| اضراب ولا اطضراب !!!!!! | |
|
+3super man2 أبو تريكه tarek mansour 7 مشترك |
كاتب الموضوع | رسالة |
---|
tarek mansour مشرف منتديات الافلام والاغانى
عدد الرسائل : 187 العمر : 38 تاريخ التسجيل : 01/03/2008
| موضوع: اضراب ولا اطضراب !!!!!! الإثنين أبريل 07, 2008 3:17 pm | |
| دة اول موضوع ليا فى الهموم المصرية وبصراحة انا مش بحب اكتب فى الهموم لانى شايف ان فى ناس احسن منى بكتير فى القسم دة وقايمين بالواجب لكن اللى حصل يوم 6 ابريل استفزنى جدا وقلت لازم اكتب عنه ...ايه رايكم نبتدى باليوم من اوله: خرجت الصبح رحت الكليه وكان يوم عادى جدا زى كل الايام ما عدا خلاء بسيط فى الشوارع ...عادى بردة ...حاجة متوقعة ..لان من الاخر احنا مش بتوع اضراب المهم الشوارع فى الاسكندرية كانت عادية جدا زى اى يوم ..الطلبه فى كلياتهم عادى والامور ماشية تمام . كل دة عادى وانا متوقعه ..ولما روحت البيت قلت بقا اشوف اللى حصل فى اى قناه اخباريه وطبعا ملقيتش احسن من الجزيرة وبردة لقيت الامور عادية ....امال فين الاضراب . المهم خلص اليوم لكن المفاجاة كانت بالليل لما تابعت كل النشرات والاخبار وكانت الاخبار كالاتى: نشرت الحكومة بيان بتقول فيه ان الاضراب فشل وان حلات التكسير والتخريب كانت قليلة فى محافظات زى الاسكندرية والاسماعيلية وباقى المحافظات كانت الامور فيها طبيعية ولكن اغفلت الحكومة مصيبة كبيرة جدا ...ايوة مصيبة فى المحلة اليوم فى المحلة كان عادى جدا والعمال راحو مصانعهم واشتغلو زى اى يوم عادى لحد ما ميعاد الانصراف جيه وكان الساعة 4 تقريبا وحصلت اشتباكات عنيفة جدا بين الناس والامن كاننا فى غزة لكن الغريب ان العمال مش هما اللى كانو بيشتبكو ........امال مين مين المسئول عن تكسير المحلات مين المسئول عن سرقة المدارس مين المسئول عن تعطيل القطارات وسرقة ركابها مين المسئول عن اقتلاع عواميد النور من اماكنها مين المسئول عن حرق الشوارع المفاجاة كانت ان اللى كانو بيعملو كدة شباب اعمارهم من 16 الى 20 سنة بالكتير وكانت الاوامر بتجيلهم بالتيلفونات طب مين اللى ليه مصلحة انه يعمل كدة فى المحلة طالما ان العمال ما عملوش كدة
دة كله خلانى اطلع بشويه حاجات .....ان احنا شعب غلبان بيتضحك علينا من اى حد يقولنا فى اضراب وان دة ماكنش اضراب دة كان اضطراب عقلى من ناس مش فاهمة معنى الكلمة ......كان اضطراب عقلى من شويه ماجورين همهم التخريب فى بلد زى المحلة كان اضطراب عقلى من ناس عاوزة تكون مستخبية ويكون الشعب هو اللى فى الصورة
صدقونى ماكنش اضراب .....كان اضطراب | |
|
| |
أبو تريكه عضو فوق الوصف
عدد الرسائل : 498 تاريخ التسجيل : 16/03/2008
| موضوع: رد: اضراب ولا اطضراب !!!!!! الإثنين أبريل 07, 2008 4:41 pm | |
| عندك حق ياطارق وهو اضطراب بالفعل وليس اضراب... | |
|
| |
super man2 عضو فوق الوصف
عدد الرسائل : 333 العمر : 40 تاريخ التسجيل : 01/03/2008
| موضوع: رد: اضراب ولا اطضراب !!!!!! الإثنين أبريل 07, 2008 9:58 pm | |
| يا عم احنا شعب غلابه لا بتاع اضراب ولا غيرة احنا من الاخر بركة. | |
|
| |
أبو تريكه عضو فوق الوصف
عدد الرسائل : 498 تاريخ التسجيل : 16/03/2008
| موضوع: رد: اضراب ولا اطضراب !!!!!! الإثنين أبريل 07, 2008 10:03 pm | |
| يادماغك العاليه ياسوبر مان.. | |
|
| |
miss_independent عضو فوق الوصف
عدد الرسائل : 1616 العمر : 36 تاريخ التسجيل : 10/03/2008
| موضوع: رد: اضراب ولا اطضراب !!!!!! الإثنين أبريل 07, 2008 10:25 pm | |
| مش عارفه اقول ايه.. ماهو انا امام خيارين كلاهما مر... يا اما اقولك انك صح و بكده يبقى باكد ان احنا فعلا متخلفين ولا نتمتع بقدر ولو ضئيل من العقلانيه
و الخيار التانى ان يكون الشباب او الناس اللى عملو حكاية الشغب دى...عملوها عن اراده ووعى تام و ده برده مش حاجه كويسه
اقولك..انا هاقول الكلمه اللى بقت اقرب حاجه لى دلوقتى... حسبى الله ونعم الوكيل
مشكور طارق على موضوعك | |
|
| |
أبو تريكه عضو فوق الوصف
عدد الرسائل : 498 تاريخ التسجيل : 16/03/2008
| موضوع: رد: اضراب ولا اطضراب !!!!!! الإثنين أبريل 07, 2008 10:31 pm | |
| طاب المفروض يبقوا 3 خيارات وانتي قولتي 2 طاب والخياره الثالثه نكلوها انا وانتي بقا..هههههههههه | |
|
| |
Ronaldo مشرف منتديات دردشة مصرية
عدد الرسائل : 783 العمر : 36 تاريخ التسجيل : 08/03/2008
| موضوع: رد: اضراب ولا اطضراب !!!!!! الثلاثاء أبريل 08, 2008 2:26 am | |
| موضوع عيشناه كلنا بس فى حاجه الشواهد كلها بتقول ان الاخوان ورا محاوله الاضراب دى وبكده نسال سؤال لما الشوارع تبقى فاضيه والحكومه تخلى عمال المصانع يطلعوا قبل المواعيد الرسميه ده عشان ما يقابلوس الناس اللى داخله بعضيهم ويحصل أضراب لما حركه لسه ما بقتش حتى حزب تعمل كده فى بلد الامن والامان ده يبقى اكبر دليل على فشل النظام المصرى ولا ايه | |
|
| |
عاشقة وسوف عضو فوق الوصف
عدد الرسائل : 525 العمر : 37 تاريخ التسجيل : 19/03/2008
| موضوع: رد: اضراب ولا اطضراب !!!!!! الثلاثاء أبريل 08, 2008 3:01 am | |
| انا شايفه اننا غلابه اوي بتوع اضطراب بس مفيناش نفس للاضراب وموضوعك جميل اوي | |
|
| |
tarek mansour مشرف منتديات الافلام والاغانى
عدد الرسائل : 187 العمر : 38 تاريخ التسجيل : 01/03/2008
| موضوع: رد: اضراب ولا اطضراب !!!!!! الأربعاء أبريل 09, 2008 4:52 pm | |
| انا حصل موضوع قدامى امام احدى الشركات فى يوم الاضراب وبعده كمان لقيت واحد عمال يقول عبارات مستفزة للعمال عن البلد والحكومة بغرض استفزازهم لكن الواضح ان العمال كانو عارفين ان دة واحد مدسوس عليهم وعاوز يخرب بيتهم وخلاص | |
|
| |
الطائر الحزين المشرف العام
عدد الرسائل : 723 العمر : 37 تاريخ التسجيل : 25/02/2008
| موضوع: رد: اضراب ولا اطضراب !!!!!! الأحد أبريل 20, 2008 5:54 am | |
| و الله يا طارق افندى
احنا وصلنا لمرحلة اننا باقينا بنخاف من اى واحد لابس ميرى او شاكين انه له علاقة بيهم
و بالنسبة لموضوع الاضراب انا قولت رائى قبل كده احنا بنضر نفسنا بمسمى مصتنع اسمة اضراب
وشكرا يا طرووووووووووووووق على الموضوع الجامد ده
وربنا معاك | |
|
| |
| اضراب ولا اطضراب !!!!!! | |
|