مصرى

معا سنجعل بالكلمة سلاح وبالحب درع ندافع عنكى يا مصر
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 يلا بلا نيلة

اذهب الى الأسفل 
كاتب الموضوعرسالة
أبو مصعب المصرى
مشرف قسم السياسة الحرة
مشرف قسم السياسة الحرة
avatar

عدد الرسائل : 130
العمر : 32
تاريخ التسجيل : 21/03/2008

مُساهمةموضوع: يلا بلا نيلة   الإثنين مارس 24, 2008 6:09 pm

بسم الله الرحمن الرحيم
هذا الموضوع لتوضيح أمر وهو اذا بقيت الحكومات العربية هذه الى 20085 وبقينا نحن نصدقهم ونترك ديننا الحنيف ونتابع اعلامهم الكاذب ونلتفت وراء العاهرات (الفنانون والفنانات)والشباب ظلوا يحترموهم اذاكنت تريد ان تعلم عن وضعنا حين اذن فاقرأ هه القصة

المكان : أحد أحياء القاهرة


الزمان : يوم من أيام صيف عام 2085



========================





حفيدة في سن المراهقة (12 سنة) تجلس مع
جدتها
(70 سنة)
ويدور بينهما هذا الحوار








الحفيدة : تيته ميرو إزيك..بقى لي زمان ما
قعدتش معاكي






الجدة : وهو أنا عارفة أتلم عليكي خالص.. ده
أنا قاعدة زهقانة قوي ومش لاقية حاجة تسليني





الحفيدة : ومابتفتحيش الدش ليه يا تيته





الجدة : التليفزيون بقى ممل خالص مافيهوش غير
سبعتلاف وخمسميت محطة بس!.وأنا كمان ما
بعرفش أغيربعض المحطات
!





الحفيدة : وإيه الحلاوة دي؟ حلو البادي اللي انتي
لابساه ده..بس ده موضة قديمة قوي ياتيته





الجدة : يا بنتي أنا ست دقة قديمة وبالبس زي ما
جيلنا الصاعد اتعود وحسب التقاليد القديمة بتاعتنا





الحفيدة : أيوه بس مش حاسة إنك مخنوقة وانتي
لابساه؟





الجدة : أبداً ده هو ده اللبس المحتشم اللي
مفروض الكل يلبسه ويحافظ عليه..فين أيام زمان
لما كنا نلبس البادي اللي مبين البطن والظهر
بس، مع البنطلون السترتش الجلد …كانت حاجة
آخر روشنة





الحفيدة : ياه يا تيته.. ده انتوا كان ليكم تقاليد
غريبة خالص
!





الجدة : وهو انتي فاكرة إن أيامكم دي أيام؟
يا بنتي أيامكم دي ما يعلم بيها إلا ربنا .. فين أيام
سنة 2008 هي الواحدة فينا كانت تستجري
تشرب سيجارة البانجو ولا تسحب لها سطر بودرة
قدام أبوها؟
طب ده الدنيا كانت تتقلب ساعتها وما تتعدلش ..
أمال إيه .. كان فيه حاجة اسمها أخلاق





الحفيدة : معقول يا تيته؟ للدرجة الفظيعة دي!!؟





الجدة : أمال انتي فاكرة إيه .. وبعدين كانت الست
من دول ما تلبسش اللبس الخليع بتاع اليومين
دول..يعني الجيبة كان ما يقلش طولها عن شبر
ربع .. وكانوا الستات يلبسوا فوقيها بلوزة
باستمرار ..مش زي دلوقتي! حسبي الله نعم
الوكيل





الحفيدة : يا خبر .. وإيه كمان ياتيته





الجدة : ح أقول لك إيه ولا إيه يعني خدي عندك
مثلاً
..
زمان كنا نسمع الطرب الأصيل لمطربين
حقيقيين :مصطفى قمر وعمرو دياب وطبعاً كانت
سيدة الغناء شاكيرا، وكانت الأغنية مدتها أكثر من
دقيقتين متواصلين من الطرب الأصيل والموسيقى
الهادية الراسية اللي تعمر النافوخ بصحيح كانوا
مطربين روشين وآخر طحن، حسبي الله ونعم
الوكيل





الحفيدة : وبعدين ياتيته؟





الجدة : وبعدين كنا نسمع على حاجة اسمها
اسطوانات ليزر،ودي صحيح انقرضت، بس كان
ليها طعم عن دلوقتي، يا سلام لما كنا نحطها في
الووكمان ونعلقها في حزام البنطلون كده
ونمشي في الشارع كده، كانت أيام
جميلة.حسبي الله ونعم الوكيل





الحفيدة : حكاويكى ممتعة قوي يا تيته .. ثانية
واحدة بس لما أصحي سمسم صاحبي فى
المدرسة لأنه بايت معايا في الأودة من
امبارح ..أصل الإنسان الآلي بتاع
الصحيان بايظ ولازم نصلحه النهاردة





الجدة : طيب ياحبيبتي روحي







(بعد عدة دقائق)







الحفيدة : هيه يا تيته.. وبعدين؟





الجدة : أحلى أيام بقى كانت أيام الدراسة، الفصل
كان على أيامنا رايق وعدد التلاميذ فيه ما يزيدش
عن ستين سبعين تلميذة، وكنا ساعتها بنعرف
نفهم الدرس كويس مش زى دلوقتي وكانت
الشوارع أيامها فاضية يعني كانت إشارة المرور
تقعد ساعة إلا ربع بس لأن مصر كلها كان تعدادها 70
مليون مش أكثر، تخيلي بقى الروقان اللي كنا
فيه؟ حسبي الله ونعم الوكيل





الحفيدة : 70 مليون بس؟





الجدة : أمال إيه .. عشان كده كانت كل حاجة
رخيصة ، يعني مثلاً كيلو اللحمة يوم ما يضربه
الدم كان يبقى بتلاتين أو بخمسة وتلاتين
جنيه، وكان أتخن جوز جزمة بـ 250 جنيه، وكان
الواحد يقدر يشتري شقة تمليك بـ150 ألف جنيه
بس..وكان الدولار بخمسة جنيه بس.. تخيلي
بقى؟





الحفيدة : ما هو علشان كده الجواز على أيامكم
كان سهل خالص، إحنا بقى خلصنا من العُقد دي





الجدة : أُمال إيه .. ده احنا الواحدة مننا كانت
بمجرد ما توصل سن 17 سنة تبتدي تفكر في
الجواز العرفى على طول، وما كانش عندنا الأفكار
الغريبة اللي بتعملوها دلوقتي، أنا شخصياً شايفة
إن ده أوفر شوية، ده احنا يا بنتي على أيامنا كان
لا يمكن البنت تتأخر بره البيت عن الساعة أربعة
الصبح، طب ده باباها كان ممكن ساعتها يخاصمها
!





الحفيدة : ياي! ده انتوا كنتوا متزمتين خالص ياتيته
!!!





الجدة : يا بنتي إحنا اتربينا على الأخلاق والفضيلة
والعادات والتقاليد . يعنى كان أهل الفن
محتشمين جداً وكانوا دايماً يطلعوا بالمايوهات
البيكيني، والمذيعات كانوا يقعدوا جنب الضيف
مش على ركبته زي دلوقتي
..
هيـ يـ يـ يـ ـه الله يرحم دي أيام.. فكرتيني بالذي
مضى حسبي الله ونعم الوكيل






(تمسك الجدة بتليفون محمول في حجم علبة الكبريت)





الحفيدة : ح تكلمي مين يا تيته؟






الجدة : أنا كنت موصية الجزار على اتنين
كيلو لحمة و اديته 600 دولار عربون وعايزة أطلبه
أشوف إذا كانت اللحمة وصلت ولا لأ
..





الحفيدة : (تنهض من مكانها) تشاو سي يو تيته
!





الجدة : سي يو





وبعد مرور عدة ساعات انتابت الجدة خلالها غيبوبة
بسبب الشيخوخة و في المساء دار هذا الحوار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو مصعب المصرى
مشرف قسم السياسة الحرة
مشرف قسم السياسة الحرة
avatar

عدد الرسائل : 130
العمر : 32
تاريخ التسجيل : 21/03/2008

مُساهمةموضوع: رد: يلا بلا نيلة   الإثنين مارس 24, 2008 6:11 pm

الجدة : إنتي كنتي فين يا فتفت؟





الحفيدة : أصل إحنا أخدنا الولد من الحضانة





الجدة : ولد !! ولد إيه اللي أخدتوه من الحضانة؟





الحفيدة : آه صحيح أنا نسيت أقول لك .. أصل أنا
جبت ولد من سمسم صاحبي





الجدة : يا بنتي مستعجلين على إيه مش لما
تتجوزوا ؟ حسبي الله ونعم الوكيل





الحفيدة : يا سلام عليكي يا تيته.. إنتي عليك
تحكيمات غريبة..طيب إيه اللي يمنع نخلف من غير
جواز ؟ أنا شخصياً عملتها ونفعت





الجدة : مشكلتي إني ما باعرفش أزعل منك يا
فتفت ياعكروتة ..وسميتوا المحروس إيه بقى





الحفيدة : سميناه : دوت كوم





الجدة : نعم .. دوت كوم؟ نظام هاي تك بقى؟
يعني لما تعوزي تنادي له تدوسي (إنتر) ولا إيه
بالضبط ؟





الحفيدة : ها ها ها ها .. إيه الخفة دي يا تيته
والله فكرة .. لما أعوز أنده له أدوس إنتر .. ولما
أحب أقول له روح أودتك أدوس

( ألت و إف 4 )





الجدة : وأخدتوه من الحضانة وديتوه فين بقى؟





الحفيدة : وديناه النادي الصهيوني بتاع الحي





الجدة : النادي الصهيوني بتاع الحي؟





الحفيدة : أيوه .. ده نادي جميل معمول برعاية
كبار رجال الأعمال .. وتحت رعاية وزارة الزراعة
وده بيعلم الأطفال حاجات ظريفة خالص
ومصاريفه رخيصة جداً وبعدين الولد الكويس
ممكن يبعتوه يكمل تعليمه في إسرائيل على
نفقة وزارة الزراعة أصل
(ميدو يوسف والي)
وزير الزراعة ده راجل متفتح قوي
هه..أفتح لك التليفزيون يا تيته عشان تشوفي
نشرة الأخبار؟






الحفيدة تضغط الريموت كنترول لنرى شاشة كبيرة
بطول وعرض حائط الغرفة، وتظهر صوت مذيعة
مصحوباً بلقطات للأنباء تقول
:






المذيعة : هاي شلة ! إليكم عناوين الأخبار




-
أمريكا ترصد 25 مليار دولار لرأس تامر بن محمد
بن أسامة بن لادن المتهم الأول في تفجير قصر
السفير الأمريكي في أفغانستان



-
واشنطن تتهم ليبيا بتفجير سفينة فضاء فوق
كوكب المريخ


-
وزير الاقتصاد د. فريد يوسف بطرس غالي يصرّح
:
إعدام الفقراء هو الحل لخروجنا من عنق الزجاجة



-
موافقة مجلس الشعب أخيرا على خصخصة
معبد الكرنك




أخبار عربية
:



-
زهوة ياسر عرفات تطالب بانسحاب إسرائيل
حتى حدود عام 2030، وإعلان الدولة الفلسطينية
في مايو المقبل




-
إسرائيل ترفض الإنسحاب من البصرة إلا بعد
ضمان أمن مستوطناتها في بغداد



-
اشتباكات على الحدود الإسرائيلية المغربية





أخبار الفن



-
زفاف المطربة صباح على حفيد الفنان الراحل
راغب علامة



-
رئيسة قطاع الإنتاج لم يستقر بعد على بطلة
فوازير رمضان ويعقد إجتماع مع السيدة توتي
محمد صفوت الشريف وزيرة الإعلام الجديدة
لمناقشة هذه القضية



-
الفنان محمد هنيدي يهاجم نجوم الكوميديا الجدد




المذيعة : فينيش باي






الجدة : لأ بقى حسبي الله ونعم الوكيل فيكم فعلا

(يغمى عليها)







الحفيدة : تيته..تيته
إيه دا ؟.. دي ماتت ..بالا نيله



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
super man2
عضو فوق الوصف
عضو فوق الوصف
avatar

عدد الرسائل : 333
العمر : 35
تاريخ التسجيل : 01/03/2008

مُساهمةموضوع: رد: يلا بلا نيلة   الإثنين مارس 24, 2008 9:51 pm

ايه دة!!!!!!!!!!
ايه دة!!!!!!!!!!
ايه دة!!!!!!!!!!
موضوع جميل اوى
بس مكانه مش هنا.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
miss_independent
عضو فوق الوصف
عضو فوق الوصف
avatar

عدد الرسائل : 1616
العمر : 31
تاريخ التسجيل : 10/03/2008

مُساهمةموضوع: رد: يلا بلا نيلة   الجمعة مارس 28, 2008 5:49 am

فعلا موضوع جميل قوى زى ما قال سوبر
ايه الاسلوب الجامد ده
لا داحنا كده نخاف على نفسنا
مشكووووور

_________________
اذا انهكتك جراحك..
بامكانك ان تعيش وحيدا على جزيرة ما...و حينئذ لن يتمكن اى احد من جرحك ..لانك ستكون ميتا بالنسبة له
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو مصعب المصرى
مشرف قسم السياسة الحرة
مشرف قسم السياسة الحرة
avatar

عدد الرسائل : 130
العمر : 32
تاريخ التسجيل : 21/03/2008

مُساهمةموضوع: رد: يلا بلا نيلة   الجمعة أبريل 04, 2008 5:31 pm

مشكورين على المرور
بس الموضوع ده مش للاحباط انا بس عشان خطورة الموقف
لكن ان شاء الله حنتجه للاحسن
وبناتالمسلمين حيبقوا ان شاء الله زى أمهات المسلمين
مش حيبقوا زى فتفت العكروتة
وان شاء الله لما نلتزم بالعقيدة والكتاب والسنة البركة حتهل علينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the islamic Condor
عضو فوق الوصف
عضو فوق الوصف
avatar

عدد الرسائل : 517
تاريخ التسجيل : 05/03/2008

مُساهمةموضوع: رد: يلا بلا نيلة   السبت أبريل 05, 2008 5:27 am

الله ينور ياثروت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الطائر الحزين
المشرف العام
المشرف العام
avatar

عدد الرسائل : 723
العمر : 32
تاريخ التسجيل : 25/02/2008

مُساهمةموضوع: رد: يلا بلا نيلة   الأحد أبريل 06, 2008 4:48 am

موضوع هايل يا ابو مصعب

هههههههههههههههههههههههه
لوده حصل بجد يبقى مش لينا لازمة

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو تريكه
عضو فوق الوصف
عضو فوق الوصف


عدد الرسائل : 498
تاريخ التسجيل : 16/03/2008

مُساهمةموضوع: رد: يلا بلا نيلة   الإثنين أبريل 07, 2008 5:03 pm

علي رايك يابو مصعب..

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
gilberto
عضو فوق الوصف
عضو فوق الوصف
avatar

عدد الرسائل : 267
العمر : 30
تاريخ التسجيل : 23/03/2008

مُساهمةموضوع: رد: يلا بلا نيلة   الخميس أبريل 10, 2008 9:00 pm

اللة ينور عليك يا ابو مصعب



(الاهلى فوق الجميع)

(gilberto)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يلا بلا نيلة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مصرى :: المنتدى الترفيهى :: طرائف وعجائب-
انتقل الى: