كفاله الايتام حل كويس ادخل ومش هتندم

بسم الله الرحمن الرحيم

احب اوضح حاجه بس يارب نلقى استجابه من كل الناس مش فى المنتدى بس
حتى لو فى النادى
او الكافتيريا او الشارع او النت كافيه او او 000الخ
احنا ليه فلوسنا بتضيع على حاجات بجد مش كلها ليها معنى
وفى نفس الوقت بيكون فى ناس غيرك محتاجه اى حاجه
حتى الربع جينه الى بالنسبه لكتير مننا انه مبقاش ليه معنى
فى غيرنا كتير محتاجه
يمكن يشترى حاجه يزكر فيها ويبقى انسان كويس وهيوصل والفضل هيكون ليك
ولفلوسك الى انت شايفه انها مش هتعمل حاجه

اظن انى كده خليت الفكره واضحه ليكم كلكم

بس اظن انى فى اسئلها هتجى
كالتالى :1- الى عاوزه البيت يحرم على الجامع ؟
ده غلط يا جماعه وده بمعنى اننا لما يبقى معاك عشره جينه مثلا وتطلع منها ربع جينه اظن مش هيفرق معاك
ازاى انا احط ربع جينه وغيرى يحط بالعشرهوبصراحه انا مكسوف؟
مانت لما تحط ربع وغيرك ربع وهو 10 اكيد بكده هيبقى احسن من انك مش تسئل فيهم ولا ايه ؟
-انا معرفش الاماكن فين ومعرفش اروح ازاى واقولهم خده مبالغ بسيط لا بلاش والعمل بالنيه؟
مانت لما تروح وتقف جمب الطفل وتحط ايدك على شعره وانت خارج تجيب ليه باكو بسكويت اظن هيفرح

اظن فى اسئله كتير اوى على الموضوع ده واستفسار انا موجوده الى عاوزه يسئلنى وانا ارد لانى كنت بروح ليهم وعارفه الاماكن كويس وكمان هما بالنسبه للناس الى من كفر الدوار الى عاوزه وعنده استعداد بانه يروح ليهم انا ممكن اقول المكان
وياجماعه الفضل يرجع لابو تريكه لانه هو الى سئل سؤال على عيد اليتم
ومنه موضعه انا جت فى دماغى الفكره ويمكن ربنا يجعلنى سبب فى انى افرح حتى ولو طفل واحد من دول
وبزمتكم كم واحد جه فى باله اليتم فى يوم العيد بتاعهم اظن مش كتير
ياجماعه الرسول (صلى الله عليه وسلم )وصى على اليتم تخيل اما تجى يوم القيامه هتقول للرسول ايه كنت مكسوف من انى اروح اتبرع علشان غيرى اكتر منى
بالله عليكم الى عنده النيه فى انه يعمل كده انا موجوده واتمنى اننا كلنا نحس بيهم
اتمنى اعرف رايكم على موضوع مهم زاى ده بيكون فى حياة موضوع اطفال مش ليهم حد غير ربنا واحنا
السلام عليكم ورحمه الله

ايه ياجماعه ماحدش رد عليا ليه
هو انا كنت كاتبه اسم الموضوع غير كده كان الكل دخل
سبحان الله

صاحبة السمو.... اميرة الاحزان
مواضيعك كلها زيك فى غاية السمو والرقى...

انا شخصيا عمرى مافكرت فى حكاية انى مش هاتبرع عشان غيرى ممكن يدفع اكتر منى
واللى بيفكر كده يبقى حاجه من اتنين.... يا اما مش عارف قيمة دينا ... يا اما مش عارف مفهوم انك تساعد طفل او اى شخص من الاساس...

ديننا مبنى على اليسر لا على العسر.... لها معنى كبير الجمله دى ..على فكره
منها ... ان الابتسامه فى وجه اخيك صدقه
يعنى دانا لو بس ضحكت فى وش واحد بيسالنى حاجه...هاخد عليها ثواب... مش ربع جنيه ولا ميت الف....!!!

اميره ... الموضوع كبير واكيد هايفتح نقاشات كتيره باذن الله
ولكى خالص شكرى واحترامى على المواضيع المهمه دى....

الله عليكي يا اميرة علي فكرة وانا بقرأ الموضوع الجميل دة جاتلي فكرة جميلة جدا ان كل اعضاء المنتدي لو يجمعوا من كل واحد لو في الاسبوع او الشهر جنية وواحد او اتنين او مجموعة مننا تروح للايتام ونفرحهم يبقي عملنا حاجة حلوة وانشاء الله ربنا يجزينا كل خير وعايز اقزلك ان انا كمان بروحلهم علي طول ودة من غير متقولي والله والله ينور علي افكارك الجميلة

مستقله انتى منوره ورايك مهم جدا وان شاء الموضوع يلقى اهتمام لانى بجد بحب الاطفال دى اوى

كيمو رايك تحفه بجد وربنا معنا وياريت كل الى فى المنتدى يقولوا اوك وانا عندى استعداد اروح اودى الفوس دى هناك انا واى بنت كمان من المنتدى او حد منكم يعنى ولد يروح بجد لو حد اخدنا من نفسنا كل اسبوع عشرين جينه كلنا ربنا هيكرمنا ومش هيجى على الواحد حتى 1 جينه
وان شاء الله انا مستنيه باقى الرد على ىالموضوع الى مواقف يقول اوك وان شاء الله نشوف حد مننا يتنبرع بانه يجمع الفوس ويروح لاطفال
وكمان ربنا يجعل المنتدى مكان لعمل الخير
ممكن اكون تقلت عليكم بس انا حابه اعمل ليهم حاجه وربنا يقدرنى

علي فكرة هكلم الادارة في لموضوع دة وباذن الله يوفقوا

يارب

والله يا اميره موضوع جامد وفكره حلوه

متشكره او قلب
ومشكور على المرور

حاجه غريبه ازاى يكون 27 حد شاف ومش رد على الموضوع ياجماعه
مهو لو كان موضوع عن الحب ولا لا
كان المنتدى كله رد وكتبت رورد
بجد ده ينفع ؟؟؟؟؟

ولله انا زعلان ان الناس قلوبها اتحجرت وبقت مثلها كمثل الصخر

بجد عندك حق
انا ساعات بفكر انى لو حد من الاطفال دى اخويا ابنى
مكنتش هعمل كده
المفروض الباقى يفكر فى كده

والله يااميره الفكره كانت في دماغي وانا متحمس جدا للفكره..

ياااااااااااااااااااااااااااه لسه حد بيفكر فيهم
بجد مشكور وعلىفكره انا واخده الفكره دىمنك ايام ما كنت بتتكلم على العيد بتاع الايتام
وبجد مشكور ويارب نعرف نعمل ليهم حاجه

ان شاء الله بس شوفي انتي هتعملي ايه وانا معاكي ..

انا شايفه اننا نخد فلوس من الاعضاء وكل الى فى المنتدى وكمان واحد من الادراه هو الى يروح يحط يودى الفلوس ليهم
وبكده هيكون فى ثقه بنا
ويارب القى اقبال من الناس كلهم زايك كده

خلاص ابعتي رساله لاداره المنتدي.. وانا هبقي اكلم الاداره.. وربنا يسهل..

يارب ان شاء الله

ان شاء الله..

الموضوع كويس قوى
بس فكرة ان تلمى فلوس وحد يروح يوديها دى غلط يا استاذة اميرة
الى عايز يروح هو عارف العنوان علشان القيل والقال

خصوصى

مش فاهمك حضرتك
احنا هنرشح استاذ حسام
وده لانه اكبر حد فينا
والثقه فيه كبيره يعنى مش اى حد
واتمنى انه مش يرفض وربنا معنا
ويارب تعمل حاجه ربنا يبقى راضى عننا فيها

استاذ حسام فوق راسى انا مقلتش حاجة على الرجل بس قانونا لا يجوزززززززز

وليه لا يجوز
لو انت مش عاوز تبقى معنا اوك براحتك
بس اظن باقى الاعضاء موافقه
ولا ايه ؟؟؟؟؟؟؟

السلام عليكم ورحمه الله وبركاته اولا الفكره والموضوع حلوه رغم انها مش جديده بس كويس ان الواحد يلاقى ناس لسه مهتمه بغيرها قال رسول الله صلى الله عليه وسلم( من لم يهتم بامر المسلمين فليس منهم) وعشان نكلل الفكره بالنجاح اعتق انى عنى فكره احسن من ده كله وهيه ان كل واحد اكيد عنده جاره متوفى وسايب اولاد ومن هنا نقدر
نساعدهم اسهل بدل ما نجمع تبرعات ويبقى الموضوع فيه مشقه وارجو ان الفكره تعجبكم لانها عجبتنى وسهله بالنسبه ليه مش عارف بالنسبه ليكم هتبقى ايه............. سلام

مشاركه كويس
وانت طالما تعرف ناس روح واديهم اوك
واحنا هنشوف برضه
بس كنا عايزين حاجه للمنتدى كلنا نشترك فيها
ويكون ربنا راضى عننا فيها
ومشكور على المتابعه والفكره