يعنى أيه أضراب و أعتصام و مظاهره

فى نظرى كلهم زى بعض بس فى اختلاف بسيط
بينهم ايه هو مش عارف لكن التشابه الا فيه بردوة مش عارف اقولك قول انت

اولا انتا طرحت سوال مهم اوى
ويا رونادلدوووووووووووووووووو
اضراب واعتصام ومظاهرة التلاتة وجة لعملة واحدة بتدور حول اجبار شخص معين او هيئة معينة او جهاز امنى معين على تغير بعض الاوضاع التى تسبب فيها هذا الجهاز او الهيئة فى خلقها ...................

بس مع ذلك فى فرق ملحوظ بين اضراب واعتصام ومظاهرة من ناحية التعريف بس فى المضمون كلهم بيدور حول عنصر واحد واللى انا شرحتة قبل كدة

والاضراب يا سيدى تعريفة زى تعريف الحاجة بالظبط :هو شعور يدفع الانسان للقيام باعمال او افعال تساعدة للقضاء على هذا الشعور ولو بصينا حنلاقى التلاتة بردة عندهم نفس تعريف الحاجة بس بيختلفوا فى اية بقى الاضراب مين اللى بيعملة وعلشان اية
ولاعتصام مين اللى بيعملة وعلشان اية
والمظاهرة مين اللى بيعملها وعلشان اية هنا حتلاقى الاختلاف بينهم
اصل الاضراب طبعا مش حيقوم بية غير موظفى الشركات العامة يعنى القطاع العام او الخاصة بجميع انواعها ومينفعش طبعا عامة الشعب ان هيا تقوم بية علشان حتقوم بية ضد مين يعنى مثلا بايعين السوق حتعمل اضراب ضد مين يعنى الاضراب ضعيف عند عامة الشعب
انما الاعتصام بيكون فى الاتنين زى ما حصل اول اول امبارح هو صحيح مش كلة اللى عمل كدة بس دة تصرف مودرن يعنى احنا ساكتين بالادب وبنعتصم عن مرواح الشغل والشوق مثلا ومش بنعمل بعض الحاجات الضرورية بس الاعتصام ضعيف اوى لو كانت المشكلة فى شكرة من الشركات او بسبب المرتبات او الترقيات او اى حاجة من القبيل دة
اخر حاجة بقى وهيا المظاهرة بقى بتكون علشان رفع الظلم والذل عن البشر وكمان هيا حق ديمقراطى فى التعبير عن الراى وبتكون لمعظم طبقات الشعب بجميع انواعها بس بردة مش كلة اللى بيقوم بيها على طول اللى بيستخدمها طلاب الجامعات وكمان حركة زى حركة كفاية علشان الناس زهقت من الذل والهوان وعدم المساواة
فى النهاية ......................
اضراب : عمال
اعتصام : الناس المودرن
مظاهرة :الطلاب وكمان بعض فئات المجتمع اتمنى انى اكون وصلت المعلومة
وبردة حرجع واقول ان التلات وجة لعملة واحدة يعنى بيتفقوا فى المضمون بس مع مراعاة الاختلاف فى السبب وان مش كل فئات المجتمع بتعمل الحاجة دى لكل حاجة منهم فئة من الفئات
وشكرا على الموضوع الجامد دة

يا سلام عليك يا جامد
جبت من الاخر وبعد الاخر بشويه كمان
هقول إيه حقوق بقه
شكرا جدا للتفاعل السريع مع الموضوع

هو فعلا امير الاحزان قال المفيد
بس انا ممكن ازود حاجه شايفاها من وجهة نظرى...
ان اللثلاثه دول...مافيش ولا واحد منهم فى مصر..
_______
كمان ممكن تضيف كلمة ثوره...
ودى كمان عمرها ما كانت موجوده...
وبالنسبه لثورة يوليو واحمد عرابى"ماعتقدش فى غيرهم فى التاريخ .يا اما انا كنت بغيب كتير من المدرسه"
دول يعتبرو انقلاب...
وده بيودينا لمصطلح تانى اللى هو يعنى ايه :انقلاب
وليه مش ثوره؟لان الثوره دى بيقوم بيها الشعب ...لكن الحدثين دول قام بيهم التنظيم العسكرى.

مشكور رونالدو على الموضوع ...

احنا شعب جاهل ميعرفش غير انة ياكل ويشرب وي....... بس احنا ازبل شعب علي وجة الارض احنا شعب اضرب المربوط يخاف السايب شعب بتاع كلام وبس سلامات يا مصريين احنا مش مصريين احنا متوحشين

الانسه
فعلا دى حقيقه وكتير منا مش واخد باله منها
اللى حصل فى مش ثوره مافيش حاجه اسمها ثوره يوليو ولا عيد الثوره
ده كان انقلاب عسكرى مش ثوره
لان الجيش المصرى هو اللى قام بيه مش الشعب
زى ماشرحت الانسه بالظبط
..كيمو
احنا مش شعب جبان ولا حاجه
احنا المشكله فى اننا شعب صبور لدرجه الملل
لكن لما بيتكلم ويحط دماغه فى حاجه يبقى لازم تتحقق بأى شكل كان
وكمان انت لو سالت اى واحد رايك ايه فى اللى بيحصل فى البلد
هيقولك مش عاجبنى بس هعمل ايه لوحدى
احنا عاوزيين حد يبتدى واحنا وراه وساعتها هيكون الشعب كله وراه

رائع الموضوع يا رونالدو

Fun Fun الله ينور عليك

ما فن فن جاوب
أقرا الردود كويس بس
او خلى حد يقراها لك واضح من عينيك يا خصوصى
ربنا معاك

نصيحه يا خصوصى خلى حد يقرا لك الكلام بس
وحاول تستوعب

الله ينور يا رونالدو واكسلنت فن فن واحسنت نقدا يا خصوصي لان بجد انت الان اثبت حسن نوياك لرونالدو اذ انك ارد ان يكتمل روعه موضوعه بان يقوم هو بالتعريف قبل ان يفعلها فنفن وان دل ذلك يدل علي انك اردت له الخير كله لكننا اذا نظرنا للموضوع بنظره اخري نجد ان رونالدوا تصرف مثل المعلم الشاطر اللي يحط سؤال هو عارف اجابته ويترك لتلاميذه الاجابه ليعرف مدي استيعابهم وفي النهايه المحصله مفيده جدا اننا عرفنا تلات مفاهيم منتشره في الساحه الان اشكركم اصدقائي

عشان كده ومن اجل ذلك انا هاحاول استكم ما بدائته يا رونالدو واسأل عن معني العصيان المدني والانقلاب والاحتجاج العلني

العصيان المدني
كلمة (مدني) صفة تتصل بالمواطن، ولهذا فإن أول ما يتبادر إلى الذهن، هو أن العصيان المدني يعني عصيان المدنيين ولكن في حركة اللاعنف، فإن كلمة مدني تعني عكس ما تعنيه كلمة عنف، وهذا معناه أن المشاركين بأي نشاط للعصيان المدني، يتصرفون بشكل مدني... أي متحضر.
لذلك يعرف (هير تجرمين) العصيان المدني في كتابه (طريق المقاومة.. ممارسة العصيان المدني) بأنه نشاط شعبي متحضر، يعتمد أساسا على مبدأ اللاعنف والهدف من ذلك النشاط هو المحافظة على ظاهرة معينة أو تغيير ظاهرة معينة في المجتمع.
فالعصيان المدني هو أحد أشكال المقاومة السلمية المشروعة، التي تعني تحرك المجتمع المدني في جميع قطاعاته، وبمبادرة من أحزاب المعارضة والمنظمات الأهلية، للتعبير عن المطالب الاجتماعية والسياسية، بعد أن تفاقمت وتراكمت عبر السنين، ولم يستطع النظام السياسي التعامل معها أو طرحها على الرأي العام بالمصارحة، وليس بالخداع عن طريق البيانات الحكومية وبعض الصحف وأجهزة الإعلام المرئية والمسموعة

الانقلاب
استيلاء مفاجئ على سلطة الحكومة في الدولة يقوم به عدد من المتآمرين. وعادة ما يكون هؤلاء المتآمرون موظفين في الدولة يتسللون ويستعملون قوات الدولة المسلحة، والشرطة، ووسائل الإعلام لتحقيق أهدافهم. وقد يقود الانقلاب إلى تغييرات قليلة أو كثيرة في الحكومة.
ومن الانقلابات المشهورة في التاريخ، تلك التي قام بها نابليون بونابرت في فرنسا عام 1799م، والانقلاب البلشفي في روسيا عام 1917م، وانقلاب الشيوعيين في تشيكوسلوفاكيا السابقة عام 1948م. وخلال القرن العشرين كانت معظم الانقلابات تحدث في الدول غير المستقرة سياسيًا في إفريقيا، وآسيا، واميركا اللاتينية، وبعض دول الشرق الأوسط.
في حين تعرف وكيبيديا الانقلاب بأنه الاطاحة الفجائية للحكومة عبر الوسائل غير الدستورية من قبل جزء من من مؤسسات الدولة ، والذي يؤدي في الغالب الى فقط تبديل شخصيات السلطة العليا. كما انه مثال على الهندسة السياسية. وقد يكون او لا يكون عنيف الطابع.

أما الاحتجاج العلنى هو ماكان سوف يحدث فى مصر يوم السادس من ابريل
وأظن كلنا كده فهمناه معناه فمش لازم توضيح
يارب اكون قدرت أجاوبك
ويكونى موضوعى كمل فى نظرك

وأحب أعرفك حاجه
احنا هنا أسره واحده
يعنى انا مش أستاذ ولا حاجه ولا فن فن تلميذ بيرد على أسالتى
أحنا هنا بنكمل بعض
ياريت لو تتدخل معانا فى الاسره دى

اتمنى ان اللى سال السوال يفهم معناة

لو مفهمش معناة يبقى انتا على كدة كتر خيرك يا رونالدووووووووووووو

مشكور يا رونالدو على التوضيح
و المعنى واضح والله

وياريت الاخ فعلا بدل مابيكتفى بالتهكم يحاول يقول رايه باسلوب كويس لاننا فعلا هنا اسره واحده
يا ريت تكون معانا بدل ماتكون لوحدك كده...

مشكور يا رونالدو مره تانيه...

لاء شكر على واجب ميس
ده دورى فى المنتدى