شعر غزه غاضبه

موضوع: شعر غزه غاضبه السبت أبريل 12, 2008 11:20 pm

بسم اللة الرحمن الرحيم
فى ليلة شفت غزّة
جايّه فى المنام
متوشحة بلون السواد
لابسة الحِداد
ومنكسة الأعلام
سألتها ليه؟ ليه؟
ما ردت!
ولمحت نظرة غضب
بتفزّ فى عنيها
مرسوم على خدّها
أثار حلم
وحزن ممزوج بالألم
مالك يا غزة ؟
يازهرة البلدان
قالت بحرقة ! وهى فارقة؟
يهمك أزعل ولاّ أفرح!
ودموعها سالت على خدها الحزين
بتحفر المسارات
وزفرة طالعة بتنثر الآهات
ودمّ سايل بيرسم على جدرانها
قصة تاريخ تاه
ملهاة ! مأساة!
تزرع وفى حشاها كل يوم شهداء
ويأنّ كتفها من حملها ألاف الثكلى
زود ألمها الخضوع
من المحيط ألى دجلة
مِن اللى كانوا فىحطين أسود
وفى الأندلس سدّ
وأهل العبور ونهاوند
لو كنت منكم زودوا يوم عنّى
دانا كل صدرى إتوجع
من مفترى جِنّى
دانا جرحى جرحك
وربى ربك
وربى ربك

جامد يا خطيب ايوة كدة خلى الناس تتحرك

الكرنكات مش شغالة

بجد موضوع جامد

وكلام جامد

زائر

مبدع وما تحرمناش بقا من الكلام الجميل ده

بروكين

رائعة الكلمات
قوية ومؤثرة جدا واحساسك اكتر من رائع

اللهم انصر اخواننا المجاهدين فى كل مكان

اللهم حرر اراضى المسلمين يا ارحم الراحمين

قلمك متميز ومبدع ارجو ان لا تحرمنا من جديدك ابدا

أقروا الكلام وتخيلوا ان مصر اللى بتقوله
هتحسوا بشعب فلسطين
جامد جدا جدا يا بروكن