خارجين ولا مأنتخين !!!!

خارج مع القانون

انا خارج انا والقانون

رايحيين مشوار

تيجو معانا؟؟؟؟!!!!!!!

اكيد معظمنا او كلنا سمع ان يوم 6 ابريل فى اضراب عام فى البلد

ويوم 7 ابريل فى مظاهره فى ميدان التحرير

وكل ده بسبب الزياده الرهيبه فى الاسعار

فعلا الموضوع زاد عن الحد
وبقى يادوب المرتب يكفى اكل

طيب نتعالج ازاى
نلبس منين

ندفع دروس خصوصيه منين

ده حتى اللبان غلى

كنت بجيب باكو لبان كلورتس بجنيه ونص
وكنت اصلا حاسس انه غالى

غلوه كمان بقى 175

يااااااااااااه

طيب حد فيكم يعرف حاجه مغليتش؟؟؟

موضوع الاسعار واللى جرالها كلنا عارفينه وعايشينه

المهم ان عايز اعرف هوة الاضراب ده
خروج عن القانون ولا مع القانون ؟؟

الاضراب حق دستورى

يعنى من حق اى مواطن يعلن انه مضرب عن العمل

ده معناه انا اللى هيحصل يوم 6 ابريل خروج مع القانون

طيب لو فعلا عملنا اضراب

تفتكروا ممكن حاجه تتغير؟؟

انا واثق ان فى حاجات كتير هتتغير

كفايه اننا قدرنا ناخد خطوه زى دى

بقالنا سنين عايشيين تحت رجلين القانون

خلينا مره واحد من نفسنا نخرج نشيش مع القانون

نبقى احنا والقانون اصحاب

طيب لو نفضنا وقولنا مالناش دعوه !!!!!

مش ده يبقى خروج عن القانون؟؟

ماحنا لو ما خدناش حقنا بالقانون
كل واحد فينا بيحاول ياخده بطريقه الخاصه اللى غالبا بتبقى خروح عن القانون

واحد يبقى فى المترو ويزوغ من دفع التذكره
واحد يروح شغله ويزوغ بدرى
حد تانى يتهرب من الضرايب مثلا
وحاجات كتير واساليب للخروج عن القانون

يبقى الاحسن ايه؟؟

نخرج مع القانون ولا نخرج عنه؟؟؟

عايز رايكم

وكل واحد يقوللى ناوى يعمل ايه يوم 6 و7 ابريل؟؟

خارجين ولا مأنتخين !!!!

انا شخصيا اول مره اعرف حكاية الاضراب دى
عارف ده معناه ايه؟
معناه ان انا مش لوحدى ..واكيد فى ناس غيرى كده
المهم انا عارفه ان مافيش حاجه هاتتغير
و ليه الحاجه تتغير و احنا اصلا لسه زى ماحنا؟؟
و بعدين انت فرحان قوى و انت بتقول اخيرا خدنا خطوه؟
خطوة ايه دى؟؟
و انا ولا خارجه ولا راحه ولا جايه
و بعدين يا عم لو على اللبان ماله اللبان ابو شلن يعنى؟

دى بقه سلبيه ولا تكبير دماغ

ده ياس

فكك ياحيدر ... اضراب مين ... ماهو لو فى راجل واحد فى الشعب ده ..كان عمل حاجه ..انما ده اخرنا ..اضراب ... يافرحتى

الى اقوله زاى ما قالت امال ماهر
اشجع ما فينا جبان

واحنا نبقى بنحلم لو فكرنا انى بده هتحل حاجه ده بقه واضع ثابت علينا ربنا يستر علينا يارب

يارب

موضوع جامد يارونالدو واحنا لازم كلنا نعمل اضراب علشان ناخدو حقنا لان عيبنا ان احنا شعب سلبي بس ..واهم حاجه في الموضوع ده احنا هنتجوز منين..

ايى يا حيدر خارجين ولا مانتخين دة سؤال عايز اجابة يبني انا مبقاش مصري لو مانتختش انت بتتكلم زاي هههههههههه علي فكرة يا رونالدوا انا بهزر وبجد انت قول يالا يارجالة واحنا هنوريك بروفا

بصراحة هيه خطوه كويسة جدا

بس انت عارف مين اللى مش مستفاد بردو ما اهو احنا كلنا

انا مثلا عايز اخلص ورق عشان الشغل وبكده المصالح واقفة يعنى بنعمل اضراب على نفسنا
الخطوه الصح يا جماعة مش كده

الخطوه اننا احنا نصلح من نفسنا
وبعدين انت مفكر مين مبسوط من موضوع الاضراب ده
ماهو الموظفين يعنى كل يوم هايروح المكتب ويقول للناس بكرة ولا سعادة المسئول مش هايقول \تدفع كان
وبعدين ياسلام عملنا يعنى اضراب على الحكومه يعنى الحكومة هاتزعل من الاضراب ولا هاتتدايق

فى مرة كنت فى الاسكندرية بخلص ورق لاقيت البلد كلها واقفة و اجرى من هنا وروح للقسم التانى وتعالى للمكتب الاولانى وروح وتعالى والبلد كلها واقفة عرفت بعد كده ان السيده الفاضلة سوزان كانت هناك ضعيت عليا الشغل اللى كنت هاروحة وانت تقولى اضراب طب على الله اشوف حد مضرب انا عايز اخلص ورقى ياعم

هو ده الكلام
بلا اضراب بلا كلام فارغ
ثم هو مش الوزير لغى الضرب من زمان؟

يا جماعه مظاهره ايه واضراب ايه يعنى انتو شايفين هو دا الحل

طيب لو عملنا اضراب محدش راح شغله

هيحصل ايه .... الاسعار هتنزل تانى

لا والله ما هتنزل ولا حاجه

لو احنا فعلاً عاوزين نقلل الاسعار

يبقى ما نشتريش المنتج اللى سعره غالى ايه المشكله لما نقعد شهر كامل مش ناكل لحمه

ايه المشكله يعنى لو ما اشتريناش زيت ... طيب ناكل الفول ازاى من غير زيت ... مش لازم ناكل فول قضيها جبن

والله الحل ان احنا فعلاً مش نشترى المنتج اللى سعره غالى

انما نوقف شغلنا فى الحاله دى احنا اللى خسرنين من كل النواحى

تبقى الاجابه مأنتخيييييييييييين

يعنى احنا يوم ما نفكر فى الايجابية نعمل كلام فارغ اضراب ايه ومظاهرات ايه
ما احنا ماشيين فى عالم وعارفين ان لااضرا ولا مظاهرات حتجدى
وبعدين ماله هدى نبينا الكريم صلى الله عليه وسلم لا قوم مظاهرة ولا عمل اضراب اما يدفع بالتى هى أحسن او يدفع بالسيف

وبعدين قانون ايه اللى حخرج معاه ما هو ده اقانون اللى غلاها
ونصاحب القانون انا ما بصاحبش العيال دى

وبعدين انت سبت الاسعار كلها والربع جنية بتاع اللبان هو اللى عذبك

يا عم ابقى تعالى على نفسك شوية

وللباقى نعمل تجربة جديدة اللى قال عليها الفارس حاربوا الغلاء بالاستغناء لو صمدنا فى الموضوع ده شهر واحد اوعدكوا ان اللى ضايقوهاعلينا حيرجعوا زى الكلاب يحترموا نفسهم ويرجعوا الاسعار تانى

والكل بيسالنى سؤال ليه الاسعار غلت علينا والعيشة ضاقت ؟
حرد على الشعب المصرى كله وحقوله على السبب الحقيقى والغايب عن عقل 80 مليون بتى ادم

وهو ببساطة قول الله تعالى(ومن أعرض عن ذكرى فان له معيشة ضنكا ويحشر يوم القيامة أعمى)

عشان كده غلو اللبان ربع جنية يااخ رونالدو
والحل الوحيد قول الله تعالى (ولئن تتقوا تتنزل عليكم من السماء بركات)

خدوا الروشتة دى ومهما غليت الاسعار مش حتسوابنقص فى حياتكم ان شاء الله

والاخ رونالدو ان شاء حيلاقى ثمن اللبان بقى جنيه واحد وحيندغ للصبح ه

الله يفتح عليك يا اخ أبو مصعب.... والله هو ده الكلام التمام ... ولا عزاء للغافلين

________________
عفوا ممنوع ذكر أسماء الاعضاء الحقيقية (الادارة)

بصراحه يا أبو مصعب

مفيش كلام بعد كلامك

ربنا يخليك ليا يا حبيبى

رونالدو....
ماتستغربش من نبرة هجومنا و استنكارنا كلنا
انا قلتلك من الاول انه ياس

لا مش مستغرب ولا حاجه
بس انا خارج

انا كمان الحقيقه
بس مش معاه

دى طلابتهم يا جماعة و بردو انا مصمم على راى انى مش هاخرج و اننا بالى بنعملة ده بنضر نفسنا بس مش بنضر الحكومة الا فى قليل القليل واحنا اكبر المضررين

احنا اكبر المضرورين...
الجمله دى للاسف حقيقيه الى حد كبير
و على الجانب الشخصى..فانا فى غاية الضيق لعدم تمكنى من الخروج لا معاه ولا حتلى ضده
ببساطه لان اصلا مافيش مواصلات بكره
يبقى مين اللى هايتعطل؟؟مش احنا برده؟
حاجه تخنق
و تحرق الدم كمان