قوانين المشاركه فى هموم مصريه

قوانين المشاركه فى هموم مصريه
بدايه ارحب بيكم واحب اوضح ايه هو منتدى هموم مصريه
المنتدى ده بيهتم بهموم الناس يعنى مهم جدا ردودكم على المواضيع اللى بيتم طرحها فى المنتدى يعنى الردود القصيره اللى ممكن تناسب منتدى تانى اعتقد مش هتكون مناسبه هنا طيب ده معناه ان كل واحد يشوف موضوع لازم يشارك فى مناقشته طبعا ياريت بس ده مستحيل لان اهتماتنا اكيد مختلفه لكن كل اللى بطلبه اننا لانكتفى بالمشاهده خصوصا لو موضوع يستحق المناقشه يبقى لازم كلنا نشارك

نبتدى نحدد ضوابط المشاركة فى المنتدى
و ياريت انشاء الله كلنا نلتزم بيها

1-الموضوعية فى اضافة المواضيع ,بمعنى ان المواضيع يجب ان تكون مناسبة للمنتدى
2-الموضوعية فى الردود
3-عدم التعرض بالاهانة لاى عضو او مشرف
4- عدم التعرض بالاهانة للشخصيات العامة
4-عدم التعرض لاى شىء فية مساس بالقيم الدينية
5-استخدام الالفاظ المناسبة و عدم استخدام اى لفظ خارج عن الاداب العامة
6-ابلاغ المشرف فى حالة وجود اى مخالفات
7-اذا كان لديك اى استفسار او شكوى تضعها فى منتدى الشكاوى
8-غير مسموح باضافة اكثر من موضوعين للعضو يوميا

علما بانه فى حالة المخالفة لهذة الشروط,,,فأنة يحق للمشرف حذف او تعديل المشاركة
و فى حالة تكرار المخالفة سوف يتم ابلاغ ادارة المنتدى

زائر

قوانين كويسه
بس نسيت اهم شى
عدم التحيز فى اى موضوع هاه وانت فاهم قصدى

كويس يا رونالدو......
و اوعدك المحاوله الجاده ...فى عدم المساس بالقوانين

معاك يامعلم...

انا اول مرة اقرى فيها القوانين دى بس قوانين كويسة ويارب نلتزم

اه....... انت عاوزني اخش اقول سير علي بركه الله يارونالدوا وربنا معاك يا ريس ويوم واحد مايو اقولك المنحه ياريس لابد ان تتعلم قبول النقد اذا كنت تبحث عن الهموم المصريه لان اول همومنا هو غياب الديمقراطيه ولولا وجود المعارضه مابقيت الاغلبيه قوانينك لابد من مناقاشتها وان توضع بعد الدراسه واخذ جميع الاراء يا سياده المشرف فمن الخطاء ان تنفرد بوضع الشروط لازم يكون فيه استفتاء بلاش الحكم الانفرادي ده ياريت واتمنس بصراحه مناظره وجها لوجه علي الصفحه امام كافه اعضاء المنتدي حاجه كده زي الاستجواب بتاع مجلس الشعب موش انت ممثل حكومه المنتدي ولا ايه

اللى تأمر بيه يا باشا
ده مش أنفراد بالرأى لو مش عاجبك حاجه فى القوانين ممكن تنقضها وتقولى السبب فى كده
وانا مستعد أجاوب عليك فى اى حاجه

زائر

[انا اؤيد الاخ خصوصي فيما ابداه من رأي لابد من منا قشه القوانين جيدا قبل فرضها ولابد من توضيح مصطلحتها يعني مثلا ماهو المقصود بكلمه موضوعيه اللي حضرتك مركز عليها معلش اخوك محامي وبيدقق علي الكلام لازم نعترف ان كل موضوع بيقي ليه نظره موضوعيه عند صاجبه والا ماكنش جه علي باله اساسا

موضوعيه
يعنى تناقش الموضوع المطروح او تنقده
مش مجرد الاستظراف والاستخفاف
ياريت تكون فاهمنى
واللى مش عاجبه حاجه فى القوانين يحدد ايه اللى مش عاجبه بالظبط
وانا مستعد أناقشه فيها

أنا مع الألتزام بس ضد التسلط..

والله كل اللى بنسعى ليه هو الالتزام مش أكتر