هل البكاء ضعف

كتير قوى بيقولوا الناس على الا بيبكى ضعيف
سؤال سئلته لنفسى ببقا ضعيف واله لاء واله ده طريقه بنطلع بيها هموما
فى نظرى ده طريقه بنطلع الا جوانا بيها .
وكمان هل بكاء الحبيب امام حبيبته ضعف .
وبكاء الاب امام ابناؤة ضعف .
وهل بكاء الصديق امام صديقه ضعف .
وايهما اصعب .
معلش اعزورنى على طريقتى فى الكلام لكن انا اتعودت اكتب من قلبى
مش كلام شبيه لئى كلام
واتمنا اسمع رودكم على كل سؤال
ويارب كلامى يعجبكم
وارجو ان تكون الاجابه مفصله
مش مشكور وموضوع حلو وخلاص
واشكركم انكم هتقروا موضوعى

مشكووووووووووووووووووووور يا نور على الموضوع ده اما بالنسبة للجواب وده حسب رايي الشخصي والمتواضعانو:
البكاء مش ضعف البكاءطريقة زي مقلت بنطلع بيها اللي جوانا
ولو بكى الحبيب قدام حبيبتو مش ضعف عشان ده حب
ولو بكى اب قدام ابناؤه مش ضعف
بس بكاء الصديق امام صديقو ضعف ومش بنصح حد يعملها
وبجد يا نور مشكور عالموضوع

هل البكاء ضعف؟؟؟
سؤال مهم....
عشان اجاوب عليه لازم اسال سؤال تانى...هو احنا امتى بنعيط؟ او ليه؟
امتى بتخرج دموعنا؟؟
المفروض ان الدموع بتخرج نتاج انفعال قوى ....من القوه بحيث لا يتحمله الجسد باكمله...ولا يعرف كيف يعبر عنه الا عن طريق واحد.....البكــــــــاء والدموع
اذا الدموع....اللى بتعتبر رمز للضعف والانكسار عند الكثيرين....خارجه للتعبير عن احساس من اقوى الاحاسيس اللى بيمر بيها الجسد.....!!!!

البكاء ضعف؟ صعب التعميم ...والاجابه المطلقه بايوه او لا
اعتقد بامكاننا الحكم على البكاء بتصنيف انواع الدموع نفسها....زى الامثله اللى حضرتك ذكرتها فى الموضوع من بكاء الاب امام اولاده ....فعلى سبيل المثال لو كان الاب ده يبكى امام اولاده من فرحته بما وصلو اليه.....ففى هذه الحاله بيكون بكاء جميلا ودموعه ليها طعم جميل
فى حين انه لو بيبكى امامهم خجلا من خطا ارتكبه فى حقهم.....ففى هذه الحاله سيكون بكاء مريرا ودموعه فى غاية المذله والانكسار....

مش عارفه قدرت اوصل فكرتى ولا لا....
بس فعلا موضوع جميل يا نور
ومشكور عليه

اولا بشكر عاشقه على ردها الجميل وبدعى ربنا انها ما تقعش فى اى موقف من ده
وثانيا بشكر وبحترم miss_independent
عشان ردودها الجميله والمتميزة
واحب ارد على سؤالك هو احنا امتى بنعيط؟ او ليه؟
امتى بتخرج دموعنا؟؟ احب اقولك صعب تحددى امتا لكن ليه اما تحث ان افضل شى ليك البكاء مهما كان الموقف وطبعا الدموع هتنزل لوحدها
وفى نظرى ان الدموع مش ضعف
ويارب انا اكون فهمت قصدك ايه
وانتى الا مشكورة على مرورك ده
وماتحرمناش من ردرودك ده

مشكور نور على المتابعه
وتقريبا هو ده قصدى..

وموضوعك فعلا جميل ...فياريت على طول
وشكرا ليك

ربنا يحيرك زى ما انتا محيرنى
مش عارف
بس انا مش بحب اشوف حد يعيط قدامى
مش عارف ليه
بحس انى مخنوق جدااااا

حراااااااااااااااااااام عليك تدع عليه كده عملك ايه يا رونالدو ده نور غلبان

لا تعليق على رد رونالدوا

نور...
لو سمحتلى اتدخل...
فهو رونالدو مايقصدش...ده بيهزر بس
وانا بعتذر ليك اذا كنت اضايقت
مش عاوزين الروح الحلوه اللى بينا تروح عشان سؤ تفاهم...

عادى والله انا عارف رونالدوا ورادد عليه بنفس رده اما ما ينفعش يترد على الكلام
وما تقلقيش انا ورونالدوا اخوات
ومشكور يا ستى على التوضيح
وانتى تدخلى فى اى وقت من غير ازن

شكرا يا نور على الروح الجميله دى

انا بشكرك يانور علي الموضوع ده لانه حساس اوي
انا من جهه شخصيه بكره البكاء قدام اي حد مهما كانت علاقتي بيه
علشان كده بعتبره ضعف اوي وده بيختلف من شخصيه للتانيه
ممكن يكون حد بيرتاح لده مع حد معين
وده بيكون بناء علي احساسه هو فبيعمل اللي يريحه
بس انا بعتبره ضعف واهانه
ومشكور لموضوعك الجميل

هل بكاء الحبيب امام حبيبته ضعف ؟.. لا طبعا فبكاء الحبيب امام حبيبته عندما يشعر بالذنب انه ظلمها وقسي عليها في موقف من المواقف..

وبكاء الاب امام ابناؤة ضعف؟ .ليس ضعفا بل هو شعور ابوي لا ارادي ممكن يعبر عنه بالبكاء لكن ليس ضعفا..

وهل بكاء الصديق امام صديقه ضعف؟ .. لا ولكن صديقه الذي يكون كل اسراره معه صديقه الذي يشكي له همه هذا هو الصديق الذي ممكن البكاء امامه..

وشكرا ليك يانور الاسلام علي الموضوع ألي كله احساس ده وده مش غريب عليك يانور لاني انا عارفك كويس وعارف احساسك..

اولا احب ارحب بالعضو العزيز ابو تريكه على مرورة وكلامه الجميل
وثا نيا برحب بعاشقه وسوف واقولها نورتى موضوع والله وجهت نظرك جميله
لكن عندى تعليق بسيط بس
انتى يعنى ما بكتيش قبل كده قدام اى شخص مثلا والدك والدتك حبيبك
حد عزيز عليكى
ومشكورة

اولا البكاء صنفين
الصنف الاول بكاء ضعف وازلال وهو البكاء من خشية الله ويكون فى قرأت القرأن وفى الصلاة وفى مناسك الحج والعمرة وهذا البكاء عظيم عند الله
ام البكاء الثانى فأنة مشاعر تفوق مشاعر الانسان ومهما كان هذا البكاء فهو ضعف والانسان القوى الذى لا يلجأ الى البكاء هو الذى يواجة مشاكلة بقوة وأرادة قوية
هذة وجهة رأى ممكن نتفق وممكن نختلف

مشكور اتساذى على مروك وكلامك رائع ومفيد

مش ممكن نختلف يا مستر عشان انت استاذ الكل

انا اللي بشكرك يانور علي الموضوع الحساس ده
وهرد علي سؤالك اوك
انا كنت ممكن ابكي قدام حد معين ودلوقتي هي مش معانا اتوفت
واتوفت معاها دموعي ومش ممكن تصحي تاني قدام اي حد

ربنا يرحمها ويرحم اموات المسلمين

شكرا علي زوقك يا نور

ربنا يرحمها يارب
وتكون فى الجنه وانا عرفتها
وموضوع الدموع انا بحس انها ضعف قدام اى حد
بس انا ممكن ابكى غصب عنى فى وقت مشش يكون معايا حد
بس بحاول ابعد ده عن اى حد
وبينما موضوع بكاء الام امام ابنائها
ده مش ضعف لانى الابن بيكون اقرب حد ليه لانه بيكون نفسها
لكن اننا نبكى قدام حد ممكن يعتبر ضعف

اللة ينور يا (نور الاسلام) موضوع اكثر من رائع بس انا من رأى ان الدموع احيانا ضعف واحيانا قوة بس انا من رأى ان البكاء نوع من انواع الاحساس ممكن اكون بصنفةتصنيف غريب شوية بس دة رأى البكاء لا يكون ولا يحدث الا مع شئ حدث فلمس احساس الانسان اما حزن او سعادة


وبشكرك مرة تانية يا (نور الاسلام) على الموضوع الجامد دة

الله يخليك ياباشا وبعتذ برائيك د ه والله ونورتنى بجد
ومشكور انت على مرورك

بالعكس البكاء مش ضعف
البكاء فى بعض حالات الاكتئاب بستخدموه كعلاج
بالنسبه لرايي انا ان البكاء راحه نفسيه للشخص
ولو كان البكاء ضعف مكنش رسولنا الحبيب بكا
مشكور نور الاسلام على الموضوع المميز

مشكور احمد على مرورك وشرفتنى بردك الرائع

ردك منطقي اوي يا احمد بس مش كل اللي بتبكي قدامهم بيقدروا ده

اضافه جديده بردوة يا عاشقه
مشكورة على متابعه الموضوع

انت اللي مشكور يا نور علي مجهودك

برفوا

عمر البكاء ماكان ضعف

انا عن نفسي بطلع زعلي و فرحي في البكاء

و الحمد لله علي كده

البكاء فضفضة أو تأثر بشىء
أو عجز عن انقاذ شىء فتضطر للبكاء
ده بالنسبة للموضوع
بالنسبة بقا لنور ورونالدو
ما احنا ما وراناش غيركم بقا تضربوا كلام لبعض وتقولوا بنهزر
ما تهزرششششششششششششش

حاضر يا أبو مصعب ومشكور لمروك انت والاعضاء الكرام

البكاء مش ضعف طبعا

بالعكس ده الحاجه الوحيد الي بنطلع بيها

زعلانه وهمنا وفرحنا ف البكاء

البكاء انقى دواء للجروح وبيهدى الاعصاب

لو مدايق شوية ولقيت نفسك بتبكى مش بعدها

بتلاقي نفسك بقيت كويس بخفف عننا كتير

وكمان بيساعد كتير اننا منتفعلش ع نفسنا وبنفكر صح لو حاسينا

اننا غلطنا ف اى حاجه

اما بالنسبة للاسئلتك نور

هل بكاء الحبيب امام حبيبته ضعف .

طبعا لا مش ضعف لنه حيمسح دموعك لو شاف دمعتك ع خدك وبعديها حترتاح وحتحس بالامان معه


وبكاء الاب امام ابناؤة ضعف .
ودى كمان مش ضعف لان ف الاخر انسان ومن حقه يبكى امام اى مخلوق

وهل بكاء الصديق امام صديقه ضعف .
بكاء الاصدقاء بيكون مختلف ف احاسيسه وبيهون عليك كتير لو صديقك بيحبك مش حيخليك تبكى
وحيحس ببكاء وبمشاعرك اما لو كان مش بيحبك طبعا حيقول كتير

وايهما اصعب .
لما تلاقي نفسك بتبكى ومن غير سبب للبكاء


مشكور ع موضوعك يا نور

جوست بجد مش عارف اقولك غير انك شرفتينى برائيك ده
ومشكورة لمرورك واتمنا انك تنورى كل مواضيعى

الشرف ليا يانور انى اشارك ف موضوعاتك

مشكور

بسم الله الرحمن الرحيم
احساس وحب وحزن وفرح فى وقت واحد
الدموع رسالة من العين الى القلب تشكى وتحى همومها
وفى الفرح تكون رسالة ودعوة للفرح والخير
وفى الايمان تكون تطهير النفس من كل شائبة مست قلب مؤمن يتوب ويرجع ويقر بما اذنب فى حق الخالق........................................

واتمنى لكم التوفيق
admin egypt

ابكى ايتها الدموع مابقى من العمر ليس بمعلوم ابقى وامحى اخطأك
ليس لنا وليس علينا وليس بنا تبقى الدنيا ........ انها الحقيقة الحقيقية

اللهم تقبل دموع توبتنا برحمتك واجعلنا من مزفين الدمع من خشية لقائك

البكا مش ضعف او قوة
البكا فرحة او حزن ملوش تصنيف غير كده بالنسبه ليا
لأن الضعيف لو بكا من حزنه او القوى بكى من حزنه يبقى اشتركوا في حالة واحده ملهاش تالت وهي الحزن
ونفس الحاجة بالنسبه للفرحة

فهل البكا من خشية الله ضعف
او البكا من خشية انسان قوة