
_بالنسبة ليك انا قلت لك رأى كذا مرة فى مستقبلك ويارب تتعظ لانى واثق من زكائك
بالنسبه للفارس ربنا معاة هو ماشى كدة صح جدا وربنا يقويه
طارق يخلص بس الكلية وربنا يسهل وانا شايفة بأذن الله فى احدى اكبر شركات الادوية
رونالدو ربنا يسهله بس لو يدور على مجال شغل اوسع هيوصل على طول لانى واثق فى ذكائة
ابو مصعب المصرى فى المعتقل
نسر الاسلام اكبر مدرس انجليزى فى المنطقة
(يارب اكون وصلتلك اللى انا عايزة)
_اقرب الناس ليا اخويا اللى لما بكلمه وانا زعلان صديق ليا اسمه محمد
واللى لما ببقى فرحان بكلمه خطيبتى.
وبالراحة شويا عليا