نهوض الامم....

اذا نظرنا فى التاريخ القديم لاى امه من الامم سنجد انها مرت بمرحلة ازدهار ...و فى بعض الاحيان ازدهار و نجاح غير مسبوق.... ومع ذلك فقد مرت بمرحلة انحدار و تنازل بل و سقوط

طرواده و اسبرطه
الفرس و الروم
الفراعنه
المسلمين.....

ومثال بسيط قوى و المفروض ان معظمنا عارفه و سمع عنه " قارة اطلانتس" القاره المفقوده
اللى كل الابحاث و الاكتشافات بتقول ان القاره دى واهلها بلغت مبلغ من العلم والتقدم لم يصل اليه احد من قبل
و فى بعض النظريات بتقول ان الفراعنه نفسهم بما وصلو اليه من علوم واسرار منقوله من اهل اطلانتس

اعتقد كده فى صوره مقربه عن مدى ازدهار و نجاح اطلانتس...
اليؤال دلوقتى : حد يعرف فين اطلانتس ؟؟؟ راحت فين القاره العظيمه دى؟؟ بعلمها الحديث اللى سبق عصرها ؟؟
فى مرادف لقارة اطلانتس دايما بييجى معاها وهو " القاره المفقوده"

يعنى القاره دى وناسها بعلومهم و اكتشافاتهم و ثرواتهم...مرو بنفس الظروف اللى مر بيها اى حد فى الدنيا
نجاح وازدهار ووصول للقمه....و بعد كده تدهور و فشل ذريع.
عارفين من اهم الاسباب اللى اثبتت النظريات انها كانت سبب انهيار القاره دى ايه؟؟
الحــــــــــــــــــــــروب للاسف..
انشغل اهل اطلانتس بالتنازع على السلطه و الاسلحه الى ان كان ذلك سبب زوالها و دمارها

ايه اللى انا عاوزه اوصله من المقدمه الطويله دى....لانى مش بحكى حدوته ولا حاجه
انا عاوزه اقول ان طبيعى جدا نقع بعد مانقوم... و نجرب طعم الفشل و مرارة الهزيمه ..عشان نحس و نفتكر حلاوة الفوز
ناس كتير ابتدى يظهر عندها خوف من ان المنتدى يقع...ناس اكتر بتقول انه هايفشل او بالفعل فى طريقه للفشل
ناس كتير بتسال هو ايه اللى بيحصل؟؟ المنتدى ليه ماعادش زى الاول...ليه الخناق و النزاع كتر؟؟ ليه مافيش مواضيع بتتحط زى الاول....!!!
انتو عارفين بقى احنا عاملين زى مين؟؟؟ احنا دلوقتى زى اهل اطلانتس بالظبط....ومش بهزر والله
احنا وصلنا لمرحله كويسه جدا و لمكانه جميله خلال شهرين بس.... ودلوقتى نسينا كل ده و فاكرين بس التنازع على مين يبقى مشرف و مين غلط فى و مين ليه حق...الخ الخ

وعشان اكون صريحه....انا وقعت فى نفس الغلط و عشان مشكله كده حصلت...قلت مش هاحط مواضيع لان ماحدش اصلا بيرد....و عشان مشكله تانيه قلت مش هارد على مواضيع العضو الفلانى الا اما هو يرد على مواضيعى
و بسبب مشكله تالته" معليش ماهو انا هوايتى صناعة المشاكل" قررت بانى مادخلش المنتدى تانى و اريح نفسى
وبالرغم من انى كنت عارفه ان القرار ده مندفع و متهور....الا انى كنت مصممه عليه.

بس الحمد لله فقت....و صحيت فجاه و بدون اى مقدمات اما سمعت كلمه معينه من زميل: انا هانسحب. سالته باستغراب و استنكار : ازاى تنسحب؟؟ مع انى بينى وبين نفسى واخده نفس القرار... و بعدين قالى: المنتدى مش زى الاول و شكله كده هايفشل....
و فى نفس اللحظه...اخدت قرار بانى ارجع... و اكتب
لانى مش هاتخلى عن المنتدى بالسهوله دى عشان كام مشكله حصلت معايا ...او عشان كام سؤ تفاهم
مش مشكله تحصل مشاكل...ولا مشكله يحصل سؤ تفاهم....طالما الاحترام موجود بينا
اللى عاوزه اقوله انى مش هانسحب...ولاهاخرج لان من واجبى انى اقعد ... وانتو كمان...مش كلنا قضينا لحظات حلوه هنا...صحيح زعلنا و اضايقنا و ممكن بكينا بس برده ضحكنا و فكرنا مع بعض و اتناقشنا و اختلفنا و اتفقنا و فى وسط كل ده
بقى الاحترام والحب...مش ممكن عند اول مشكله بيواجهها المنتدى اهرب و اقول هابقى ارجع اما يتعدل...المنتدى ده وصل للمركز اللى هو فيه بينا و بمواضيعنا وبارائنا... مش باراء حد تانى.
و اخيرا:
"مـــــــــش مهم انك تنجح....المهم انك تحافظ على النجاح ده" فكرو فيها تانى بعد الكلام ده
و صدقونى....الانسحاب فعلامش الحل
اتمنى تكون وجهة نظرى وصلت ...و عارفه انى طولت بس سامحونى الموضوع يستحق اكتر من صفحه ولا اتنين..

خالص احترامى...
شكــــــــــــرا

miss_independent كتب:

مش هاتخلى عن المنتدى بالسهوله دى عشان كام مشكله حصلت معايا ...او عشان كام سؤ تفاهم
مش مشكله تحصل مشاكل...ولا مشكله يحصل سؤ تفاهم....طالما الاحترام موجود بينا
اللى عاوزه اقوله انى مش هانسحب...ولاهاخرج لان من واجبى انى اقعد ... وانتو كمان...مش كلنا قضينا لحظات حلوه هنا...صحيح زعلنا و اضايقنا و ممكن بكينا بس برده ضحكنا و فكرنا مع بعض و اتناقشنا و اختلفنا و اتفقنا و فى وسط كل ده
بقى الاحترام والحب...مش ممكن عند اول مشكله بيواجهها المنتدى اهرب و اقول هابقى ارجع اما يتعدل...المنتدى ده وصل للمركز اللى هو فيه بينا و بمواضيعنا وبارائنا... مش باراء حد تانى.
و اخيرا:
"مـــــــــش مهم انك تنجح....المهم انك تحافظ على النجاح ده" فكرو فيها تانى بعد الكلام ده
و صدقونى....الانسحاب فعلامش الحل
اتمنى تكون وجهة نظرى وصلت ...و عارفه انى طولت بس سامحونى الموضوع يستحق اكتر من صفحه ولا اتنين..

خالص احترامى...
شكــــــــــــرا

حقيقى .... يجب أن أرفع قبعتى إحتراما وإجلالاً للأنسة المستقله

فخر المنتدى

خااااااااااااااالص تقديرى وإحترامى

الموضوع بصرحة جاااااااااااااااااااااااااامد وانا حسيت ان فى الردود بتعتكم لبعض كلام بين السطور وحسيت كمان ان فى مشاعر بين اعضاء معينة واضح جدااااااااااا فى الردود
اتمنى زى ما قلتى الناس تفهم وتحاول تفكر فى المنتدى نفسة
انالسة عضو جديد بس حسيت ان المنتدى دة ممكن يكبر ويبقى حاجة كويسة بس يا رب يا رب تعدى على خير
وبشكرك جداااااااااااااااااا يا مستقلة وربنا يا رب يوفقك وتبقى من الحزب الحاااااااااااااااااااااااااكم
خصوصى

الشكر ليك يا فارس
بجد مرورك و تقديرك و رايك ومساعدتك عنوا لى الكثير
فشكـــــــــــــرا لك....

يا ستى الشكر للة بس انا ملاحظ ان فى اعضاء ومحدش بيرد
العيب بقى على الى مدخلش من اساس ولا بردوا هنا فى كوسة




اسمى خصوصى مش فارس

الفرسان نت كتب:

الموضوع بصرحة جاااااااااااااااااااااااااامد وانا حسيت ان فى الردود بتعتكم لبعض كلام بين السطور وحسيت كمان ان فى مشاعر بين اعضاء معينة واضح جدااااااااااا فى الردود
اتمنى زى ما قلتى الناس تفهم وتحاول تفكر فى المنتدى نفسة
انالسة عضو جديد بس حسيت ان المنتدى دة ممكن يكبر ويبقى حاجة كويسة بس يا رب يا رب تعدى على خير
وبشكرك جداااااااااااااااااا يا مستقلة وربنا يا رب يوفقك وتبقى من الحزب الحاااااااااااااااااااااااااكم
خصوصى

الكلام اللى بين السطور مفهوم وواضح لينا
بس اكيد فعلا سبب استغرابك او حيرتك انك لسه عضو جديد
فانا هاتغاضى عن كلامك اللى بين السطور....السخريه فى كلامك مبرره جدا لانك مش حسيت اللى انا بقوله و بتكلم عليه "عضو جديد بقى" هو مش عذر بس هاعديه
و هاشكرك على ردك...حتى لو مش عاجبنى او لى بعض الملاحظات عليه
بس مش مهم ....
شكـــــــــــرا على مرورك

اولا موضوعك جامد جدا زي مقال الاستاد عادل امام اقصد خصوصي
وبصراحة الموقف الليمريتي منو يا مستقلة انا كمان مريت بيه وقربت اني اسيب المنتدى بس رجعتلو عشان مش معقول اي حد يزعل شوية يسيبوا طيب لمين
اما بالنسبة لرد السيد حصوصي الاخير فعشان محدش دخل يرد مش تطنيش مننا لا سامح الله والمستقلة عارفة موضوعاتها بتحضى باهمية وتقدير ازاى بحكم انها موضوعات دايما هادفة وتحظى بالاحترام والتقدير من الكل وانا اولهم ولو مش مصدق خش على اي موضوع هي حطاه وشوف ردود الاخوان الاعضاء ده كان كلام للتوضيح بس
وبشكر صديقتي المستقلة عالموضوع اللي بجد كان لازم حد يطرحوا وكانت هي المميزة كما عهدناها دايما

شكرا عاشقه على المرور الجميل
و كتر خيرك....

اولا وقبل حاجة احب ارحب بالسعادة اعضاء المنتدى بس لية تعليق بسيط اى نعم انا لسة جديد فى

المنتدى وحاسس ان المنتدى كويس وفية اعضاء كويسين بس انا بايد الاستاذ عادل امام قصدى

خصوصى فى وجهة نظرة جدا لانة واضح انة شخصية محايدة خصوصا انة لسة جديد فى المنتدى يعنى

لما يصل الى مرحلة المجاملات بين الاعضاء

واتمنى للجميع التوفيق وللمنتدى الحرية والطلاقة بعيدا عن الزيف والخداع والنفاق والمصالح

الشخصية

السلام عليكم ورحمة الله وبركاتة
طبعا فى الاول احب ءاكد ان المنتدى دة فعلا جميل جدا وفية اعضاء كتير محترمين
ومواضيع كتير هادفة
بس وبصراحة ميخفاش على اى حد جديد فى المنتدى ان فية فعلا مجاملات كتيرة
بين افراد معينة فى المنتدى يعنى موضوعاتهم دايما بيكون ليها اهتمام اكبر فى الردود
وكمان بيبقى فى مبالغة فى الردود والتقدير وبيحظوا باهتمام اكبر من باقى الاعضاء
انا عارف ان كلامى ممكن يزعل منى ناس بس انا مبقصدش من كلامى دة غير ان المنتدى يكون احسن وافضل
واكيد الاختلاف فى الراى لا يفسد للود قضية
وربنا يكرمكم جميعا

هو مش ده الغرض من الموضوع خااالص
لا من قريب ولا من بعيد
بس اكيد مشكورين كلكم على الردود والمرور

هييييييييييييييييه
دنيا

مشكور الاخ الكريم رونالدو
على التعليق اللى ماكانش منتظر منه بصراحه
بس هانقول ايه.........
هيييييييييييييه دنيا

ما أصلها حاجه تخنق
مش أغيب فى الشغل مده أرجع الاقى المنتدى كده
بصراحه عاوز تصليح كتير
وعاوز شات جماعى بين المشرفين
وعاوز وضوح
ومش عاوز ناس مستظرفه دمها اللى هى دمها يخنق أساسا
والله أنا أتخنقت

كان فى اجتماع النهارده...بس اجتماع فجائى مش كان مترتب...حضرته اميرة الاحزان و فن فن و انا و الطائر ... واللى بقى يدخل معانا بالصدفه برده ...

سؤال بسيط ...الناس اللى دمها يخنق دول تقصد بيهم مين؟؟

حبيب قلبى خصوصى أفندى
وناس بتدخل ترد على ناس معنيه وتطلع
يعنى كل جروب مقضى حاله مع نفسه
يردوا على مواضيع بعض وكده
الناس اللى بالشكل ده
انا عن نفسى مش عاوزهم فى المنتدى

معليش يا رونالدو بس احنا هانتقابل تانى
احنا اتفقنا ان الاجتماع يكون اسبوعى على فكره
يعنى فى اقرب فرصه نكون متجمعين فيها هانشوف الحكايه دى
والى ذلك الحين ان شاء الله... ماتزعلش

ولا يهمك اهم حاجه بس تفضلى معانا ومش تمشى

امشى ازاى بس...
امال لو حد عاوز يتخانق يتخانق مع مين غيرى....!!!

مشكور رونالدو على المتابعه

والله انا اللى بشكرك على كلامك
و كل كلمه فيه صح ومش محتاج مجامله اصلا
وباذن الله هايكون فى وقفه ...
ومشكور فن فن على رايك

موضوع جامد يامستقله وده مش غريب عليكي طعا..
وبقول للاعضاء الجدد ياريت تردوا ياجماعه علي الموضوع بس..
هزروا بس من غير جرح حد..

مشكور ابو تريكه
الله يخليك

بعد الكلام الجميل الا سمعته ورد فن فن ورد رونالدوا انا مصمم على موقفى الا هو الانسحاب اما نلاقى ادارة حازمه وقويه زى الاداره القديمه نقول نستنا ومعلشى ميس على انى قولت كلام مش تبع موضوعك لكن ده رد على بعض كلامك
ومشكور على شعورك د ه

انا اللى بشكرك يا نور..
و بقولك ان ادارتنا موجوده و عمرها ماتغيرت...فى نظرى انا على الاقل
و عموما....انسحابك مرفوض

وللمره المليون...
الانسحاب مش الحل...
يعنى ايه قرار صدر و كان لازم بيه واحد تانى يدخل اقوم انا اسيبله المنتدى باللى فيه؟؟
يعنى ايه بالبساطه دى ارمى ورا ضهرى تعب و مواضيع و شغل 3 شهور عشان احنا حاسين بلاهانه

وللمره المليون برده...
مافيش اداره قديمه و تانيه جديده
ادارتنا زى ماهى ...و لو ادركنا ده بدرى هانعدى من الموقف السخيف ده

اكيد يا جماعة ان محدش قصد يوجة اهانة لاى حد
ولازم يبقى فية ديمقراطية يعنى مفيش مشكة ان كل واحد يقول رأية
ومحدش وجة كلام لشخص معين
ومينفعش نفكر فى الانسحاب لمجرد ان حد قال راى مش عاجنا
وبالنسبة للاخ رونالدو فالكلام اللى بيزعل هو (ومش عاوز ناس مستظرفه دمها اللى هى دمها يخنق أساسا)
معتقدش ان حد وجة ليك اى اهانات ولا حد بيستظرف عليك
وبالنسبة لكلامك انك مش عاوز ناس معينة فى المنتدى فالمنتدى مش اسمة منتدى رونالدو يعنى مفيش داعى للكلام دة ولو فية ملحوظات عن الردود يبقى نسمعها من الادارة .

وشكرا

asdm12000 كتب:

اكيد يا جماعة ان محدش قصد يوجة اهانة لاى حد
ولازم يبقى فية ديمقراطية يعنى مفيش مشكة ان كل واحد يقول رأية
ومحدش وجة كلام لشخص معين
ومينفعش نفكر فى الانسحاب لمجرد ان حد قال راى مش عاجنا
وبالنسبة للاخ رونالدو فالكلام اللى بيزعل هو (ومش عاوز ناس مستظرفه دمها اللى هى دمها يخنق أساسا)
معتقدش ان حد وجة ليك اى اهانات ولا حد بيستظرف عليك
وبالنسبة لكلامك انك مش عاوز ناس معينة فى المنتدى فالمنتدى مش اسمة منتدى رونالدو يعنى مفيش داعى للكلام دة ولو فية ملحوظات عن الردود يبقى نسمعها من الادارة .

وشكرا

مع احترامى....
انا مش عامله الموضوع عشان حضرتك تدخل تقول رايك فى رونالدو...يعنى لو فى حاجه مضايقاك منه ممكن تقوله فى رساله خاصه ...ارجو اخذ ذلك فى الاعتبار
ثم مين قال ان احنا ضد الديمقراطيه....!! حضرتك لسه عضو جديد فمع احترامى ياريت بلاش القاء الاتهامات جزافا كده
احنا بنتكلم فى جزئيه تانيه خالص...
و شكــــــــــرا لحضرتك

موضوع جميل طبعا
وكمان فى حاجه للكل الى عاوز يهزر فى حاجه اسمها شات ادخلوا هناك وبراحتكم بقه
ده منتدى كل الناس بتشوفه ومش عايزين حد يجى ويعدل علينا لازم احنا نكون احسن من اى حد
ومشكوره يا مستقله على موضعك الجامد اوى ده

مشكوره اميرة الاحزان على المرور
وعلى رايك...
الف شكر

المستقلة

انا عشان افكر بس ارد على الموضوع اللى اقل ما يقال عنه انه (( رائع جدا ))

قاريت الموضوع اكتر من مرة

بجد والله قلمك الذى كتب هذ الموضوع قلم رائع جدا وبيكتب كلمات من ذهب ثقلت بالماس

قلمى يرفع القبعة لقلمك وبكل فخر لان مجرد مقابلة قلمك فخرا له

خالص الشكر لكى ولقلمك وارجو ان لا تحرمينا منه

الطائر الحزين...
الف شكر للمرور و الكلام الرائعين