يلا نسمع بعض..........

لاحظت فى الاونه الاخيره" الفتره يعنى" ..ان الناس مابتسمعش بعض
بمعنى ان اول ماحد يفكر مجرد تفكير انه يختلف معانا فى الراى .... تقوم الدنيا و ماتقعدش"تعبير مجازى" وليه وليه هو قدر يتجرا و يخالفنى؟؟؟؟

وبعد اما بنقوم عليه و بنغسله و بننشره ..نرجع نقول بمنتهى الهدؤ ..ياجماعه صلو على النبى...المهم انا طلعت صح و انت غلط"كالعاده يعنى" و بعدين مش هما بيقولو:الاختلاف فى الراى لا يفسد للود قضيه؟؟ وفى سرك بتقول طبعا"نفسى اعرف هم مين دول؟؟"عشان تكافءهم طبعا......

جديا و منطقيا "وممكن تضيف انت اى حاجه فيها ان فى الاخر" كل ردود الافعال دى متوقعه و مفسره كمان..والسبب بسيط جدا الا و هو ان احنا بشر...

ماحدش بيحب يغلط او بمعنى اصح للامانه ...ماحدش بيحب يعترف بغلطه.....لان بكل بساطه برده ماحدش بيحب يسمع كلمات اللوم و العتاب و التقريع"و دى مالهاش علاقه بالشعر" لذا يمكن الاستنتاج بان كل ما نعانيه يرجع الى طبيعتنا الفسيولوجيه "النفساويه يعنى"

طيب هل ده عذر منطقى للهجوم السافر و الغير مبرر ايضا على اى احد تسول له نفسه ان يجئ براى مخالف !!!
يعنى فرضا يعنى "وده مستحيل طبعا" ان كلامى ده مش عاجبكم
تقومو تتفقو كلكم انكم تجمعو من كل رجل قبيله و تيجو تطالبو بالثار"الطار يعنى"؟؟
اعتقد فى طريقه ابسط للحول دون ذلك"عشان مانعملش كده يعنى" الا و هى ان احنا نحاول نسمع بعض للاخر...مجرد ان انا نسمع بعض دى بدايه كويسه..وبعدين مش يمكن "يعنى انا بقول بس "يمكن الشخص التانى اسمه ايه ده يكون صح...و انت ممكن برده"بعد الشر بعد الشر يعنى.... تكون غلطان؟؟؟؟؟
و بكده حضرتك تكون استفدت برده فى انك اتعلمت حاجه جديده ..ولا ايه؟؟

شوفو انا مستنيه تعليقاتكم الجميله على الموضوع ده و انا عارفه ان انتو موافقين و موافقتكو دى تحصيل حاصل "اى كلام يعنى"
طبعا"و حد يقدر يقول انى غلط؟؟"

جديا انا فى انتظار جميع التعليقات و بصدر رحب "بمنتهى الهدؤ يعنى" و ده دلاله على حسن نيتى و بانى بابدا بنفسى اهه ...و انا زى اختكم برده و ربنا يستر

دة العادى يعنى مثلا عندى فى الشغل انا لو قولت للريس بتاعى انة ممكن يعمل كذا او كذا ودة هيبقى افضل
يالهوى على اللى هيحصل دة انا ممكن اترفد فيها
عشان كدة انا ماشى بالمثل اللى بيقول (اربط الحمار مطرح ميحب صاحبة )

علشانكدة افضل حاجة تريحى دماغك وتقولى تمام ومظبوط
(شوفتى انا موافقك الراى من اولها )
سلام يا مستقلة

لا يا محب
لاول مره هاختلف معاك
مش ده خالص اللى اقصده
مستحيل يكون الهدف الغاء شخصيتى ارضاء لاى حد يا محب ...حتلى لو كان رئيسى المباشر
بمعنى:انى ممكن اوصله رايى بطريقه او باخرى
لكن مسالة انه ياخد بيه فدى ترجع ليه هو ..المهم انى اكون عبرت عن رايى
معايا؟؟ على العموم متشكره طبعا على مرورك
و مستنيه تعليقك
و باقى الاعضاء كمان

يا miss بتقولي ان الدنيا بتقوم ومبتقعدش لما يكون الري مختلف مع الاخرين ودة مش صح انا معاكي ان الدنيا بتتقلب بس عارفة لية لان الراي مش مختلف الراي اساسا ياما غلط او ميصحش او مش ماشي مع العادات الا اتربنا عليها اما لو الراي مختلف فدة شئ عادى اختلاف الراي لايفسد للود قضية واتمني انك تكوني فهماني وعلي كل حال موضوعك جميل

تقريبا فاهماك
و كلامك صح برده
و متشكره جدا على متابعتك
رايك مؤثر فلا تحرمنا منه

اانا معاكى فى كل كلمه قولتيها
وشايف ان الشباب لازم يغير من اسلوبه شويه
انا شايف ان اغلبيه الردود بتكون على الردود
وكمثال انا حاطط مواضيع فى المنتدى العام
من كذا يوم ومش لاقى اى رد عليهم
مع انى عامل مجهود كبير فى تجميعهم
لكن يلا ما علينا
عاوزين نركز شويه فى مساهمتنا وتكون الردود مفيده ليا وليك
ده رايى حسب فهمى للموضوع

محمد ...
دايما كده بتجيب من الاخر
شكرا على المتابعه
بس و الله انا رديت على مواضيعك ..حتى روح شوف

يلا

مشكور على المساهمه الرائعه دى

نا بشكرا علي موضوعك الجامد وياريت كلنا نعتبرها دعوه وكل واحد يبدا بنفسه ويحاول يسمع اللي حواليه علشان الحياه تمشي

يا رب
و شكرا ليكى انتى على المتابعه

ياريت كل واحد فينا يسمع التاني ميبقاش كل واحد فينا بيفكر في نفسه بس ولا ايه...ولازم نعترف بغلطنا عشان نعرف نصلحه.. وانا بشكرك علي الموضوع ألي المفروض نأخد بيه في حياتنا...

ابو تريكه
انت صح طبعا و لازم ناخد بيه فى كل خطوه فى حياتنا
و انا اللى بشكرك على حسن المتابعه

بجد الموضوع دة يا (miss) جاء فى محلة وفى التوقيت السليم لان انا واحد من الناس اللى انتى اتكلمتى عليهم اخدت موضوع ما فى هذا المنتدى وعلقت علية بغير تفكير ودة مش من عاداتى بس ساعات الواحد بيفقد تركيزة ويندفع فى اتجاة معين يمكن يكون صحيح ويمكن ان يكون غير صحيح والارجح طالما يوجد اندفاع فى الرد يكون غير صحيخ

لذللك لابد ان يكون هناك صدر رحم لتلقى المواضيع من اعضاء المنتدى مش بس فى المنتدى لا كمان فى حياتنا الشخصية

بجد انتى عاملة موضوع فوق الوصف وياريت تكتبى كمان وكمان مواضيع عن سلبيات الاعضاء فى الرد على المواضيع

Gilberto
اشكلر لك كل كلمه قلتها
و دى شجاعه منك تشكر عليها و نقف لها احتراما ..
و بعدين كلنا بنغلط..ومش عيب
بس العيب هو التمادى فى الغلط ده لاى سبب كان

انا بجد بشكرك..و رسالتك وصلت

اذا كنا هنسمع بعض جبر خواطر يبقى مالوش لازمة لكن لو بجد ودة فى رايى مش بيحصل غير بين ناس قريبين من بعض قوى وفاهمين بعض يبقى نسمع بعض
لكن فيه مشكلة فينا دلوقتى اننا بنسمع بعض بس عشان نثبت للى حوالينا ان احنا صح والباقى غلط
اعتقد ان دة جزء من ديموقراطيتنا
لو حد شاف مسرحية كارمن لمحمد صبحى هيفهم انا عاوز اقول ايه

لا وجهة النظر واضحه
وصح
هو فيه ناس كده....بس مش كلهم

موضوع جميل ورائع على فكرة انا فى شغلى مش بسكت على حقى ود ه بيسببلى مشاكل كتير مع شغلى لكن بيريحنى نفسيا

اولا مشكور على المشاركه يا نور
بس بترتاح نفسيا وانت حقك مهضوم؟
ممكن افهمها دى؟

مفيش حد بيرتاح وحقة مهضوم وعلي فكرة الموت بسبب اخذ حقك احسن بكتير من لما تعيش بدون كرمتك

هو اختيار صعب
خاصة اذا ماكان اختيار حياتى ..يترتب عليه انهاء حياتى نفسها
و لكن اعتقد ان ده بيتوقف على مدى اهمية الموضوع نفسه
يعنى ممكن فيه امور نقدر نعديها عشان نعيش
لكن فى امور الموت معاها اسهل

انا مع كيمو في رايه

اطلع انا بره يعنى؟

لالالالالالالالالا المنتدي من غيرك ضلمه

ازاي يا معلم تطلع برة
عارفة المنتدي هيبقي عامل زي الجسد الا من غير روح

ايوه كده
ما كان من الاول طيب

لالالا انا شكلى كده قريت عليكوا
او حد غيرى ضربكوا عين
بقول غيرى

miss_independent
افهمك انا اه مش باخد حقى كلوة لكن معظمه احسن من الا بيسكت ومش بيطالب
ووبقا سعيدد ومرتاح نفسيا اما اوصل لشى منوة وابقا حققت شى يا ستى احسن من مفيش
صح واله كلامى غلط

لا صح...
اصلك كنت معمم كلامك قوى فانا بس استغربت
شكرا على التوضيح
_______
ويا محمد مافيش زعل ولا حاجه ان شاء الله

انا متاكد من كده
انا بهزر بس