تفضل ناقش اللى بعدك بسؤال ...؟؟؟

علشان السبب بيكون ف الحبيبين

لازم يكون حبهم بينهم يعنى محدش يعرف عنهم حاجه وبكده محدش حيحسدهم

السؤال
ليه سبت الانسانه الي حبيتها

علشان كدبت عليا وانا عرفتها ان الكدب ملهوش رجلين
ولو كنت اجوزتها وفى يوم الدخلة عرفت ان هيا كدبت عليها
كنت حسيبها بردة

لو حد كدب عليكى ممكن تعملى اللى انا عملتة

ممكن اجواب انا
ممكن يكون بيكدب وبيخون فى نفس الوقت ولو جه قالى سبب للى هو عمله ده هسامحه بس اقولك حاجه انى من طبع الحبيب الخيانه حتى لو كانت روحك فيه لازم يخون لانهم بيكونه متعودين على كده لانك مثلا بتحس انه هو كل حاجه ليك ده للبنت
بس الولد بيروح ويشوف احلى منها يبقى انتهى وهيه فى خبر كان
السؤال :احنا ليه بنحب على مزاجنا ومش نحب على مزاجنا برضه يعنى مش بيفرق معنا اى حد ؟؟؟؟؟؟؟

اولا الحب مش بالمزاج الحب بالقلب والاحساس لكن الا انتى بتقولى عليه د مش حب
سؤالى يا ترا الدنيا حرمتك من شى ؟

اه من كتير بس الحمد لله
سؤالى :انت مبسوط او (مبسوطه )من حياتك ؟

سعات بحسب انى مبسوطة واسعد الناس وسعات احس انى اتعس الناس وبصراحة اني اكون مبسوطة ده راجع لحالتي النفيسة وحسب يومي ازاى عدا
سؤالي :نعمل ايه عشان نتبسط على طول؟؟؟؟؟؟؟؟؟

انا شخصيا ببقى فى احسن حالاتى لما اكون راضيه ربنا ومش حاسه انى مقصره فى اى واجبات على ...وبرده لما بيكون فى حالة استقرار وراحه فى المشاعر مع الناس اللى حوالى..

مشكوره عاشقه...
___________-------------
س: انت سهل تتنرفز وتغضب؟

سهل قوى دا انا سبب نصيبى نرفزتى
سؤالى انتى طبعتك هادى واله متنرفزة ؟

طبيعتى انى مجنونه فى اى حاجه يعنى بتنرفز بسرعه وقى ثوانى برجع
سؤالى :انت او (انتى)بتصلى ؟؟؟؟؟

للاسف لاء بس بازن الله هصلى ادعيلى بس
سؤالى لو اتقدملك شخص متدين بمعنا احق شيخ بدقن ومن ضم شروطه انك تلبسة النقاب تعملى ايه؟

هلبس طبعا
وعلى فكره انا نفسى البس النقاب بس مش عارفه حاسه انى مش هعرف
سؤالى :مقتنع انى فى حب فى الدنيا ؟

الحب نبض القلب الحب الحنان والاطمئنان
الحب الصدق الاخلاص
سؤالى ما ذا يعنى لك الحب؟

ولا حاجه
سؤالى :هل انت واثق من نفسك ومن اى تصرف ليك ؟

نعم ولكن الثقة لا تمنع اني قد خطئ في بعض القرارات

ما الذي يجعلك تشعر بالوحدة؟

ان اعيش بدون حب
سؤالى هل انت وحيد ؟

احيانا اشعر بها

السؤال: صف مشكلة كبري وجهتك واستطعت أن تحلها بنجاح ؟

اة زمان كنت حابب واحده شافتنى وانا ماشى مع واحد تانيه
عملت ايه عملت من طنطا
سؤالى ليكمو يا جماعه معلش
حبيت قبل كده

ههههههههههه لية الفضايح دي بس يا نور ان بعترف انة مفيش شخص علي الارض يقدر يعيش من غير حب والا يقول غير كدة يبقي كذاب هجوبك بطريقة مباشرة يا عم نور وانا صغير بس مش قوي يعني حبيت وحدة تعتبر بنت الجيرن وعلي فكرة هي مش من الشارع بتعنا احسن دماغك طروح لبعيد هي بيتها قريب مني شوية
وحبيت وانا في الثانوي ولكن حب من بعيد لبعيد وانا الا كنت عايز كدة اما الان الظاهر اني رجعت احب بنت الجيران تاني بس المره دي بخطوبة بأذن الله وبلاش فضايح اكتر من كدة
واستنة مني اسئلة منيلة علي كرسي الاعتراف كل سؤال انقح من الا قبله

السؤال: اي حد يسألة بالنيابة عني؟

حاضر...
سؤالى: امتى نتاكد ان احنا بنحب...

لما تحسى انى الدنيا كلها بقيت ليها طعم تانى
بس اظن صعب
سؤالى :ليه الخيانه بتجى من اقرب الناس مع اننا بنكون مش عارفين انهم كده ؟؟؟؟؟

ماهو لو كنا عارفين...ماكانوش هايبقو اقرب ناس

س: ليه صعب نلاقى الحب ؟

لانه مش موجود اصلا
سؤال:امته نحس اننا عمرنا راح من غير فايده ؟؟؟؟؟؟؟

انا اسف ي اميرة ردك غلط هو مش موجود بالعكس هو موجود بس احنا الا مبندورش علية كويس
والعمر بيروح هدر لو معرفتيش تستفيدي بية

تعمل اية لو بتحب شخص ودماغة نشفة زي مبيقولوا تكسرهالة ولا تعمل اية ؟

اكسبه...بدلا من ان اكسره
احاول افهمه.....ماهو اصل كل واحد مننا ليه مدخل وليه نقطة ضعف...
دور عليها وحاول تفهمه

س: هو احنا ليه ساعات بنخاف نحب؟

علشان اغلب الا حبو يا في مستشفي المجانين يا انتحروا وربنا يستر عليا

السؤال : ماذا تفعل لو قلت لشخص انك تحبة ولكن بطريقة غير مباشرة ولم يفهمك؟

اقولها مباشره وبدون مواربه ...ده اذا كنت فعلا بحبه

س: ليه كل اللى حبو انتحرو او ماتو؟؟ العيب فى مين يعنى؟ فى الحب ولا فينا احنا؟؟

العيب فينا جايز لاننا بندي الحب اهتمام اكتر من الازم

ما رد فعلك لو خطفت الدنيا منك حبيبك؟

ولا هزعل عليه
لانه من الاول مكنش حبيبى علشان يسمح لدينا بانها تخده منى
وبالنسبه للراى انى الحب موجود ولا لا الحب مش موجود ودليل علي كلامى انى اى واحد بيحب بنت بمجرد مواقف بيقول سلام سلام
يبقى فين الحب
على راى ام كلثوم حب ايه
والحب ضاع
ياجماعه الحب بقه حاجه معدومه اصلا
وربنا يرحمنا برحمته
سؤالى :ليه طوال عمرنا نقول الصح والغلط لغيرنا مع اننا ساعات بيبقى كلنا غلط

اميرة الاحزان كتب:

ولا هزعل عليه
لانه من الاول مكنش حبيبى علشان يسمح لدينا بانها تخده منى

انا اسف فى السؤال بس استفسار رفيع

مين دينا دى اللى اخدته منك؟

اكيد دى انسانه زباله وخطافه رجاله

ههههههههههههههههه لا اقصد الدنيا

اه .. كده ماشى ... انا قلت برده مش معقول دينا تعمل كده ...دى محترمه وبنت ناس ومتربيه

بس انا اصدق ان دنيا تعمل كده عشان دى بنى ادمه واطيه على فكره .. انا حبيت بس احذرك منها .. عشان هى خطافه رجاله فعلا خدى بالك

يابنى اقصد النيا عمتا

فين الاجابه على السؤال ؟؟؟؟؟؟

مين النيا عمتا

عمه مين وخاله مين

ايه الاسامى الغريبه دى

الدنيا الى احنا بنعيش فيها دى يعنى الحياة

فين السؤال
ومستنيك يا كيمو اسئل براحتك

اميرة الاحزان كتب:

ليه طوال عمرنا نقول الصح والغلط لغيرنا مع اننا ساعات بيبقى كلنا غلط

صح كلنا بنبقى غلطانين بس لازم ننصح غيرنا علشان ما يعملوش الأخطاء اللى احنا عملناها ..... وبارضه طالما احنا عافنى ان احنا غلطنين يبقى لازم نصلح أخطائنا علشان ما نبقى زى اللى ربنا قال عليهم ...(أتأمرون الناس بالبر وتنسون أنفسكم .....)

سؤالى .:: ليه المنتدى الاسلامى أقل عدد مساهمات بالنسبه لعدد المواضيع .... وكمان الأعضاء اللى بيحطوا مواضيع فيه وبيردوا معدودين وكمان فى أعضاء أتحداها انها دخلت المنتدى الإسلامى أساساً؟ ::.

على فكره ده صح وده باين اوى
وعلى فكره اوعدك انى هعمل شغل كوس فيه مع انى بعمل وبدخل فيه بس برضه حاسه انى مقصره
متاسفه
هسيب السؤال للى بعدى

طيب ارد على فارس وبعدين اسال....
بالنسبه للمنتدى الاسلامى....فهو على فكره من اهم الاقسام الموجوده
ومع ذلك....مثله مثل الكثير من المواضيع المهمه التى لا تاخذ حقها فى النقاش والمساهمات
جايز عشان موضوعات المنتدى الاسلامى محتاجه تركيز وقراءه بجديه؟؟
ممكن عشان احنا بيكون وقتنا ضيق فمابنقدرش نعمل ده مع وجود اقسام تانيه تحت اشرافنا...؟؟
وبالنسبه للمساهمات والردود فهى لازم تكوت مقتضبه او مش لازم بس اقصد انها فى الغالب بتكون كده لان هى مش محتاجه اراء ولا فلسفه....دى احكام فى الشرع.

مشكور فارس.....

س: امتى اخر مره عملت خير ... ومن غير مايطلب منك ...ولو ينفع...ممكن تقول ايه هو؟؟

من فترة قريبة
ومش ينفع اقولة


سؤالى : اية اكتر حاجه شاغلة دماغك اليومين دول وبصراحة ؟؟؟؟

هههههههه اتجوز
سؤالى حد يعرف يعنى ايه جواز؟

لسه ما عرفتهوش عشان اقولك عليه
سؤالى
انت مش شايف ان المنتدى بقى يخنق

فى حاجات كتير بقه ملله
زاى انى فى اعضاء مقصره على حاجه واحده مش بتنوع وده بيخلى فى روح ملل تكون موجوده
ياريت بقه للكل الاعضاء عايزين نكون مختالفين زاى الاول علشان نوصل لمركز الاول
وبلاش العضو يبقى مركز على منتدى واحد لازم يبقى منوع فى المواضيع
سؤال:امته اخر مره حد قالك انك غبى ؟؟؟؟؟او مش بتركز فى حاجه؟؟؟؟

كتيررررررر بس اخر مره
ممكن تكون امبارح
سؤالى
مين أحسن عضو فى النتدى من وجهه نظرك؟؟؟؟؟

عاشقه البحيرى
وانت مين احسن عضو بردوة فى المنتدى؟

ههههههههههههههههههه مين يشهاده للعروسه
انا شايفه احسن عضو جلبرتوا بيجيب موضيع جمليه ومهمه وعضو محترم
سؤالى :ممكن تكون بتجامل وتحلف انك صح علشان بتحب تجامل الى قدامك؟

ههههههههههه ماشى يا اميرة
لا طبعا مش بحب اجامل نهائيا
سؤالى ايه رائيك فى المواضيع بتاعتى

فيها جو غريب وليها اهميه بجد
وانا ساعات بشوف موضوع مش بفاهمه بس اى موضوع منك بحس انه بسيط وسهل كده
هسيب السؤال للى جاى

سؤالى بتؤمن بالحب من اول نظرة ؟

هههههههههههههههه

الحب من أول نظره ...... طيب ... مش عارف

سؤالى ...
.:: احكى موقف غريب حصل ليك .... ؟ ::.