احنا فين من الكلام ده؟

\

اولا رايى....
كلام واقعى ومنطقى وموجود
وهى دى فعلا بعض انواع الناش و الشخصيات

شايفه نفسى مين؟؟
ولا حد

مشكوره على الموضوع
بس انتى شايفه نفسك مين؟

اولا انا بشكرك علي المتابعه بس سؤالي مش انت مين سؤالي انت فين
يعني رد فعلك ايه ورايك ايه وانا شايفه نفسي في الاحساس بالذات

اه فين....
طيب كده وضحت...
انا شايفه ان اكيد الواحد اما يكون عنده فكر يبقى افضل كتير من اللى ما عندوش
و يا حبذا لو كان فكره عالى ...ده يبقى افضل وافضل...

اساسي طبعا رايك تحفه بس التنفيذ ضعيف عند الناس

ماقلتلك...
مالكيش دعوه بالناس
الله وبعدين هاجيبلك دليل
مش جورج بيقول
كلام الناس لا بيقدم ولا ياخر؟
اسمعى كلامه هو ..
بلاش انا

الله عليكي وعلي جورج انا كده هسكت خالص

انا مع التفكير ولكن لابد ان يكون مرتبط بالتنفيذ.... التفيكر وحدة لا يكفى ويكون سلبى
وعدم التفكير اصلا يكون حيوان لا انسان

كلام منطقي والله ومهم في نفس الوقت .. وانتي ياعاشقه وسوف بتحطي ايدك ومواضيعيك دايما علي ألي جوه جوه جوه الانسان..

اولا انا بشكر مستر حسام للمشاركه اللي بتشرف بيها وبتشرف برايه طبعا
وبتمني انه يشاركني دايما

وبشكر ابو تريكه اللي رافع معناوياتي دايما برايه ورافع راسي بمشاركته لانه فعلا عضو جميل

بسم الله الرحمن الرحيم نبدا الحوار علي فكرة الموضوع جميل بس منة لله ألي كان السبب وعلي فكرة انا نفسي اعرف هو لية جيلبيرتو مضطهدك لية اكيد انتي عاملتي فية حاجة

تسلميلي يا عاشقة وسوف وشكرا علي الكلام الجميل دة وعلي زوقك..

انا عاوزه اقول للافضل ان جلبرتو مش مضطهدني ولا حاجه ده مجرد اختلاف في الاراء وهو في الاول والاخر اخ ليا وانا بحبه وبحترمه جدا وبشكرك علي الاهتمام والمتابعه

اولا وقبل اى شئ احب اشكرك يا (عاشقة وسوف) على الموضوع الجميل دة
وعلى ردك الاكثر جمالا على (الافضل)

بس انا كنت عاوز اوضح لل(الافضل) ان انا واللة ما مضطهض (عاشقة وسوف) ولا حاجة كل ما فى الامر ان انا مكنتش فاهم وجهة نظرها فى موضوع(الرقص الشرقى) ورديت رد مش لطيف بس انا رجعت نفسى ولقيت ان انا كنت مندفع فى الرأى دة

يعنى انا كنت بنقض الموضوع مش بنقض (عاشقة وسوف)

يارب تكون فهمت يا (الافضل) بس انا معتقدش

وفى الاول وفى الاخر انا و(عاشقة وسوف) اخوات زى ما هى قالت ودة طبعا يشرفنى

الشرف ليا طبعا وده كان موقف وانتهي
انت مردتش علي الموضوع كده هنتخانق والناس هتشمت ياعم جلبرتو

لا ازاى انا لازم ارد

الموضوع طبعا جميا جدا وكلام منطقى بس هو فى فعلا شخصيات زى دى موجودة بس اعتقد ان هما قلة ولا اية رايك يا عاشقتنا الجميلة

ياعمري اه
ده كلامك ولا ايه
الله ينور ههههههه

هما اكيد موجودين ونتمني انهم ينعدموا خالص علشان الحياه تبقي طبيعيه مع ان ده ممكن يكون جزء من المستحيل

عاشقه رووووووووووعه زاى ما عودتنا منك على كده

بشكرك يا اميره ومرورك جميل

طبعا انتي نورتي الموضوع بس اكلتي الناس اللي بترد ولا ايه

هههههههههههههههه
شكلى كده

ربنا يديكي الصحه

وما اضعف الانسان الذي لم يستطيع ان يرفع من قيمه صوته ويقضي علي خوفه ويجعل راياته عاليه

كلنا ضعفاء كلنا جبناء لا احد يقول عكس ذالك من يستطيع ان يرفع صوتة فى هذا الزمن
اتحدى اى انسان مصرى يقول عكس ذالك ومن يعارضنى يناقشنى
نحن جيل لايستطيع ان يرفع صوتة علمونا الخوف علمونا ان نجرى طول النهار علىلقمة العيش دون التفكير فى اى شئ اخر

Mr.Hosam
اولا نورت الموضوع بجد
بس مش كلنا ضعفاء وجبناء ممكن يكون في ناس مش بتقدر ترفع صوتها بس مش دول المقياس بتعانا
واشمعنا تتحدي المصري بس هو مكتوب جنب الجنسيه المصريه جبان
الجبن ده بيبقي حاجه داخليه ملهاش علاقه بالجنسيه
بتقول اننا جبل ولا يستطيع ان يرفع صوته
ده شرف اننا جبل ومن الطبيعي ان الجبل ملهوش صوت بس طول ماهو ثابت رمز لمنتهي القوه ولما بينفجر بيدمر كل اللي حواليه
وهما مين اللي علمونا الخوف؟ده حتي كل واحد من صغره وهو طفل بيلعب في الشارع بيضرب اللي ضربه
وعلشان انت بتجري طول النهار علي لقمه العيش ده لانه التزام عليك في اسره وبيت واطفال وزوجه مسؤلين منك انت مش من الجيران ومبتفكرش في حاجه تانيه علشان انت اللي عاوز كده محدش متسلط علي مخك
يارب مكونش ضايقتك بالرد

اولا يا اختى( عاشقة وسوف) انا لا اغضب من المناقشة ولكن هذة الحقيقة التى نعيشها
الذى لا تعرفيه اننى كنت قائد المحافظه فى المجموعات الكشفيه وكنت فى المخيم الدائم فى الازهر وكان هذا ملتقى المجموعات الكشفيه على مستوى الجمهوريه وكان يضم طلبه الجامعات من مختلف مصر ومت بالاء محاضره عن السياسه الحره فى مصر ..

تعرفى ايه اللى حصل ؟ بعد المحاضره اللتى القيتها قامو بشطب اسمى من المجموعات الكشفيه
على مستوى الجمهوريه لاننى تكلمت عن الحقيقه اللتى تعيشها مصر ..

وبعدين حكايه لقمه العيش الناس كلهم بيجروا ويلهثوا وراء لقمه العيش وتامين مستقبل اطفالهم وهذا ما تريده الحكومه فلا يريدوا ان يفكر المرء فى اى شىء الا لقمه العيش .... انتى خبرتك فى الحياه قليله فالحياه فيها الكثير ويامه حتشوفى من الحياه ......... واخيرا ... على راى المثل :إسأل مجرب ولا تسأل طبيب

Mr.Hosam
انا بشكرك علي الاهتمام والمتابعه
وانت اتشطب اسمك علشان قلت الحقيقه انت قلتها وريحت نفسك مش مهم اللي حصل وده في المحور السياسي بس
انت لو واجهت اخوك او صاحبك او جارك ......الخ
بحقيقه هو بيتغاضي عنها هيزعل منك وهيتجنبك
ده العادي بتاع الدنيا دون التحامل علي الوطن او اي شء اخر
ولقمه العيش اللي كله بيجري وراها هو ده حال الدنيا
وربنا معانا كلنا
وده رايي بحكم خبرتي القليله زي ما حضرتك قلت