الثــــــــــــــــــقه فى حياتنا

الثقه دى كلمه كبيره قوى....ومش اى حد يعرف معناها
بس الغريب بالنسبه للثقه ان اكتر ناس بتحس بيها عى اللى تمت خيانتها ...!!!

يمكن لانها بتقدرها وبتقدر اهميتها...بعد ما بتخسرها؟؟
يمكن لان من كتر مالناس دى وضعت ثقتها فى ناس ماتستاهلش حست انها صعبه تتحقق؟؟
صعب ان لم يكن مستحيل بالطبع...!!!

سهله جدا تكون فى اى حوار وتلاقى واحد يقولك بمنتهى البساطه "ثق فى"
هى خلاص الكلمه بقت سهله قوى كده لدرجة ان احنا نقولها دون مراعاه لمعناها...!!!

هل فعلا صعب نثق فى بعض دلوقتى....فى ايامنا دى؟؟
الايام اللى الاخ يبيع فيها اخوه عشان الفلوس او الوظيفه؟

الثقه دى حاجه غاليه جدا ....وعاليه قوى عشان كده صعب انك تثق فى شخص
والاصعب انك تستعيد ثقتك فى شخص بعد مافقدتها لاى سبب كان....

الحل الامثل فى الموقف ده بيكون انك تعيش من غير ثقه
من غير فى اى حد ...اى حد ايا كان...وفى البدايه هاتحس ان كده افضل واحسن ليك.لان بكده مستحيل حد يخونك او يجرحك....
لكن مع مرور الوقت هاتحس ان الحكايه دى بتخنقك...وبتقيدك .ومش هاكون ببالغ لو قلت انها ممكن تكون السبب فى انها تموتك ...لما توصل لمرحلة فقد الثقه فى نفسك انت شخصيا...

ايه الحل؟انا بسال لانى بجد مش عارفه؟ اعيش كده وانا واخده قرار بعدم الثقه فى اى حد؟مع انى عارفه ان ده هايتعبنى ويدمرنى انا فى الاخر؟؟
ولا احاول واجرب واثق...مع العلم ان برده ممكن يكون فى القرار ده مخاطره؟؟

نخاطر ونثق؟ ولا نستسلم و نموت؟؟

هو في الاول والاخر الاساس عليا انا وعلي اختياري بس مش معناه اني عندي شفافيه علي الناس كلها
بس بعد تجارب كتير اوي في مثل بيقول حرس ولا تخون
خلي بالك اوي من اي حد عاشري الناس وحبيها بس متثقيش اوي
وهقولك علي مبدا ممكن يكون معقد شويه بس صح
((((((كل انسان خائن الي ان يثبت هو العكس))))))

جميل....
بس كان نفسى يبقى العكس
كان نفسى يبقى كل انسان جدير بالثقه
بس ماكانتش هاتبقى دى الحياه....

عاشقة وسوف..
مشكوره على الرد وعلى النصيحه الغاليه دى
ونورتى موضوعى..

ربنا يخليكي يا قمر انتي اللي مشكوره علي كلامك الجميل ومواضيعك الواقعيه

السلام عليكم

انا عن نفسى بثق فى الناس وللعلم للثقة درجات يعنى مش كل الناس بثق فيها بنفس المستوى بس فى الاساس بثق فى الناس كلها وبدى ثقتى فى الاول

ومعلش الانسان اللى يستسلم للامر ده مش بيبقى فقد الثقة فى الناس وبس ده كمان فقد الثقة فى نفسة كمان وده اللى هايسبب بعد كده الخنقة لانك هاتلاقى نفسك فقدت كل شئ ولا بتتكلم ولا بتحكى ولا بتشكى ولا بتقعد حتى مع نفسك وهاتكبر دماغك ويتهيالك ان كل المشاكل حبه رمل وراحت وتبص تلاقى حبه رمل فوق حبه رمل يعملو جبل وانت شايلة لوحدك وهاتحس ان الدنيا ضاقت و الدايرة بتاعت الناس اللى حواليك بتقل ويوم تخسر صاحب ويوم تخسر قريب وبعد كده هاتخسر نفسك

نصيحتى لكل واحد بدأ انه يشك فى الناس ويفقد الثقة فيهم ... اقعد مع نفسك اعرف ان كل الناس مش زى بعض وزى ما فى الحلو فى الوحش وزى ما فى الظالم فى المظلوم خد هدنة ومش تياس اعتزل الناس لكام يوم بس ساعة لما ترجع اعرف انك ترجع زى ما كنت شخص بيثق فى الناس وبتدى كل شخص حقة ومش مهم هو رد فعلة اية لانك بتعامل ضميرك قبل ما تعاملة هو كشخص وقبل ده كله انت بتتاعمل مع ربنا لان الضمير هو صوت الحق جواك ارضية هاتعيش مرتاح خالفة هاتفضل طول عمرك تعبان وهاتتعب اكتر طول ما صوت ضميرك بيقل ويصمت لحد ما هايجى يوم هايسكت خالص ويموت اى احساس بالثقة والحق جواك وكل ده عشان مش حاولت تقعد مع نفسك شوية وتحل الموقف ببساطة اوى

مبدأ بتعامل بية فى حياتى (( بعمل اللى يرضى ضميرى مع كل الناس بغض النظر عن رد فعلهم ))

مرورك ومشاركتك
عنوا لى الكثير.....

يا رب دايما
وشكرا على رايك.....

الثقة بالاخرين لابد وان تكون على معاير اساسية طبعا المعايير دى بتختلف من شخص لاخر بس يأمانة المفروض الانسان ميثقش فى اى حد زى ما قالت (عاشقة وسوف) الا بعد ان يثبت حبة وولائة ليكى

الثقه من وجه نظري انها تتكون من نوعين نوع يسمي الثقه العمياء والنوع الاخر هي الثقه المطلوبه وهو النوع الموجود في كل انسان لكن الثقه العمياء هي تلك اخطر انواع الثقه .. وهناك انواع كثيره من الثقه عايزه موضوع لوحدها علشان اتكلم عليها. وشكرا علي الموضوع الجامد ده..

جلبرتو....
مشكور على المشاركه
ورايك صح...فى انى لا اثق الا بعد اثبات الولاء...ولكن فى ناس متخصصه فى الكدب عشان توصل للى هى عايزاه....
على العموم هى مخاطره....بس اكيد لازم اعملها...
مشكور مره تانيه على مرورك

ابو تريكه.....
عجبتنى جدا فكرة انواع الثقه دى...
ياريت نشوفها فى موضوع ليك قريب ان شاء الله

ومشكور على المشاركه الفعاله

ان شاء الله يا miss وشكرا علي تشجيعيك ليا وشكرا علي متابعه ردي..

كتير وانا صغير كنت بسمع عن الثقه ايه قولت اما اكبر هعرفها لكن للاسف اما كبرت عرفت
ان مفيش ثقه فى حبيب وله ثقه فى صديق واله قريب
واله ثقه الزمن
بس فى ثقه فى الله
وثقه فى امى وابويا

ونعم بالله
اعتقد دى افضل انواع الثقه....
الثـــــــقه بالله

"ماتنساش تحطها فى موضوعك يا بو تريكه..."
ومشكور يا نور على المشاركه الجميله دى
بس نصيحه.....خاطر وحاول ويكفينا شرف المحاوله

موضوع جميل جدا واللة العظيم بس انا هقولك حاجة الثقة دية لازم تعطيها لواحد يستاهلها يعنى ممكن زى اختك او اخوك او والدتك او والدك لان حرام يعنى انك انت تموتى بسب الثقة واللة العظيم دة حرام وشكرا ويا رب مكنش تقلت عليكم

يا عاشق انت مرورك بس يكفى...
وبعدين انت لازم تقول رايك لانه مهم...وانا شخصيا بحب اسمعه
فحكاية تقلت عليكم دى يا ريت ماتقولهاش تانى

وكلامك صح فى ان لازم ثقتى اديها لحد يستاهل...
وربنا يسهل وكلنا نلاقى الشخص اللى يستاهل ده...

وشكرا على رايك
ونورت المكان كله....

وليه نخاطر ونتعاقب على المخاطر ة ده
الوقايه خير من العلاج
واى خدمه يا ابو تريكه عد الجمايل بقا

لا ماهو كده كده فى مخاطره....
ليه؟
السبب بسيط جدا لانك من غير ثقه ....هاتفقد الاحساس باى حاجه حلوه حواليك
ودايما هايبقى فى شك حتى مع اقرب الناس ليك
وممكن جدا تفقد الثقه فى نفسك انت شخصيا....
يبقى المخاطره تستاهل نقوم بيها ولا لا؟
اعتقد فى الحاله دى بتبقى حل لا مفر منه...
انت شايف ايه؟

شكلى هقتنع برائيك بس فى مشكله ابداء بمين
وعلى فكرة انا الحمد لله بثق فى نفسى ومع نفسى حبيبتى الا بعتبرها نفسى انا

جميل جدا
خليك كده...
ومشكور على متابعتك

موضوع رائع يا مستقلة ومشكورة عليه بجد
وردى عالثقة انا رديت عليكى
وانت عرفة ازاى

عارفه ازاى....
مشكوره ونورتينى

الثقه فى حياتنا لازم تكون موجوده وكمان هيه مهمه اوى
بس فى حدود يعنى مش اى حداعرفه اثق فيه وانا مع عاشقه انى كل الناس خانين لحد اما هما يثبتوا انهم غير كده
وبجد انا نتيجه انى كنت بثق فى كل الناس دلوقتى بقيت فى بشك فى اى بنى ادام ودى عملتى مشكله
وكنت الاول بقول وبديى الامان للكل الناس
لكن دلوقتى بقول لا امان للبشر

وانا معاكى...
لا امان للبشر
و لكن لا مانع من ان نثق....
ازاى؟؟
بسيطه...نثق بس من غير مانغمض عينينا قوى...يعنى نبقى عين وعين كده
لا بجد..اللى اقصده اننا نثق بس مانلغيش قلبنا او بمعنى اصح...عقلنا

ومشكوره الاميره
مش عارفه اقولك ايه بس شكرا بجد على المتابعه ومعليش تعبتك معايا

مش تعبتنى ولا حاجه
انا كنت محرمه من المواضيع العسل بتاعتك والله

ازاى بقى...
العكس هو الصحيح
دانا مواضيعى نورت بردودك
مشكوره الاميره

ربنا يخليكى ليا يارب

مشكوره اميرة الاحزان....