هل الشخصيات التى نظهر بها في المنتدى تطابق شخصياتنا الحقيقية ؟؟؟

]

[color=red]من لديه الجرأة.. ليجاوب على هذه الاسئلة,,,

ومن هو ليس واثق من مدى اختلاف شخصيته في المنتدى وفي الحقيقة ,, فليعلق على هذا الموضوع ,, فمهما يكن لانستغني عن آرائكم,,

[left]للامانه...منقول[/left]

هو موضوع شفته و عجبنى صراحه
ومن اهدافه انه يقرب الاعضاء اكتر من بعض و نعرف بعض اكتر
و هابدا انا اجاوب
1-بنسبة كم في المائة تمثل الشخصية الحقيقية من شخصيتك بالمنتدى ؟؟؟
بنسبه كبيره الصراحه....لان ارائى و تفكيرى هو ناتج عنى وعن شخصيتى الحقيقيه يبقى مش هابالغ لو قلت انه بنسبة 100%
2- هل تأثرت بشخصية المنتدى ؟؟؟
اكيد طبعا... لانى شخصيا مرحبه بفكرة الاستقلاليه لانى شايفه ان دى حاجه كويسه لى و للناس اللى بحبهم لانى بكده هاكون انسانه يعتمد عليها وموثوق فيها
3-ماذا قدمت لك تلك الشخصية المثاليه ( شخصية المنتدى ) ؟؟؟
اعتقد ...شعور ايجابى...خاصة بعد ابداء ارائى بغض النظر عن ان رايى تم قبوله او رفضه فيكفى شعورى بالرضى للتعبير عما يدور ببالى
4-والى أي مدى تشعر بانتمائك لها ؟؟؟؟
الى ابعد مدى ...الحمدلله
5-وهل أثرت على سلوكك العام ؟؟؟؟
مش عارفه ..بس انا اصلا بطبعى مش شخصيه اتكاليه ...يعنى مش الشخصيه هى اللى خلتنى ابقى مستقله ولكن ممكن تكون حسستنى بمدى ايجابية الشخصيه المستقله بفكرها وارائها
6-ما هي اسباب اختلاف شخصيتك الحقيقية عنها في المنتدى؟؟
شخصيتى الحقيقيه مش بتختلف كتير عن شخصيتى اللى فى المنتدى وان حصل واختلفم يبقى فى حاجات ثانويه لكن الاساس واحد

صاحبة القلم الذى يكتب بخط من ذهب (( المستقلة ))

موضوع بجد رائع جدا ومناسب جدا جدا للفترة الحالية



****بنسبة كم في المائة تمثل الشخصية الحقيقية من شخصيتك بالمنتدى ؟؟؟
بنسبة كبيرة جدا لانى بتعامل بطبيعتى سواء على منتدى او على النت او مع الناس اللى اعرفهم


**** هل تأثرت بشخصية المنتدى ؟؟؟
هيه الشخصية تعتبر واحدة مع اختلاف بسيط انى هنا ببدى رأى بقلم وانما لو مع اصدقائى راى بيكون شفوى فهى مش فى وجه اختلاف بينهم الاتنين عشان اتاثر بشخصية المنتدى بل بالعكس شخصيتى الحقيقية هيه اللى طاغية وماثرة على شخصيتى فى المنتدى

*** ماذا قدمت لك تلك الشخصية المثاليه ( شخصية المنتدى ) ؟؟؟
اصحاب و معارف و اهل اعتز بيهم و اعتز بمعرفتهم جدا

**** وهل أثرت على سلوكك العام ؟؟؟؟
لا لانى زى ما قولت بتعامل بطبيعتى ويمكن كمان السبب الاكثر اننا هنا بنتعامل كاهل وكافراد اسرة واحدة اكتر من التعامل كننا فى منتدى وده بيخلى الضخص بيتكلم بصراحة و بتلاقئية دون اللجوء الى تجميل الشخصية الحقيقة

***** والى أي مدى تشعر بانتمائك لها ؟؟؟؟
هى انا و انا هيه

*****ما هي اسباب اختلاف شخصيتك الحقيقية عنها في المنتدى؟؟
مافيش اى اختلاف


بجد موضوع هايل اوى يا مستقلة

ابدى اعجابى الشديد بمواضيعك و بقلمك الاكثر من المتميز

فلكى جزيل الشكر

****بنسبة كم في المائة تمثل الشخصية الحقيقية من شخصيتك بالمنتدى ؟؟؟
==== فى الحقيقه ... أنا أعتقد إن شخصيتى فى المنتدى ... لا تختلف كتير عن شخصيتى فى الواقع ... إلا أنى باخد رحتى شويه فى الكتابه ... يعنى لما بكتب بتبقى أفكارى مرتبه أكتر .... يعنى بصراحه ... هقول 99% لأنى أعتقد إنى مش ممكن شخصية إنسان تختلف فى النمط وتتشابه فى الشخصيه بنسبة 100% .....


**** هل تأثرت بشخصية المنتدى ؟؟؟
==== ... هههههههههه برافو أنستى المستقله ..... دا سؤال ذكاء ...... إزاى هقلك إنى شخصيتى إتأثرت بالمنتدى وأنا بقولك إن شخصية المنتدى دى هى شخصيتى (تقريباً يعنى)


*** ماذا قدمت لك تلك الشخصية المثاليه ( شخصية المنتدى ) ؟؟؟
==== أعتقد إن الشخصية المثاليه بالنسبالى هى الشخصيه الواقعيه ... بما أنى إنسان واقعى أفضل الشخصيه الواقعيه حتى لو شخصية المنتدى أكثر مثاليه (دا إفتراض)

**** وهل أثرت على سلوكك العام ؟؟؟؟
==== أوك أنا هجاوب على قد السؤال .... أكيد أثرت ... لا .... طبعاً أثرت ... لأنى إتعرفت على شخصيات جديده ... وكمان أفكار جديده ... وثقافات جديده ... إتأثرت بيهم ... وهما أثروا فيا .... أمال أنا دخلت المنتدى ليه أساسا ... مش علشان أتعلم أكتر

***** والى أي مدى تشعر بانتمائك لها ؟؟؟؟
==== إيه دى ... شخصية المنتدى .... أنا لا أنتمى لمعنويات ... أنا أنتمى لواقع .... بس لو فى حاجه إتعلمتها من شخصيتى فى المنتدى .... بحاول أطبقها على شخصيتى الواقعيه .... وبالتالى برضه مش هكون منتمى لشخصيه خياليه


*****ما هي اسباب اختلاف شخصيتك الحقيقية عنها في المنتدى؟؟
==== أنا جاوبت فى أول سؤال .... لما بكتب بتبقى أفكارى منظمه أكتر ...

أنستى المستقله ... صاحبة السبق الإعلامى دائماً

أشكرك ..... بشده ...... وسكت القلم

اعدكم بالرد على الموضوع ولكن بعد ان احل رباط يدى لان بها عمليه واكتب بيد واحدة اسف

مشكور فارس على المرور
وعلى التعليق الجميل

و الف مليون سلامه عليك يا سوبر
ان شاء الله تبقى كويس
وابقى طمنا عليك

مشكورين شباب على المرور
ونورتونى

مشكوره سما على المرور
الف شكر

****بنسبة كم في المائة تمثل الشخصية الحقيقية من شخصيتك بالمنتدى ؟؟؟

50 /100
**** هل تأثرت بشخصية المنتدى ؟؟؟

الى حد ما

*** ماذا قدمت لك تلك الشخصية المثاليه ( شخصية المنتدى ) ؟؟؟

مفيش شخصية مثاليه في النظري واللي بيدعي المثاليه يبقى بيضحك على نفسه

**** وهل أثرت على سلوكك العام ؟؟؟؟

سلوك الانسان ومبادئه ما تتغيرش الا من واقع الحياة لأن النت ده عالم ممكنى اعتباره وهمي الي حد ما الواحد بس بيشارك افكاره مع مجموعة من الناس وبيرجع يمارس حياته الطبيعية

***** والى أي مدى تشعر بانتمائك لها ؟؟؟؟
هي شخصيتي ما تتغيرش والواحد ما بينتميش لأكتر من شخصية والا يكون نتيجة شيزوفرينيا
*****ما هي اسباب اختلاف شخصيتك الحقيقية عنها في المنتدى؟؟[/color]

لأن المنتديات والنت والشات عالم بيحاول شوية منا يظهر انه مثالي في القيم والأخلاق والتعامل ومفيش شخص مثالي لكن سبحان الله بس في عالم النت الناس كلها وطنية ومثاليه واخلاقها عالية والانسان ميقدرش يحكم على غيره بنسبه مليون في الميه الا لو قعد معاه مرة واتنين وبدأ يفهم طباعه وشخصيته و لكن كل من مسك قلم او كتب على الكيبورد مايعتبرش حقق انجاز


مرسي على الموضوع الجميل ده واتمنى ما يكونش في ردودي اي ازعاج انا مش كئيبة ولا حاجة انا بس ما بحبش انافق والاسئلة حلوة وفيها مجال كبير للرد وشكرا

بنت بلادى....
اسفه انى اتاخرت فى الرد
انا بشكرك على مشاركتك
و بقولك ان ردودك كلها منطقيه و الاهم انها وجهة نظرك و بالتالى مستحيل تكون ضايقت حد
مره تانيه بشكرك ...جدا