خربانة يا جدعان وكل سنة وانت طيب

كل عام وأنت بخير يا رئيس كل المصريين ماعدا أنا
وكمواطن من المواطنيين المصريين الذين قضى الله عليهم قدره وجعلهم من الرعية أحب انتهز هذه الفرصة واكتب لسيادتكم مهنئا وأفضفض حبتين
سيدى الرئيس
كل عام وأنت بخير ومصر بين يديك الكريمتين تعبث بها كيفما تشاء وأهو الدى ان ايه بقى متاح وسهل نعرف مين اللى عبث فى مصر
كل عام وصحفك القومية تشيد بك وبانجازاتك وبقدراتك الخارقة
كل عام ومصانع مصر خربانة وعمالها شحاتون هل علمت سيدى ان مصنع للغزل والنسيج فى برج العرب قد استورد 13 عامل من جنوب شرق اسيا بواسطة رشيد محد رشيد عديل صاحب المصنع لان عمال مصر لا يتقنون هذه المهنة
كل عام وكبارى مصر مشيدة كى يجد الشعب مكانا امانا اسفلها لقضاء حوائجة وشد انفاسه والعبث شوية من نفسه مع بعضهم البعض
كل عام ومصر تستورد كل ما يلزمها من الابرة للصاروخ
كل عام والصين واخواتها تمدنا بما نحتاج حتى قرص الفياجرا
كل عام ومحاصيلنا تنقرض وتنقص وارضنا تختزل اكثر واكثر
كل عام وصفوة القوم يأكلون الجمبرى الطازج القادم لتوه من فرنسا وباقى القوم يأكلون الفول الملوث والفراخ التى تعانى من السعال والبرد
كل عام وجمال امين لجنة السياسات ورجاله مظبطين البلد
كل عام ومشاريعه فى ازدهار
كل عام وسجون مصر عامرة بشبابها
كل عام ورجال امنك يضربون كل من تسول له نفسه ان يقول اه او لأ أو حتى يبربرش امام سيادتكم
كل عام والقضاء محول للتحقيق
كل عام والقضاة يضربون ويسحلون فى مشهد يوحى بالمساواة بين طوائف الشعب
كل عام وأقسام الشرطة مدفن صحى للمواطن
كل عام وانتخابات مزوره
كل عام وقصرك عامر بكل طيب وبيوتنا تفتقد الامان
كل عام ومدارسنا لا تقدم ولا تأخر
كل عام وجامعتنا سبوبه للمكسب السريع
كل عام ونحن نتأخر ونتأخر حتى اننا أوشكنا على السقوط من أخر عربة فى هذه الدنيا
كل عام وأنت راعى السلام المخلص
كل عام و اعلامنا يداهن وينافق وينشر عكس الحقيقة
كل عام و وانت بخير يا ريس
ولا يهم ان تكون مصر بخير
المهم سيادتك
ألست انت باعث الروح فيها ومحررها وبانيها ومزركشها وواضع حجر اساس البشر والجنين فى بطن امه يقول لك نعم
كل عام وكل الأجنة فى بطون امهاتهم تقول لك نعم ولولدك جمال نعم او علاء لا يهم ايهما اقرب للحكم
كل عام و الدعارة فى مصر كالماء والهواء
كل عام والزنا كرغيف العيش اسود وبه الكثير من الشوائب
لكنه يسد المرق ولا يهم ما يسببه من امراض
كل عام ووزاة الصحة فاشلة ومستشفاياتها تنقل امراض اكثر مما تعالج وحضرتك شهدت بكده لما سافرت تتعالج بره
كل عام وانت تتلقى علاجك بره ويارب السنه الجاية تبقى بره خالص
كل عام وصحتك وانت واسرتك وقصرك وحرسك واموالك بخير

انا مش معاه يا جماعه
ما أعرفش الراجل ده
ليه كده بس
هتوحشنا

كل سنه وانت زى مانت يا أبومصعب ... كل سنه وانت بتتكلم وتتكلم وحتعيش تتكلم وتموت وانت بتتكلم ...كل سنه وكلنا مش لاقين حاجه نعملها حتى اللى شغال فينا شغال على كف عفريت ..وكل اللى احنا فالحين فيه اننا نتكلم ... كل سنه وبعد كل الكلام ده لو شفنا امين شرطه معفن نترعب ونطلع نجرى ..مش بقولك احنا اخرنا لسان... هههههه... ابقى قابلنى....... وعجبى

ده كان جزء من قصيده ..( انت بوء)_ يعنى حنك _ للشاعر الكبير ( حنكو الفاضى) farao

الله يخرب بيتك
يا جدعااااااااااان انا مش معا الواد دة

ههههههههههه
جامد يا جيمى موتنى من الضحك

اية يا أبو مصعب ودعت ابوك وامك ولا لسة

لسة يا خويا جماعة ان شاء الله
ويا جيمى يعنى مانتكلمش كمان احنا عايزين لحد مانعمل لازم نتكلم ونعبر عن اللى احنا عايزينه

لانى من انهاردة ليا رأى مش حعمل زى الباقى مش حسمح لنفسى أكون غنيمة للمنتصر وخلاص

مشكور على رايك
وعلى جراتك

زائر

خربانه يا بنى والله
وعلى فكرة وال اعرفك
وتحيا جمهوريه مصر العربيه

حضرت شنطتك ياأبو مصعب ..وانا هبقا اجبلك عيش وحلاوه..

كل سنة يا شعب مصر وانت مضروب عليك الذلة والمسكنة

قال رسول الله صلى عليه وسلم (يا معشر الانصار سيأتى عليكم زمن سيولوا عليكم ولاة لن يكتفوا بما أخذوا بل وسيأخذوا ما بأيديكم قالوا أنقاتلهم يا رسول الله قال لا ما داموا يقيمون فيكم الصلاة )

والله أعلم بصحيحة الطريقة التى كتب بها الحديث ولكنه يحمل نفس المعنى

نحن لاندعوا لحرب أهلية ولكن دعوة للقول بالحق والاجهار به فقط أمام ولى الامر
لانه من الخطأ فى الشريعة انى أخرج عنه
ولكن يجب أن أدفعه عن الظلم وهذه طريقة بسيطة وهى اللسان

عند حق والله

طب عندى حق بتتلامضوا ليه؟
ايه الناس دى

انت يا رونالدو انسان انوى نادر
هههههههههههههههههه