تفضل ناقش اللى بعدك بسؤال ...؟؟؟

اولا شكرا على اختيارك نهوض الامم...
احسن عضو بقى بالنسبه لى : هو اللى دايما يحترم الاعضاء اللى حواليه و يحسب كلامه و يحس بيه قبل مايكتب و يجرح حد
و ده مش ضعف زى ماممكن يفهم البعض...و لكن ده منتهى القوه على فكره

والاعضاء المحترمين كتير فى منتدانا بصراحه ان لم يكونو كلهم و الحمد لله و مش بجامل ولا بتهكم
و نخص بالذكر منهم ادارتنا العزيزه...ومش هاقول اسماء تانيه عشام ماحدش يزعل انى نسيت اسمه

شكرا يا اميره مانسيتيش السؤال...فى تقدم اهه
سؤالى انا : اكتر 3 اعضاء بتستنى مواضيعهم عشان تجرى و تقراها؟؟ " مش لازم تجرى قوى يعنى ممكن تمشى عادى يعنى "

هجاوب انا اكتر 3 اعضاء عاشقه البحيرى ومس واميرة الاحزان
سؤالى اكتر 3 اعضاء شباب تحبى تسمعى رائيهم ؟

ابوتريكه ونوروفارس
سؤالى :انت سعيد ؟؟؟؟؟؟ودى تشمل اى حاجه

بدام تشمل اى حاجه...
يبقى لا
وايه يعنى يفرح فى دنيتنا دى...!!! مع التاكيد على حمد الله على نعمه والله مش بتكلم فى النقطه دى بس بتكلم على البشر والناس اللى بتاكل فى بعض

س: نفس السؤال للى بعدى

ابقا كداب لو قلتلك ان عمري ما كنت سعيد بس اكيد مرت عليا لحظات سعادة بس الحزن اكتر واكتر

نفس السؤال للي بعدي؟

ولا عمرى فكرت يعنى ايه سعاده
ال يعنى ايه ؟؟؟؟؟؟؟؟؟؟؟

السعادة اني اشوف غيري فرحان وبالذات لما يكون شخص عزيز عليا او اعمل عمل كويس او احقق امنية كان نفسي احققها كل دة طرق الي السعادة ويوجد غير ذلك كثير جدا

السؤال: ما الفراق بالنسبة لك؟ وما نتائجة ؟ وما اسبابة؟

ما الفراق بالنسبة لك؟
انى ابعد عن ناس بحبهم بس لانى مصلحتهم فى ده
او حد عزيز عليا يبعد عنى بسبب والسبب ده يكون هوعارفه وانا لا وساعتها اقول ده سيبنى وفرقنى
وما نتائجة ؟
نتائجه كتيره اوى ممكن لما تبعد عن حد تخليه يرجع للصح
او انا ممكن اكون مخصمه حد واما ابعد عنه وافرقه يعرف قيمتى ويرجع
وما اسبابة؟
الخوف من الى جاى
اتمنى اكون قدرت اجواب على حد علمى يعنى
السؤال للى بعدى

الفراق هو بعد من نعشقهم بسبب او بدون سبب اما نتئجة من خطر النتائج حيت انة يؤدي الي الوحدة والانهيار والانكسار والفراق ليس حلا لرجوع الشخص عن افكارة او ما بداخلة بل قد يكون سببا في انهيارة وكما انة لي حلا لمعرفة القيمة لان القيمة لا تكون بالفراق بل تكون بالعتاب
اما اسبابة كثير ولا داعي لذكرها

السؤال متروك للقادم؟ وارجو اجابتة علي السؤال السابق

افهم من كده انى اجابتى غلط

لا بس مش كلها او مش المفهوم الدقيق للمعني لان الفراق عمرة ما كان حل وهديكي 7 علي عشرة وهدي نفسي 5 علي عشرة ويلا بقي حطي سؤالك

طيب عاوزه اجاوب ...
الفراق هو البعد بعد اللقاء
و الذهاب بعد الاجتماع
و فراغ القلب بعد امتلائه بالحب

اسبابه كتير منها:
1- عدم التفاهم
2-فقد الاحترام والحب

نتائجه:
1-الوحده
2-الغضب
3-الحزن
4-فقد الثقه
وده طبعا من وجهة نظرى و خصيت الفراق بفراق الاحبه

سؤالى: ممكن نرجع تانى بعد الفراق؟؟ولا صعب؟

الفراق نوعان
واحد انك توداع انسان
والتانى انك تقول لانسان احنا هنبعد ونتفترق ولو لينا نصيب نتقابل وده الى فيه عوده طبعا لانى كل شئ بايد ربنا سبحانه وتعالى

سؤالى :ماذا يعنى لك الصداقه والاخوه والاحباب

الاخوه والاهل عموما..واسرتى يعنو لى الكثير
لانهم كل شئ فى حياتى
الحبيب اكيد كمان يعنى الكثير
بالنسبه لى الصداقه جزء لا يتجزء من حياة اى واحد فينا بالرغم منى لم اوفق قوى فى صداقاتى...بس الحمد لله

س:ممكن نرجع تانى بعد الفراق؟؟ولا صعب؟

مانا بقولك فى نوعان الاول مش ممكن الرجوع
والتانى ممكن لو ربنا عاوز كده

معليش شكلى نعست
طيب اسال سؤال تانى

تقدر او تقدرى تعيشى من غير صداقه؟؟

لالالالالالالالالالالالالالالالالالالالالا طبعا مع انى ليا اصحابى كتير بس مش لقيه معنى الصداقه الى بجد

سؤالى :ممكن تعيش من اصحاب

مش فاهم حضرتك تقصدى اية

سوال مش واضح

ممكن توضحى ؟؟؟؟؟؟؟؟؟؟؟؟؟؟؟؟

اصل اية ممكن تعيش من اصحاب

ولا انتى تقصدى ممكن تعيش من غير اصحاب

يبقى مش انا لوحدى انى نعست...صح النوم يا اميره
اميره بتسال نفس السؤال بتاعى ... والمقصود فعلا تقدر تعيش من غير اصحاب؟؟

انا شخصيا اقدر...

س: نفس السؤال للى بعدى

اه هو كده صح
انا هقوم انام لانى هنام منكم

ايوة اقدر فى الوقت دة

لسبب انى بجد دورت على اصحاب غير اصحابى اللى اعرفهم فى حياتى

لاقيت مفيش اصحاب

يعنى مثلا اتعرفت على ناس كتير من على النت بنات وشباب

وكان معظمهم بنات

وكنت بعتبرهم اعز اصحابى واخواتى

بس معظمهم كان يعرفنى علشان خاطر نفسة
يعنى لما يكون زعلان يرجع ليا ولما اكون انا زعلان مش الاقى حد منهم يسال عليا

وجهتهم قولتهم فين بقى الصحبية اللى بينا

لما تعوزنى تلاقونى جمبكم ولما انا اعوز حد فيكم
مش بلاقى حد يسال عليا

ودة سبب بسيط يعرف ان اصحاب معظمهم علشان المصلحة بس

والواحد ممكن يعيش من غيرهم

وابسط مثال لو الواحد مثلا مولود برة وجة مصر وميعرفش فيها حد

حيعيش عادى يعنى وكمان لو واحد غير محل الاقامة مع انة كان عندة صحاب كتير اوى فى التغير دة بردة يقدر يعيش من غير صحاب

وعادى يعنى الحياة مش بتقف على حد

بتفضل ماشية

حبيت او حبيتى قبل كدة وشوفت حب حقيقى فى حياتك وكان الحب دة هو اللى بتحلم بية

إيه المشكله ان الواحد يعيش من غير صحاب

إيه المشكله لما يكون لونلى

ويغنى I`m Mr. lonly ..... I have no body .... in my woooooooorld

أنا عن نفسى مش عارف ... أنا لما كنت من غير صحاب خالص ..... كنت عادى

ولما بقى ليا صحاب .... الحياة إتغيرت شويه ... يعنى فى حاجات بقة أحسن وفى حاجت بقة مش زى ما أنا عاوزها

عادى ليس كل ما يتمناه المرأ يدركه

سؤالى
.:: نفس السؤال ::.

عادى اعيش من غير من صحاب انى اصلا طول عمرى ماليش صاحب مش تفرق كتير يعنى
نفس السؤال للبعدى

ياااااااااااااااه
اهو انا بقى من زمان نفسى اعيش لوحدى من غير ماعرف حد ولا حد يعرفنى

فتره يعنى .. وابقى راجع مشتاق لصحابى وللناس ولمصر ... نفسى مصر توحشنى

ياااااااااااااااااه ... ماحدش معاه فيزا للسويد؟

the same question 4 the next member ( نفس السؤال)

the next member is really answer same question ..... please Put another question

بصراحة يا جماعة انا طرحت سؤال ولقيت انو محدش رد عليه (يمكن محدش واخد بالوا )المهم سؤالي هو الى الاعضاء
ممكن شوية انتباه بسبب مشوار تغيير الادارة وبحكم انو الركن ده ناقش اللي بعدك السؤال

في سؤال حسالو لكل اللي حيدخل بعدي ويجاوب بصراحة


المنتدى ده بيمثلك ايه ؟استفدت منوا ايه ؟ومستعد تعمل عشانوا ايه ؟؟؟؟؟؟؟

ياريت السؤال ده يجاوب كل حد في المنتدى

هذا المنتدي بالنسبة ذكري جميلة تدوم ولكن الانسان يفني اما الاستفادة انني اصبحت اعلم اشياء لم اكن علي دراية بها اما مستعد اعمل لة كل ما يفيد وكل ما هو جديد

فين سؤالك
نفسى مش ننسى الاسئله

لاء يا اميرة السؤال اللي انا سؤالتو قبل ميجاوب كيموا عشان هو سؤال مفتوح

يا اميرة هي عايزة المنتدي كلة يرد علي سؤالها وعلي العموم
سؤالي نفس سؤالها يلا يا عم

هههههههههههههههههههههههههههههه طيب

بصراحه وبدون زعل
كان بيمثلى حاجه كبيرة انى هقدر اتكلم فيه لاقى الا يسمعنى
وكنت ممكن الاقى فيه حجات مالقتهاش قبل كده
لكن دلوقتى وبعد الا حصل فى المنتدى ده بقا زى اى منتدى عادى عرفته
وعارف انى رائى ده هيزعل كل الاعضاء لكن ده شعورى
سؤالى نفس السؤال

يا نور عيب عليك الكلام دة انا منكرش اني كنت ناوي اسيب المنتدي من يومين بس لما قرأت موضوع نهضة الامم بجد غيرت رأي 180 درجة وياريت يا هاني تقرأة بجد وتغير رايك وياريت باقي الاعضاء تكمل رد علس سؤال عاشقة البحيري

قريته وعشان كده مش هنسحب وفضل لكن مش هعمل شى نهائى

المنتدى ده بيمثل لى حاجه كبييييييييييييره قوى
ييجى بتاع 50 كيلو كده ولا حاجه

جديا...من فتره اكتشفت حاجه غريبه جدا ...و هى انى بقعد هنا معاكو اكتر ما بقعد مع اهلى ...و بنسى نفسى قدام الجهاز...
اعتقد ده بيفسر جزء صغير من احساسى تجاه المنتدى و اهله طبعا
و كل كلمه فى نهوض الامم كانت من القلب
و مشكورين يا شباب..

نفس السؤال.....

عاشقة_البحيري كتب:

المنتدى ده بيمثلك ايه ؟استفدت منوا ايه ؟ومستعد تعمل عشانوا ايه ؟؟؟؟؟؟؟

المنتدى بيمثلى كتييييييييير .. يعنى يعتبر حياه تانيه غير حياتى مع أصحابى أو حتى فى البيت ون ناحية الإستفاده بقه .... إستفد منه أكتر من أى حاجه تانيه ... وسؤالك مستعد أعمل علشانه إيه .... لأ دا أنا أعمل كتييير ... أكتر مما تتخيلى ...

بارضه ... ذا سيم كويزشن ...

ماذا تفعل عند شعورك بالوحدة؟

احوال اتعرف على ناس تعوضنى عن الوحده ومع الوقت هيروح الاحساس
او لو ليا اصحاب ومش معايا دلوقتى احوال ارجع ليهم يعنى برضه حاجه تعوضنا عن الوحده
سؤالى :نفس السؤال لافاده ؟

لو حسيت بالوحدة بعمل اية ؟؟؟

يا بقعد لوحدى ومع نفسى واكتب اللى بيجى على بالى وساعات كتير برتاح

يا بخرج واغير جو

يا ايما برزل اكتر على نفسى واقعد لوحدى ومش اعمل اى حاجه (( افكر وبس ))

سؤالى

كتير مننا بيحس ان مش فى حد فاهمه وانه وحيد وان الناس بعيدة عنه ؟ (( ياترى ده قصور من الشخص ولا من المجتمع )) ولية ؟؟

والله يا طائر علي ما اعتقد انة ساعات بيكون من الشخص لو كان انطوائي او مستقل بنفسة وقد يكون من المجتمع وذلك بسبب بعد الناس عن هذا الشخص او تجاهلهم لة

السؤال : ماذا لو تخلي عنك حبيبك وطلب منك الفراق في وقت انت في اعز الشدة الية وبماذا تشعر بعد ذلك؟

قصور من الشخص...
فى حالة انه يكون عنده قصور فى التفكير ...يعنى لو كان مثلا انطوائى ومش عاوز يتعامل مع اى حد و كمان مش عاطى حد فرصه يعرفه و يفهم شخصيته... وهو بكده فاهم انه تمام و غامض و ماحدش يعرف عنه حاجه وبالتالى هو فى امان وماحدش يقدر يجرحه....!!!!

قصور من المجتمع...
اذا كان الشخص و تفكيره و شخصيته افضل و ارقى من المجتمع و ده وارد الحدوث ومش صعب ولا حاجه لانه ممكن كتير انا اتفوق على المجتمع بالتمسك باخلاق و اسس فقدها المجتمع من زمان
وبالتالى دايما هايكون فى فجوه بينى و بين المجتمع لانى شايفه الكون كله من زاويه.... وهم من زاويه تانيه خااالص... وده برده هايؤدى للايجاد عدم تفاهم او انعدامه من الاساس
________________-------------------
سؤال كيمو: لو حبيبى طلب او اختار الفراق....هافارق و بدون تفكير
لانه طالما مش باقى على ولا حتى بيحترم مشاعرى ...يبقى مايستاهلش الا المثل
البادى اظلم....
وشعورى...هازعل...بس عليه مش على ...لانه اصلا مايستاهلش انى ازعل عشان سابنى ..هو اللى لازم يزعل عشان فكر يسيبنى انا

نفس السؤال للى بعدى

اكيد حختار الفراق

لانه مفكرش فيا وفكر ف نفسه فاكيد

مش حفكر انى اكمل معاه

شعورى انو ميستهلش انى اكون جنبه



نفس السؤال للبعدى
ماذا لو تخلي عنك حبيبك وطلب منك الفراق في وقت انت في اعز الشدة الية وبماذا تشعر بعد ذلك؟

بجد مش حفكر فيها تانى وحبقى ندمان انى عرفت انسانة كدة

علشان مينفعش احب حد ويسبنى كدة وخلاص من غير ما اعرف لية

وكمان فى وقت انا عايزة يبقى دة بجد مش انسان


حكون طبعا تعيس بس ربنا حيقف جمبى

واللى معاة ربنا يكسب

سوالى
قلبك قلب خصاية يعنى لو شاف الحب بجد ممكن يحب حتى لو نفسك مش عايزة

ولا انتا مع نفسك مش مع قلبك يعنى اللى يقولة قلبك مش تايدة واللى تقولة نفسك بتايدة

حمشي وراى نفسي وعقلى

قلبي ف الاخر لو حسيت انو موافق

عقلي بس مش دائما بسمع كلام قلبي

لانه ممكن يضيعنى

السؤال
ليه الواحد بيبقى شايف الصح قودامه وبيعمل الغلط مع انو عارف انو غلط بس بيعمله

علشان احنا بشر بنغلط كتير


احنا مش ملايكة



مهما روحنا او جينا احنا بردة بشر


وكمان الشيطان شاطر والانسان ضعيف


وفى ناس دماغها شمال تفضلى تقنعى فيهم بردة اللى فى دماغهم فى دماغهم



سوالى


لية الناس مبقتش عارفة تفهم كلمة صداقة كويس سواء شباب او بنات

وكمان بتقرب من اى حد عندة مصلحة مش شرط مصلحة خاصة ممكن مصلحة عامة

ويكون الواحد فى الفرح منسى وفى الهم معزوم ولما الواحد يمون فى منحة مش بيرقى حد جمبة

لية الناس مبقتش عارفة تفهم كلمة صداقة كويس سواء شباب او بنات

وكمان بتقرب من اى حد عندة مصلحة مش شرط مصلحة خاصة ممكن مصلحة عامة

ويكون الواحد فى الفرح منسى وفى الهم معزوم ولما الواحد يمون فى منحة مش بيرقى حد جمبة
عارف ليه لانى لا امان للبشر
انك تبقى جدع مع كل اصحابى واما تقع فى مشكله الكل يجرى ويقول يلا نفسى
سؤالى:ليه الناس بقت كده الكل بيظلم الكل من غير ما يعرف فكرته ؟؟؟؟؟؟؟؟؟؟

علشان لازم نعاشر الناس قبل ما نحكم عليهم

السؤال

ليه القريب دايما بعيد

لاننا مش بنفتكر بعض غير علشان المصلحه ولازم الكل يبعد عنه بعده والعكس الى بيحبنا وجمبنا
بنبعد عنه
لسؤال للى بعدى

لاننا ديما بنفكر في الا نسينا وكل نسان بقي يقول يلا نفسي

لية ديما بنخاف من الحقيقة؟